¹ Ma me aduwa gede nyine a moliye nim ne ni ibe me ivuvu te si gẹ́dẹ nyene a moliye nemi ne. ² Ma ma agù ge'bo kene, agu yama ivu gebo ko Usigapa gé bo kene. Kẹ n su'ene gi uni dode gede wa vo. N gini me anikowali gẹ́dẹ maa su'ene te kẹ unyinezwi tsa ni gegu a Usigapa. ³ Nya luku ta gebo kene, kẹ guwa ze Hauwa, u te ni ga wane. Iye yene aka fu nu Almasihu la. ⁴ Nde uni de ba bana lika ko Uyesu diya ko-ko, avu ume i kputela. Nyine aka gu uluhu dika ko-ko, nyine a ka gu lika ko Usigapa dia koko ni wayi mene la ga-wulu kẹnẹ ni ibe iye ne ni tsi. ⁵ Nde ma fu ngi la nye Ginye ka bane ne gkpu gkpu. ⁶ Nde a tsine me ni lika kó uwazi la, afu gede neme ma kpulala. ⁷ Nené nma aka bibi, fene iwuyami ni gẹ́gu kene, gebo ka gede ma mana uwazi wa lika ko Usigapa sensele. ⁸ Neme nyi gwu utaimako ma nu uchurch gebo ka gatime gume. ⁹ Nu tu-me n de ne'ene nete name me ye ibo gá de, ma sú Gevovo ba goṇ́go la, gebo ka gé de bane umall doniya ba déme bo. Nye gengye neme nsu lika ba wujé me. ¹⁰ Kan kóme lika ti wo almasihu yi ni iye ya mi té ma ma yi zee ni li yesi gume n nya ni tize ka Akaya ¹¹ Gé bo ka ngye nyine gé de mé yé ene la, nde ni me yé ne Usigapa kpú. ¹² Ndé úbe me ma máe ma mú de né ga, me ne yá mé te gebo ka géde yáwa ne ké me i ya li yesi te. ¹³ Bane me bafu bane gé tsine ka, amé nye gá ze nẹ ba me ki ba fu bane yó u Almasihu. ¹⁴ Ubé me uka fu lika ú dada ma gebo gé de Usatan wa fu kako umalika wo haskela. ¹⁵ Bebyi ya gatime ka na ba ba Usigapa ni yapu gugu ne, ba tsi ami gẹ́dẹ niba vu ba i sele. Ni gebye te, baa me liye. ¹⁶ Neme gi na gai kede nya nya yine nemi fu ututu, nde yene su gé de bane ba vu ututu. ¹⁷ Ube me ma gé te gezuge gezuge, uni liyesi wa vu unume uka vu ututu. ¹⁸ Bane ni gedune ame u muana ne gupa ne, ni ma ma me n muana. ¹⁹ Nde nyine a me mwana ni iwulu ne. Nyine tségiwa go? ²⁰ Nine a vu bane hakuli ne bane me avine a genete ne. Nde uka móli ne ki wa uliba nene la uwa pane. Ko uwa loyene nu úpiska. ²¹ ma genegéde ma gene azila nde uneme wa ma liyesi wa gai lika ku vu tutute ne ma ma liyesi. ²² Ba fu Uyahudawa go? Neme si ye te, bafu Isra'ila go? Neme ny site, bafu babe yó u Ibrahim go? nane si yete. ²³ Ba vu befe yó u Almasihu go? N ge lika ka gade ma kpu iwu yami la! n bi gatime pe ba a mo mi de ni guza pe ba; e lu mi pe ba, u gini ki mi kpene gi ma tsi pe kẹ u ki ba te. ²⁴ Nne ito i Yahudawa le mi gagi iké tseyi ni tono ne, e le mi ibe gi u kimi kpene gma e tsi. ²⁵ Kẹlẹ ita a lu mi iki, ace iku ta mi. N pili ni gukpa ka uzo gi n de ni uzó uni kpukpu izi ita. ²⁶ N ge tuzu ni gedu ne gi n kpu liye gume u yi ni izó inikpukpu te, n me liye ni ibo ya ba timwatsi, n me liye ni ibo ya ibo ya banị yami Iyahudawa, n me liye ni ibo ya guke ikiki, n me liye ni ilé ini kpukpu, si unoda ni izó ini kpukpu ne n gini me liye ni ibo ya banị kwo ya ami me n ba tse mi gi te. ²⁷ Npa i wuyami ma mai gatime ni liyesi ne la. Ne giye ko utu ma zi balala si leme si luwo, si leme ga muo si entene si ga tulele. ²⁸ Ni gáte ga eme uba ni luku kame gebo ko yó ikilisiyoyi te. ²⁹ Ngye mone uwa mome la? Ngo lika tuwa ma pala? ³⁰ Nde ma me liyesi, ma me li yesi ni lutu ga gai peli kene. ³¹ Adayi dudu uvu Uyesu, ume utsi gede ya ba kpokpo ya kai avu ame ma tsi la. ³² Ne Udamasika ugomima ume uban guki te ne gada ko ugomo Alitas u gigi a me ga pu ko Udamasika gebo ka gade amomi. ³³ Nde uda ámi de mi ni ukaki u fune me ni ukpaki afu guvu, tse n fu ni ibo ya na.