¹ Usimanu Ubitulusu gufe, utsagbani kọ Uyesu Alimasihu nbanime iya ba Uyesu udodẹ te nẹ. ² Nbeli gi aniheli ne liyesi nu gakpụ kọ Usigapa nẹa pe tẹ́ nu liyẹ̀ kọ Uyesu Alimasihu. ³ Gbyi ibe yọ Usigapa mẹ uvu wọ ulayi giyi tẹ, umẹ uvalayi gẹ̀dẹ ya vu banị́ yana sesele tẹ. ⁴ Ni gayi tẹ́, umẹ yi anikewoli gẹ̀dẹ yavu banị́ mẹ ya zwi gazẹ kana tẹ̀. Kẹ ifu ni ibe ibibi ya gasẹ gumẹ ni guba kana nẹ. ⁵ Gebo ka ga yite nyinẹ zụ yapu nyinẹ'aba Uyesu epetẹ̀ ni gakpu kẹnẹ. ⁶ Ni gakpu kẹnẹ, nyine'a mọ iwụ yenẹ ibo, gi nyine'a mọliye, ni liye ga mọ nyine'a kpu Usigapa. ⁷ Ni Usigapa gakpu kẹnẹ, nyine'a nya ntsi ni idika geye, ni liyeba. ⁸ Nde ibeme iyi nenenẹ nyine'a kye ni ya ne, nyine'a yị ba lika kọ Uyesu gakpu la. ⁹ Nde unimẹ wa nye ibemẹ la, wa pa ibé yẹ keke me kili, uvu uvayapu. Ugine mo'atẹ gẹ̀dẹ a nyini ni aka ibibi. ¹⁰ Ni gayi tẹ banị́ yami nyine'a zụyapu gi ivala yẹnẹ yavụ ubebe. Nde nyine'a meté nyine'a pili la. ¹¹ Nu timoze yẹ nyine'a wa gazwi, gaze kọ Uyesu. ¹² Gebo ka gayi tẹ́ ma'a tẹ́ nẹ ibemẹ, nyinẹ'a kpu ibemẹ, nde nyine'a gini genge zwi. ¹³ Meye gẹ̀dẹ ngini ma tẹ́ nẹ zamzan gẹ̀dẹ nyinẹ vu banị́ yami. ¹⁴ Gẹ̀dẹ wa bya tse gima nabo gụwụpa gumẹ kẹ lika kọ Usigapa tsinem tẹ̀. ¹⁵ Ma mọ tipi zwi nma gẹ̀ nẹ ibemẹ ma gẹ̀ nẹ ibeme gbogbo gi nbe tsi. ¹⁶ Ya gẹ̀ nẹ ibemẹ ni giwa ga bẹ nẹ la, nu lutu ka ntsi wọ Uyesu Alimasihu. ivu banị́ usenda wọ Uyesu. ¹⁷ Ugu ntsi na Adana nu utumẹ ngulẹ ka Adana gẹ̀dẹ; "ubyi mẹ vu ubyime nbaliyeba kana tẹ̀". ¹⁸ Iwu gule gumẹ ni nki, nu utumẹ iba ni lugu usesele tẹ̀. ¹⁹ Gulé gume giyi ntsi, nyine'a ba gule gumẹ uyi ka kọ giwa nu gubi umẹ uzwi iye yene tẹ̀. ²⁰ Nyine'a kpu te gẹ̀dẹ lika gumẹ wavu ga gẹ kọ uniyapu la. ²¹ Nya lika kọ Usigapa mẹ ufu ni banị́ yapu tẹ̀ la nde uluhu wọ Usigapa uwa ge lika ni iye yabani.