¹ Gé lu gegu kami avu gengyela. Nde, ma'a ge:a kami nii giye ko aka papa wo uluhohi nuo Usigapa ne. ² Nim nkpu unude nii giye ko Alimasihu, umẹ iye yana vu iye ubone ino ini gee; be te. Kone guwupa kone guwupa la ma kpụla, nde Usigapa suwa gone nki kẹlé ita. ³ Nimi nkpu unude nii kye kowu guwupa ne la, kawu nu guwupa, Usigapa kpu. ⁴ A suwa gone nki uwa pa ibeme uwa plé kyen kyen ga gee. Nu lutu kana lạ tẹ. ⁵ Ma lu gegu kam te nde Usigapa mee. Mee gyengye u yi te-teb, avu nimi la. Nde iwuyami ma lu gegu kou ubeme Usigapa mee mi te, ma danse la . ⁶ Nde mee, lu gegu kam mavu wulu la, gebo gede ma ge lu gebo ka gé-de yini aka mo mi nii iwa ni la gédẹ nimi nkpu ibe me ma ga, te ko nimi kpu lutu kante. ⁷ Ma nabo gegu kam ge lu gebo gé ulohohi ume gi mi ti. Nde ma géne ibe yi li-ye kume Usigapa gami te, i pe yu-o usatan, ume uwa ka gimi liye' ti' Usigapa mi ti gebo gédẹ nka lugegu gebo ki ibe mi pa ti. ⁸ Nim ma aduwa kali ita gi Usigapa gé bo ki lika gumi, kowani utu mẹẹ' uloko wa su lika gumi a kimi. ⁹ Nde u gami gédẹ ma suwa ma ki la. ubeme me yi te u vu géyẹ ma de ne, ne, gébo gédẹ katimi uni kpukpu mi minini gbegbo na dansiti, gebo guyete ma lugegu kik ka dansi, gébo gédẹ ntsi yu Uyesu ayi neni. ¹⁰ M a yi ya ma pa nno no gébo gédẹ Uyesu yi nini ko ma dan-si, ko ulini, ko liye, ko guba ko gevovo, nde yi kami nitsine. ¹¹ Nimi vi wulu gébo gédẹ nimi nya liye bitsi, nimi mẹẹ lika sensele gumi gebo gédẹ, avala mi umazo ni kpukpu la. ¹² I mazo ni kpukpu a yi ya yi ni iwuyini ni nde nini ba Uyesu Kristi nuo ugaskiya ni. ¹³ Ngi yi yini yi kowu kowu ni wo aduwa na ki ni, tuwazi mi kpu té uvu gé-dé ma gu iku ni gongonini la. Ni na momi gédẹ ma bye ni la. ¹⁴ M ami usili gédẹ ma bi ulé zi ni kẹlẹ tita, mé yé gédẹ ma vu ibi ilili nu ma gi ni la, gẹbo gédẹ ya vu ibe yini imi yi la. Nde nyine mi yi. Avu babi nba ade Adaba ibo la. Nde Ada nbă dẹ bebyi ibo. ¹⁵ Maa me gyengye ni liyesi nẹ ma gi ene, ko wa vu gédẹ mee tsi uvu gédẹ me yene me pe eli-bene, nyine si yemi epete du. ¹⁶ Nde ku yitẹ me sine ge vovo kami bene la. Uga vu wa ga gédẹ nnikpu pe ne te, nne ne mo. ¹⁷ Nkawani alibi ni bani mi ntsu vini. ¹⁸ Nloka Utitus gédẹ wa be iwozi ni ntsuwa beni nuo uni dé ni, nimi tsu Utitus gé-dẹ wa li alibi yinila, avu tuwezi udodo iya zu la? avu kalo udodo iya zu la. ¹⁹ kpu gé dẹ ma fe ni iwu yami ni giye ko utakarda ma, la, nyine kpu? Usigapa kpu gédẹ ili za nu Uyesu ni kuma ya mi kyi kyi ntsine. ²⁰ Ma mo izizi nde ma bi tu ne ki mi yi tila, ma mozizi nde yine bi tu mi ki mi ye ti la, ma mozizi gédẹ awa agu, ka na, pisi, iwu gé yi, lutu gẹẹ liki ni. ²¹ Ma mozizi gédẹ nba bi, Usigapa mi wa gi mi ni gegu kini. ma mozizi gédẹ iye yami yi bibi gebo gédẹ bani ni gebu ne ba mi aka bibi tsi gi bi bi be, bane mi a tube na aka tsala ni ikilaki na aka tsuku mi ba mi ti.