¹ Bani yeyị ye fune gubo yeki ibeme ye zwo yi te. Ya zwu tuzwo gume wa si Usigapa iye tẹ. ² Wulu nii ne, gedẹ yezwo gwangwo iye la. Ya pala gwangwo la ³ Ma ge lika gume gede ma kwu'ene fene lạ gebo gede nyine de ni iye yeyi, gyi ye tsii zaa, gyi igini ye like zaa. ⁴ N nya liyesi n gini me lu gegu gebo ka' ene. Iye simi kye-pele gebo ka liyé gummme n me tẹ ⁵ Kẹ ibe Makidoniya tẹ guwupa kayi awa ga ze la. Nyine izaza ya gasẹ ni nzize ya ginye nẹ awulu giyi la. ⁶ Usigapa nu guyitsa, tsa yi guyi tsa n gebe kau utaitus. ⁷ Avu gebe kana kili Usigapa gume Utaitus wa ni woze'ene te ne. uge yi kẹ lika ka yi ba'ene baba te nyina gini ma aduwa gi mi gi iye sim petẹ. ⁸ Si gede uwasika ami zónẹ iyẹ ndé iyẹ si mi. Nde nbani gba-iyé kẹ nba pa gédẹ uwasika ami zo nẹ iye tẹ. Nde iye ya'ene si zwo genyi kili. ⁹ Liyesi kami wa vu gebo ka liyé gume nyine a me tẹ la, nde gebo ka gede liye gba kenẹ gigi gi nyine tube. Nyina wa liyegba ka lika sensele, gebo kai tẹ liyé kenne e fene lạ. ¹⁰ Liyegba sele wo bené ge tuba gume uni awa gasẹ tẹ. liy egba ka gasẹ wo bené gitsii. ¹¹ Nyine lika sensele me nya gima mẹ gebo ka liyegba gume Usigapa gi éne tẹ. Nyina gima eye gédẹ ma gédẹ nyine a me aka ibịbị la. ¹² iye yenẹ gima ni zo gebo ka aka ibịbị ye uniye, nyine eye unime iwa mo'a tẹ akpu. Nyina tsini iwu yenẹ gẹde nyina kpu gyengye lạ. ¹³ Gayi te i wa ntsi. ugini gbonu guyitsa ka yi, iya me nmwana gebo ka liyesi ka ntsi ni woze ene. ¹⁴ Ko gi me lu gegu gebo kana ni yapu yẹnẹ, ma fọ la. Ban ni ga yitẹ nẹ, ibe ya ukukwasi me i ge ene tẹ, ya e lu gegu gebo ka Utatus gede u vu uni pilili. ¹⁵ Ga'eye gume u wa ye 'ene tẹ pe wa ilibene, gebo gédẹ u nyine gédẹ nyine a fulu a ba lika ka Usigapa gbii, kẹ nyine gu'a ni nzize ne si lukuta tẹ. ¹⁶ Iye simi gebo ka ga gede nwulo nẹnẹ nẹ