¹ E̱yan, mamain li main ke ohia kha ya hua ihua isi elo̱iohia, oi vbi li main ya re̱ ui emi lo̱ e̱ghe̱n mai. ² Vba ʒi mamain o̱do̱de ya ui emi lo̱ e̱n gho̱n o̱ʒe va main, e ro̱ ain hume̱n, Lai re̱ nwo̱in muʒan. ³ Kristi o̱ ui emi lo̱ e̱ghe̱o̱n, ama eba ghei mio̱in khi, :Ukhue isi elo̱ khue vba, o̱o̱de kuo̱me̱n vbe gbe." ⁴ Emi ere̱me̱n la kpao vinno̱, a vin ain lai re̱ vbie̱ main emi, li re̱ o̱i khi re̱shan vbi oʒie̱n. bi re̱shan vbi iriakha si ebe lo̱ hian li main lo̱ ʒa mo̱i adiuduan. ⁵ Li O̱ise̱le̱bua isi oʒie̱n bi iriakha o̱iʒi vba mo̱n udu o̱kpa yi egbe elabi Kristi Jesu. ⁶ Oi uo̱ na lai mie̱n khi vba mo̱i udu o̱kpa livba re̱ ri unu o̱kpa ree O̱ise̱le̱bua bi Era isi O̱lo̱mo̱e̱n Jesu Kristi. ⁷ O̱hio̱ so̱ na, vba gaobo̱ mie̱n egbe ebi Kristi gaobo̱ mie̱n main li iree re̱ vbi isi O̱ise̱le̱bua. ⁸ l tai khi Kristi La re chie̱n ayo̱ u humi si o̱rue̱ vbe he isi ata isi O̱ise̱le̱bua, Yo̱in u̱o na lo̱ re̱ nwin Uruo̱ mi la ruo̱ ni vba Erama muʒan. ⁹ Bii, li Eleim eho̱n re̱ ri o̱khae yi O̱ise̱le̱bua o̱hio̱ si itue̱ke̱n so̱i; ela ba i vion khi "O̱hio̱ khi lo̱ ri ire yié̱n vbu se si Elo̱imeho̱n, l suioo isi ire yi eni se̱." ¹⁰ O̱gbo tai "Vba Li vbai mieho̱n, vba de ba eia me̱n ya gho̱gho̱n." ¹¹ O̱ chie o̱i "Vba re O̱lo̱mo̱e̱n vba, vba vba li Eleimieho̱n, vba ʒi agbo̱n ere̱me̱n reo̱ i." ¹² lIsaiah gbo tai "Alo̱ mi i'i isi Jesse bi o̱ia lo̱ sho̱re lo̱ lo̱ chie̱n Elabuu. vbi uhumi isi Elo̱imieho̱n. Elo̱imieho̱n lo̱ mo̱n adiudu an vbe̱ gbe so̱i." ¹³ E̱yan li O̱ise̱le̱bua isi aduidu ain ʒi vba vo̱n yi egho̱ngho̱n bi o̱fure isi amieho̱n, li vba toto bo̱ mo̱n adiudu aan, vbi utotomi isi Etin Lofuan. ¹⁴ lmio̱n mo̱n, me̱me̱n achie̱ imo̱n anwueo kuere vbi vba, o̱ nwumen e̱o kuere khi vba vba vo̱n yi ue̱n le̱se̱n, bi oe̱n eremen. khi vba Lò̱ yá kè meti rie egbevba akha a. ¹⁵ Ama ya ke gbudu vin emi yi vba vbu emi eso, li chie re̱ ee vba re, vbo̱hio̱ isi ohan lo O̱ise̱le̱bua re̱ nemen. ¹⁶ O̱lo han li khi li chie̱n ayio̱ uhumi isi Kristi Jesu re y ekhe̱n Eleimieho, li re̱ nwin owewe lo̱se̱n isi O̱ise̱le̱bua yi ain, ʒe̱n elabi ohei, l lo̱ uo̱ li aine̱ mie̱n ekhe̱n Eloimieho̱n li lo̱ huare, La lo̱ vaan o̱ vbi Etin Lo̱fuan. ¹⁷ Emi lo̱ nwun me̱ egbe ri vbi ekein Kristi Jesu bi emi isi O̱ise̱le̱bua. ¹⁸ l kha gbudu teta vbi emi. so kpa o̱li Kristi ke bia dian re vbe gbe me̱n Li Eleimieho̱n lo̱ya re̱ khae̱n. Ena i khi emi la mie̱n vbi Eta da vbi obia la biai. ¹⁹ Vbi utotomi isi ae̱e̱n bi o̱yunu a, bi isi utotomi isi Etin Lofuan. l na o̱ li re̱ ʒa vbi lJerusalem be̱e̱, re̱ di ilagaa lo̱ re re re̱se̱ vbi Illikrikum, Li re̱ me̱ti wewi eta lo̱se̱n isi Kristi. ²⁰ Vbi na, ya gheihoo li re̱ wewe eta lo̱se̱n, ama, o̱ vbi eba ʒae̱n Kristi vbi si eni, li e o̱ya nwun ba igbinoto̱i isi o̱vbe ²¹ E bai vioin yoin o̱n "Eli e̱mo eta eta soi, ivare yi, elo̱ mio̱in bi elo̱i se̱ ho̱n, emi lo̱ nwin ain e̱o kuere." ²² Ī̱ yo̱ l gbo imo̱ idobo̱ ye̱n ise ke eka li re̱ de vba egbe re. ²³ Ama, e̱yan, l ke mo̱n ebo̱so vbi eli ilaga na, bi o̱ke te̱ vbi ikpe lo̱ bun li ya re̱ hoo li vare yi vba. ²⁴ E̱ghe̱i khe̱ ghe̱ li re̱ yi lspeni, l o khi lo̱ mie̱vba ebi yaishan rare. bii, vba lo̱ ke o ho me̱n si ke kpa vba we kue̱i ²⁵ Ama, e̱yan l lo̱de vbi ljerusalem li o̱ luhumi yi elemieho̱n ²⁶ O̱vbi o̱lo̱se̱n s̱i emi e̱ghe̱n me̱ li ekhe̱n lmasidonia bi Akaia le re̱ gba ʒo̱ l yi eis li e̱so̱n o̱gbe Le ri vbu se si elemieho̱n le vi vbi ljerusalem. ²⁷ lyo̱o̱, emi lo̱se̱n lo̱ e̱ ghi ain o̱ bi iosa isi ain yain u. Li Elo̱imieho̱n ke̱n vbi emi isi Etin, e̱ mo̱n iain o̱sa isi emi sis o̱la gbo̱na le lo̱ re̱ ga. ²⁸ l khake fooena vbobo̱, li re̱ miata khi emikperan, l shin oshan me̱n re̱ o̱ vbi ebi vba ri, lode̱ vbi lspani. ²⁹ l e̱n khi lkha vare yi vba, l lo̱ vare vbi uvo̱n vbi lhianba isi Kristi. ³⁰ l doabo̱ lavba, imio̱n, vbo̱hio̱ si O̱lo̱mo̱e̱nmai Jesu Kristi, bi lhume̱ke̱n isi Etin, li vba gboye̱n egbe ba me̱ vbi ero̱mo̱n vba, re̱ yi O̱ise̱le̱bua vbo̱ hio̱ me̱. ³¹ Vba lie ero̱mo̱n lai fan me̱n vbo bo̱ isi ele mo̱ akaeho̱n vbi ljudea, li obia isi ohumi layeme̱n re̱e̱ ekhe̱n ljerusalem, lei re̱ gaobo̱ mion lkhi ekhe̱n elemieho̱n. ³² Vba liero̱mo̱n li re̱ vare yi vba vbe gho̱ngho̱n, vbo̱ hio̱ si lhume̱ke̱n si O̱ise̱le̱bua bi me̱me̱n bi vba, re̱ mi ifetian. ³³ Li O̱ise̱le̱bua isi O̱fure de ba vba ere̱me̱n Amin. lse̱e̱.