¹ Ni mi ubulusu ni iwu yami nẹ ma kụ tịzẹ gebo ka li ye ba kọ Alimasihu, mani me'e sine iwụ ya mi tize, tu me n de ni gegu kẹnẹ té nde n fu gasẹ, ma nị ma me' lika kami ni ntsi nẹ. ² Ma ku ẹnẹ tịzẹ nuutumẹ n dẹ ni gegu ka'ẹnẹ té, me ye gédẹ ma vu unị ukpakpaki la. Nde n pa té, ma'e ngye-ntsi niutumẹ i ile ni banị mẹ n ba su gédẹ lika kẹ yi vu amii té. ³ Si gédẹ ya zu ni gụwụpa, ya gbụ lụkọ ni gụwụpa nẹ la. ⁴ Nde ibe ya luko kẹ yi ya vu ya guwupa la, nde ba yi ni ntsi ya Usigapa nẹ, gi ba gbasa ibe ya usetan, si ibe mẹ iya bene gaminisi té. ⁵ Igi ni ya gbasa ibe mẹ n ba gbụ yi gbụ-gbụ ni lika ka Usigapa té. Ya mọ ga-nyinẹ gbyi, e be ne gegu ka Usigapa, ⁶ Nuinẹ ba nị Uyesu mọ gyẹ, ikpụ kẹ ya dẹ iwụ gi unimẹ u-va, ya gi'a ufolo té. ⁷ Pa, ibemẹ a gaya ni gẹzuge kẹ nẹ té. Unị mẹ ukpụ gédẹ na vu wọ Uyesu, wa kpụ iwụ ya na gédẹ kẹ na si vu wọ Almasihu té, nsi yi té du. ⁸ Ko ma'e lu gegu makyẹ ẹ'pele la, gebo ka litsẹ gumẹ Usigapa giyi gédẹ yo kpa'ẹnẹ té, azi ya mọ mi la, gebo gédẹ litsẹ gumẹ wa vu umẹ wa li'ẹnẹ té la. ⁹ Mẹ ye gédẹ wa yi ka gédẹ ma'ẹ lẹ ẹnẹ lụkụ ni iwasika ya mi nẹ la. ¹⁰ Gebo gédẹ, banị dika gédẹ, nya pa'a, u yi ka gédẹ wa nya ntsi laté, nde iwasika ya na nya ntsi. Lika ka na a nya ge wu la. ¹¹ Mbeli gi bani ikwọ ye a kpụ gédẹ, i be mẹ i si yi ni iwasika ya yi té, i si bẹ bẹ i si ya mẹ té. ¹² Ya'e su iwụ ya ba tẹ nẹ la. Nde ba ba su iwụ ya ba mọ ni idika nẹ, ba kpụ gédẹ ni ba vu i wũlũ. ¹³ Ya'e lu gegu ya kyẹ ẹ'pele la, nde ya elu gegu ya mọ ni gesị gumẹ Usigapa ziyi té, ya'a mẹ gatimẹ kẹ Usigapa si né yi té ¹⁴ Usigapa né yi gitẹ ni woze ẹnẹ/ ya tse sa ẹnẹ dika la, ni yi isi vu ngbomgbọ mẹ i bene lika kana vo ẹnẹ té. ¹⁵ Yae lu gegu kye pele gebo ka gatimẹ ka banị kike la. Nde, ya ba yapụ gédẹ kẹ vbangaskiya' ẹnẹ si'ẹ gyẹ mẹ té, wa de gatimẹ ka yi ibo ni nnémẹ a fune giyi gédẹ ya mẹ té. ¹⁶ Ya ba yapụ gédẹ ya gẹnẹ lika ka Usigapa U-kana-kana wa ẹnẹ. Ya lu gegu ni gastimẹ gumẹ a ni mẹ ni guboudika be té la. ¹⁷ Nde unimẹ wa'elu gegu, wa'e lu'a ni Usigapa. ¹⁸ Nya yaba iwụ yẹnyẹ, Usigapa a za'e la. Nde Usigapu wulu ne ene, wa gu'e.