¹ Kẹkẹ e ma ka utakada wọ uvuva ma gẹnẹ bani iyeye gima tene lika sesele ni iye yene, ² gi nyina tẹ lika gume unabwa utsarkaka gẹ ekiye kiye, sị ibe izizi wọ Ada unị́kpukpu, ni eme Uyesu gi batsagba yana tene. ³ wọ ngbogbo keke me, uvu bani uwulụ gadė nu uzụ agė byẹ. Ba dẹ uwulu age kȯ uba ba te. ⁴ Ba gede, alkawarin mė, umẹ gede ne be te pa? kẹ Adei si tsii te genge gbi si tsị-tsị yitẹ tu ni ngbogbo yė ibė gamẹ ⁵ Be ginė amuatẹ gede nkị ni gasẹ gumẹ nẹ, yi nu tu wọ uzo ne ku usigapa si ma eki ye-kiye te. ⁶ Gebo ka aka me ngase kẹ tuye ni gbasa, nu uzo nẹ ⁷ usi ginị ibė izizi iyẹ gede anabo nki ni gase gume ne gebo ka giwạ Anabo gebo ka iwạ gatsi ni bani me nba kpu̇ usigapa la te ne gawụ ⁸ Uka kyẹ ga kpụ ke nye la, vuuni geye, gẹ̀dẹ uzụ udẹdẹ nu Usigapa nẹ, uyi ka ko uyė udubu, uyẹ udubu yi ka ko uzu udẹ. ⁹ Avu gẹ̀dẹ ubėmẹ Usigapa gẹ tẹ wama zẹzẹzẹ la, gebo gẹ̀dẹ bani dika ni su gẹ̀dẹ wa me zezeze. Nde uvu unị liye ga mọ. Wa vu gaba kana gẹ̀dẹ uni dẹ̀ nẹ atsi la, nde gogwọ ga ginị ¹⁰ Nde uzụ wọ Usigapa wẹ be kanko ugamọ'atsi. Nki ya kyẹ ni ligba gesụ nẹ. Ibe ya du ni giwạ ne, gasẹ ni ibe me ame te ne ye tsegasẹ ¹¹ UTumẹ ibe ya gbas nu utomozi yili mẹ, bani yiti kwo gẹ nya vu? nyina yi tsa niye ni nzize yo usigapa ne. ¹² Nyine tsė yapu aba, ni gẹbe kọ uzu wo usigapa gebe ne. Uzu te nki ya du ni giwa ne, ibeme iyi mo te ya woni ¹³ ni anikeweli umẹ umė te ye genge yapu̇ nki pupa ni gasẹ pupa ne, neme lika sele wa yi te. ¹⁴ Bani mẹ nbaliyeba kaba tẹ̀ tu kẹ itsėyapu ba aka ime nbeli giya me ubeme ugwo te, gi aka wa aka tsiku la, nde awa liyesi ngegu kana. ¹⁵ Nyina gina moliye nu usigapa ne gebo ka gasẹ ume ugiyi te, ku uniliyeba keyi ubulusu ka giyi te, na kpu kana gume asi ga te. ¹⁶ UBulusu ge lika kė ibėmẹ ni ibe ga ka kana gbi, ume ibė unya liye ka ga kpu yimotẹ. Bani ga kpu lạ ni bani ga ndezena la, gine aka me, ke basi me aka kiki, gebo ka gitsịị kaba te. ¹⁷ Kuyi te, bani iyeye tu kẹ nyina kpu ibėmẹ nyina mo iwu yne ibo gi nyina ka vo utomozi la. Gi bani izạzạ bani aka gigi gi nyina nabo like usese le la. ¹⁸ Nde nyine kė nu aneli ni gakpu ko uyesu almasihu ne. Nbeli gi ube usesele wa vu wana gbogbo age. Amin.