¹ Gabo ka gayi te ma se iyapu gede ga bene, upye, se lika ga gyee yo upye se imoana ga bene vu wa gogwo gyi. ² Batigomo se gyi bani mee avo litse te, gii iya dade ni liyesi ne se gale zaa ni idiya ne gbogbo agee nu lika ko usigapa sesele. ³ Umeni vu lika sele se ugugu nu usigapa ada yi. ⁴ Uye gade bani gbyii awa gana gii nba wa gakpu tii. ⁵ Nde igya ada udode ube dode uyi nu gakigaki ko ada nu uniyapone una uvu uyesu mee useyi te. ⁶ Ugii iwu yana sobo ko bani gbyii utsine iwu yana nu utu mee uyi tii te. ⁷ Sabo ka lika gume ademi lika sesele ga gyee mawo lika la, kuwasi lika nma gye avu amila nami nvu umali ma gee bani lika tii nu ga fulu ba. ⁸ Nde maye gede balolo nu nonono ba gii ibye gii nba gune ibo yaba nkyi avu ipisi ko age ga za la. ⁹ Me ye gade byene bade ngyine ni iwu yaba nu tuwezi tii, bagine amo iwu yaba ibo baka vu bani mee amo te ni gyegye la te, ko bani ngye ye iku ko bane gaye ngye ye iku gade la. ¹⁰ Nami ma ye gede ba de ibe iyi tii ne bane te, nba mee aka mee iyi nu tuwezi te. ¹¹ Ugyine atsene nu gayi ze ne. ¹² Nami ma ye gede ugyine atsene ko wa vo litse nu gapa ko uloloni la nde wade ze. ¹³ Nde ademu akoze me nu ugbogbo tse uba vu ueve. ¹⁴ Avu ademu azela nde ueve aze. ¹⁵ Nu gyeyi te te wawa gana ni babyi gamo, nde ba gyegye nu lika tii gamee se gaye se ga de iyi yaba udode ne.