¹ Kẹlẹ utica mé me be uwazi ne te," A kpu tụtụ gumé uwa fu n ganu ká bani iva ko ita. ² Nimi gwezi gẹ́ẹ lika ni lutu ka bani mé ame aka ibibi ni bani ikiki ne nu tu me nde nenene kele vuva, Ngini gẹ́ tẹ́ tẹ́, nba be, ma ba ene ni ntsine. ³ Ma ge ne gebo gẹ́dẹ́, nyine awa Usaida wụ Almasihu ni gani kami. Nde wa da nse ni gatime gume uwa me nene ne te la. Nde wa me gatime nene ne nni ntsi yana ne. ⁴ Gebo gẹ́dẹ akya gapa ni ga kpu la nde unya ulai ni ntsi ya Usigapa. N gebo gẹ́ dẹ isi ni da nse ki ya ba Yesu me te du, nde gebo kana te Usigapa wagiyi ntsi kẹ ya ga'ene lika nu lutu ka abi ibibi me banị yene de ne te. ⁵ Nyine a mo iwu yene apa ko nyine de ni ubangaskiya, gongwo amo iwu yana Nyine kpu gẹ́ dẹ Uyesu Almasihu yi ni ginye kẹ nẹ na? Uyi ginye kene. Nde a wulu nene ne la. ⁶ Nde nise iyapu ba gẹ́dẹ Uyesu yi niyi ne. ⁷ Ma mẹ́ẹ né aduwa nu Usigapa né gẹ́ dẹ aká wa aka ibibi nwo zenẹ la. Nde wa vu gẹ́dẹ ma se ne ibo kukwa gẹ́dẹ amo yi ate ili. Ganu guye te ma me aduwa gede nyine ame lika tii, si gede uyi kuka gede a moyi pa te pili. ⁸ Nde yami lika gudo de ume ugi ti tẹbila nde yami lika gume ugye ti te. ⁹ Ya mi imuana nde ini kpakpa, nyine nya ntsi, yami aduwa gebo gẹ́dẹ nyine nya tsi. ¹⁰ Ni mi nki be me tumi ma dẹ́ nẹnẹ la ti, utu mi ma de ne ne te nka vu ni lika kini gi yela mẹ́ yi gẹ́ dẹ ma mi ampani nye ntsi ni umi Usigapa gyi mi te la gi ma zowi ni nde ma mẹ́ ni. ¹¹ Nge be bane yami nyine mi i muana yini mi gati me gẹ́dẹ ani ni sé nyine ayi nitsine, nyine awulu ni dika ni, nyine dende ni iye udodone, gẹ́dẹ Usigape vu ni giye nu uye udodone, wa de nene. ¹² Nyineli di ka atsu ni iye tsani. ¹³ Pa bani Gebi dudu ali nyi Atsu. ¹⁴ Beli Anineli yu Usigapa Uyesu Almasihu, nyi Giye ni ko Usigapa ne, nyi lutu ga gwo nyi uliyi tsi, wa de nene dudu.