¹ Banị yami, mẹ ye gédẹ nyinẹ a kpụ aniheli umẹ a gi banị aduwa nu umakidoniya té. ² Ni utu'a liyé unu kpụkpụ ga pa, ni nwana nẹ si litolotsi, nde ba gini'a mẹ gamunu kaba anu. ³ Ni mi nfu usenda gédẹ ba gi kẹ ba si bi ga gi té, nba gini gi peté. Ni iye yaba nẹ. ⁴ Ba seyi ibo gẹngyẹ gédẹ ya gba niba gi, nba gé lika a gi banị yọ Usigapa. ⁵ Wa yi kẹ i tse yapụ ba té la. Nde upe wa ngbọgbọ uvu gédẹ ba gi iwụ yaba ni lika ku Usigapa. Nba gi iwụ yaba gebo ka Usigapa. ⁶ Gebo guyẹ te ige utatus gede wa bye gatime ka ga munu ume u topo nene ne te ga me. ⁷ Nde gyẹngyẹ yẹnẹ yi nu ubangaskiya, ni lika kẹnẹ ga gẹ, ga kpu kẹnẹ ibe ga mo ibo gbii si geye gume n nyine yeyi te ne. Gebo guye tẹ, nyine a mode ni gamunu ga me ne. ⁸ Ma'e zi enẹ gesi la. Nde nge tẹ gima mo enẹ ma pa gédẹ nyine nya iye ni idika ne lima. ⁹ Nyine kpu aniheli wa Uyesu Almashihu si gédẹ u nya gibé, uni iwu yana gine uni litolotsi, gi litolotsi kana a gi enẹ gibé. ¹⁰ Ma genẹ lika gume wa denẹ ibo tẹ uye mẹ ukye tẹ, nyine topo'a lika gume, nyine gini moa gubo. ¹¹ Keke me tẹ nyiné e bye game bkẹ nyiné gima zuyapu tu'uye té, gi wa'ebye. ¹² Nde ubeme uni a ma, uvu wana, we zuyapu a ma gi wo yeliye. ¹³ Lika gume wavu gédẹ ban kiki awa gazẹ, gi nya yi enye ni ge vovo nẹ lạ. Nde iye yesi enẹ gbii. ¹⁴ Ga dẹ ka nye keke mẹ wa gie ubemẹ, nbe ye tẹ. Ga de ka nye zam u gini a gigi gi gyenge a yi zaa. ¹⁵ Usi yi kẹ asi ka te: uni mẹ unya ibe belé tẹ, wa nya gye nye ki la, nde uni mẹ unya ge nyi tẹ, yana ibe a kya gubo la. ¹⁶ Nde n gode Usigapa gebo gédẹ geye gumẹ n nya ni lutu ka'ene tẹ utatus nya. ¹⁷ Wa vu ga sa-ibo kayi kili u wulu nii ne la. nde ube woze ene nu iye dodẹ nẹ, ni lika sele ne. ¹⁸ I ne'a nu unuko mẹ, a yaba ni gam ka aduwa gebo ka gatime kau Usigapa te ne. ¹⁹ Wa vu ume kili la, e fune'a nu aduwa gédẹ wa ge tuzwu ni yi ne gi ya me gatime ka gamunu gamẹ. Ya de- ibo tẹ, gi liye kau Usigapa awa ga nyi. ²⁰ Ya'eye gédẹ gwongwo ele agbula gebo ka gatime gume ya me ya gamunu tẹ la. ²¹ Avu gebo ka Usigapa kili iye ye gede ya me lika sensele la, ya me lika sensele gebo ka'ene du. ²² Ba gini'a de nne ni unikwo ana de ne. I mo'a pa zam-zam, i kpute gédẹ wa mẹ gatime ni gedu nẹ ni iye dede n nẹ gebo kẹnẹ. ²³ Utatus vu uni age yami, uni gatime game nẹnẹnẹ, nde bani ikiki bani gam ka aduwa nbe neba gite. Gebo guye te ba wa ga-nyi nu Almasihu. ²⁴ Nyina gigi gi gam ka aduwa akpu ubeme ugigi iye lu yegu gebo kenẹ tẹ. Gebo guye tẹ tsini ba geye.