¹ Anabinẹ ni gedunẹ bana amị bẹ lé ni gasẹ gumẹ, bamali ya ami gini abe wweze nẹ. Ba tẹ́ẹ́ gẹ̀ dẹ Usigapa ubene ba gasẹ gumẹ. Utimoze yaba a bene geli a vo iwuya ba. ² Banị́ ni gẹdunẹ bava aba lika kaba, ba nabo lika kọ Usigapa, nba ba lika ka amị. ³ Ni lika ka ba ga gẹ̀ baza banị́, gi ba ba lika ka ba ni gasẹ gumẹ. Uzumẹ nba pa liyẹ tẹ̀, webe lị. ⁴ Nde Usigapa wa nabo Imaleka imẹ nba me lika ibibi tẹ̀ la. ⁵ Wa gini nabo banị́ yẹ'a kiya kiye la. Nde nabo Unuhu unị ya ukụkwasi ni banị́ itọra ya gami kana nẹ, utu umẹ ugbọlị banị́ tẹ̀. ⁶ Usigapa du ile ya Usodomi nu Ugomala nẹ, u lị ba, gi wa tsene banị́ ya utu umẹ u we be tẹ̀. ⁷ Nde gebo ka ulutu unị́ ya ukụkwasi, umẹ u wa ipala nu ile yiẹ tẹ̀ Usigapa fune'a. ⁸ Unị́ ya ukụkwasi yẹ dẹ ni gingẹ ka banị́ ibibi, u w wee ipala uzu nu utụnẹ ni banị́ ibibi nẹ tẹ̀. ⁹ Usigapa kpụ kụ we fune banị́ isesele ni lika utsuku tẹ̀. Gẹ̀dẹ Usigapa kpụ kụ wa gi banị́ ibibi liyẹ̀ nu uzu ya gebye nẹ tẹ̀. ¹⁰ Unị́ vu ukụkwasi, nu lutu ka banị́ imẹ, nba tsịtsị a mẹ lika iyapulị, ba gini'a fulu a ba ituzugẹ la. ¹¹ Imaleka nya ntsi, nde be bene ukala ubibi yaba, nu Usigapa la. ¹² Nde fiye gumẹ uwa nga ganyinẹ̀ la tẹ̀, a ma ba gẹ̀dẹ a tsi ba uto a li fitsi kaba, ba mẹ lika gumẹ nba kpu la tẹ̀, ka'a be lị. ¹³ Ba gu ukpo ya aka ibibi imẹ nba mẹ tẹ̀, ba nyinẹ lika ka guba kili, lika kọ ẹnẹzẹ siba iye, utu ume nba li ibe nẹnẹ tẹ̀. ¹⁴ Ba vu banị́ ikilaki, aka ibibi a kuba la, be tsu banị́ a zwinẹ aka ibibi, ba ni iye yaba gi aka itsuku. A me bebyi yaba ganu. ¹⁵ Ba nabo utimoze usesele. Nba ba utimoze ubibi, utimoze wa'a ubalami, ubyi ya ubuwa, uwẹ'e usi'a iye gẹ̀dẹ wa gụ ukpo ya aka ibibi tẹ̀. ¹⁶ U gụ ukpo ya aka ibibi yana, utu umẹ uvaka gẹ̀ lika nu gule kọ unịyapu nẹ tẹ̀. ¹⁷ Ba yi gayi kọ uvụ umẹ uwa nya uzọ la tẹ̀, gubyị utilịlị a gyengye a pu ba. 8 Ba vu banị ukpakpaki ya aka inikpụkpụ, be tsu banị́ a zwinẹ aka ibibi ya gụwụpa, be tsu banị imẹ nba mẹ aka isvevsele tẹ̀, a zwi aka ibibi, ¹⁹ a ma ba anikeweli ya lina, ndve ba vu befe ya aka ibibi unị vu gufe kọ ube umẹ upe'a tẹ̀. ²⁰ Unị́ umẹ ukpu Uyesu, uba gini a mẹ lika ubibi, gebye kana wa mọ unyị a pe kụ uyi ngbọgbo tẹ̀. ²¹ Ba gima'a aka kpu lika kọ Usigapa la, gẹ̀dẹ ba kpu, nba gini kolegi ba gima ga kpu lika ko Usigapa la, gi ba kpu nba gini a kolegi. ²² Upipilige me yi gye "gebiki go ugini ku li. Ugulusu su iwu ugini kolegi zwi atsanbwa". ̀