Usula 3

1 Utimoti ya utita: Ume ni lika uvu lika tii nde uni mee uwa ye litse vo nu ucwo uye gati me sesele. 2 Nigayi te, tuzu gee aka vu bani aka itsuku game la, nde wavu uni ugyene udode, wa gine avu uni ga mo iwu ibo, wavo uni tii, wavu uni iye ga tene, wavu uni baniza gagu ugine avu uni ga tsene bani 3 Nde uka vu uni beze gawu la, uka vu uni mee uwa tse la te, nde wavu uni liyesi ukavu uni iku gaye la. 4 Nde wavu uni me nbabi yana afulu aba te. 5 Nde uni mee uwa bi ga kana gavo la te, wa me gune mee gi uwa vo ga ko usigapa. 6 Uka vu usuga tuba la gii uka va lutu gali kene la gii uka pili nu liye gume agi usata te la. 7 Kukwasi wavu uni mee ugyi iye sele nu gakigaki ko bani mee nba kpu uyesu la te, gii uka pili nu azi nu ipala yo usata ne la. 8 Ni gayi te, ituzu gee avu bani gaye bakavu ganu iveive la, baka vu bani ibe gawa la ko bani gatsi la. 9 Bavu bani mee nba vo lika tii nu bani tii ne bani iye tse ne te. 10 Bavu bani mee awulu ni bane te, gbogbo, baka vu bani mee akye ba tutu te la. 11 Nigayi te du byenyine avu bani mee agye iye dika te, wa gwu gede bavu bani ganu gade la, nde bavu bani iwa yaba gamo ibo, nu lika tii ne ni ibe gbii. 12 Kukwasi ituzu gee avu bani byenyine udode, bavu bani mee nba bi babi yaba gavu se ga kaba te. 13 Nde bani mee nba mee gatime sesele te, bawa lika tii nu uyesu. 14 Nami maka ibeme magi ne gede ngyine ade ni iyi gade mabe uwezene te, wa bya ga la. 15 Nde nbya maka gabo gede ngyene akpu ko ngyene amee gatime nu ga ko usigapa ada umee uvu uchuch wo liye ko usigapa uni uliye ga gege kane nu lika tii ne. 16 Avu amii la nde a gee gede ni gagwo kii wo tii uvu la nukpupu kii, utseni iwu yana nu guwupa ugine bene iwu yana nu gumonu usele imaleku ne pya nba gee te, gii bani yapu, awulu nane nu gase asua gune ikii nu gitsi kana.