¹ Uki ko ẹnẹ bani aduwa, maka ma gene gala. ² Gebo gédẹ n kpu ubeme n nyine e ye te, n gini ma e'lu gegu ni yapu ya bani make duniya gebo kẹnẹ. N ge ba gédẹ achia a pu ba ezu-ezu gebo gédɛee alala ya ẹnẹ gigi gi ba ni ni gedu ne like gyengye. ³ N nne baniko yami bene gi ikẹ lu gegu fene n lutu kẹnẹ la, gebo gédẹ nyina de iwũ. ⁴ Nte uni wo makidoniya ube be nim ne, nyine a dẹ iwu la, azi ya mo yi momo, gi ntsi me i nya ni lutu kẹnẹ tẹ avu gudu-gudu. ⁵ Gebo guye tẹ ngẹdẹ ugwo gede bani ikiki ebe woze ẹnẹ gi ya de iwũ ye zi, gebo ka anikowoli ye ibe gagi. Uyi tẹ gi iwu gạ dẹ avu anibalika, uka vu ubeme a gu'a ni ntsi nẹ tẹ la. ⁶ Lika uyi té: ibe me nye zu te nye săe tsi; nye zwũ ibibi , ibibi nye săe tsi, nye zwũ isele, isele nye săe tsi. ⁷ Aka me gwongwo agi ke usi su gédẹ na gyi tẹ. Usigapa eye unime ugi ni uye dode ne te. ⁸ Usigapa nya ntsi gi wa gi'ene anibalika ni gedu nẹ ibeme n nyine e ye te, nyine a wa gbi. Wa yi te gi lika sele a le idu. ⁹ Usi yi kẹ aka tẹ: "U-zaa gibe kana gi bani litolotsi. lika sele kana ayi gbogbo age. ¹⁰ Usigapa mẹ uwa gi bani gitẹ gamẹ ibe kwo si ibe ilili tẹ, nanu usaa gi'ene ibe kwo gi nyine zwwi. Wa me liks usele epetẹ petẹ. ¹¹ Nya nya gibé gi nya mẹ gamunu anu. Ume nịwo benẹ uyodiya ga gi gebo ka'e. ¹² Gatimẹ gume avu gebo gede bani aduwa awa ubeme n be ye te kili la, nde wa'e bene ugidiya ga gi Usigapa. ¹³ Gebo gede a mo'ene pa gi a guzi kpu'ene ni gatime gu me, nyine a si'a gini a yaba Usigapa ni ga -fuluba lika kana ne, nyine a gini a yaba Usigapa ni gamunu ga me ne. ¹⁴ Ba mé aduwa a gi'ene mẹ te wa bya li. Ba metẹ gebo gédẹ anibalika wo Usigapa unya nya ntsi yi nẹnẹ. ¹⁵ Ugodiya ya ga munu kọ Usigapa mẹ ya gé ya nu la té.