¹ Ta gǝ lə Amos, è kɨ kare dann njekulnyan gə kɨ Tekoa, ingə nyan pində kɨ ɔjə də israël, də kur loo kɨ Ozias, ngar kɨ Juda, á də kur loo kɨ Jeroboam, ngonn lə Joas, ngar kɨ Israël, ɓal joo kete ɓita kadə də nang yəi ɓai ² . È ədə nɛ̀: də mbal kɨ sion Njendisənon ndang rann, kɛm ɓee kɨ Jerusalem è adə d'oo ndu'n. Loo kɨ njèkulnyan gə aw sə nyankul gə lə'n tutu tujə ā də mbal kɨ carmel tutə karəm-karəm a tɔ. ³ Ē ā Njendisənon tam'n ta: tədə kɛmyɛr gə kɨ mutə lə Damas nɛ̀ è sɔ gea, m'a təl sə ndu kunn ləm gugu lé, tədə dé ndɔr kosdoo gə kɨ Galaad nang sə kulə nar. ⁴ Man m'ulə sə pɔr kɛm kəi lə Hazaël, e á a rö kəingar gə lə Ben-Hadad. ⁵ M'a tɛtə tá kəi gə kɨ tɔ́ sə kulə nar gə́ lə Damas, m'a tɔl doo kɛm ɓee gə lə Bikath Aven ndatɨ-ndatɨ, ā sə è kɨ njè kuwə kag ngar lə Beth Eden jinn tɨ; ā kos doo gə kɨ Syrie d'a d'uwə dɨ ɓër lə kaw sədə Kir, Njendisənon á tam bè. ⁶ Ee á Njendisənon tam'n tà: tədə kɛmyɛr gə kɨ mutə lə Gaza, nɛ̀ é sɔ gea, m'a təl sə nduku'n ləm gugə lé, tədə de t'uwə də ɓër d'aw sədə d'adə də Edom. ⁷ Man m'ulə sə pɔr də ndogə bɔr gə lə Gaza è ā, a rö'n kəi ngar gə. ⁸ M'tɔl doo gə kɛm ɓee tɨ lə Asdot ndatɨ-ndatɨ ā,njè kuwə kagə kon ɓee kɨ Askalom jinn tɨ; m'a tur jim k'ɔsənn Ekrom, ā sə gutə philistin gə kɨ nan-in à ndumi kabak,Kuwəɓee Njendisənon á tam bè. ⁹ Ee á Njendisənon tam'n ta: tədə kɛmyɛr kɨ mutə lə Tyr nɛ́ sɔ gea m'a təl sə ndukunn ləm gugə lé, tədə de t'uwə kos doo gə ɓə̈r d'adə Edom nal kadə kɛm də ole'n də ndu mann ra lə ngakon nan gə. ¹⁰ ma m'ulə por də ndogə bɔr gə kɨ Tyr è à rö'n kəi ngar gə. ¹¹ Ee ā Njedisənon tam'n tà: tədə kɛmyɛr kɨ mutə lə Edom nɛ́ sɔ gea, m'a təl sə ndukunn ləm gugə le tədə k'ɔr kɨ e ɔr ngakonn gə kororoi sə kuyə kaskar utə'n də k'an kumtondoo lə'n ā, tədə wɔng lə'n adə dô ā, e ngom kɛmkon sár-sár sə non. ¹² Ma m'ulə por də ɓee bō tɨ lə théman ā, à rö kəi ngar gə lə Botsra. ¹³ Ee ā Njendisənon tam'n tà: tədə kɛmyɛr kɨ mutə lə ngann lə Ammon, nɛ́ sɔ gea m'a təl sə ndukunn ləm gugə le tədə ei tan-in kɛm dinyə gə kɨ njé ndann ngann gə kɨ Galaad lə kadə ɓee lə də madə tɨ. ¹⁴ M'a k'ulə por də ndogə bɔr tɨ lə Rabba, è á à rö'n kəi ngar gə lə'n rak-rak dann ndang gə tɨ lə njérɔ gə ndɔ rɔ tɨ dann nəl bo tɨ ndɔ nəl bo tɨ, ¹⁵ E ā ngar lə də à aw ɓee ɓǝ̈r tɨ ei sə ngann ngar gə lə'n, Njendisənon ā tam bè.