¹ Gaobo̱ mie̱n o̱lo̱i u lo̱i to̱to̱ vbi amiehōn lai ekpa i kha e run vbi emi lo̱ za mo̱ ao eva. ² O̱tokpa mo̱n amieho̱n khi io̱in lo̱ meti emo̱e ere̱me̱n o̱lo̱i to̱to̱, o̱o̱ e be uo̱kpa. ³ O̱lo̱ emae ere̱me̱n kha zo̱ o̱lo̱ ya emire ere̱me̱n evba. O̱lo̱ ya emire ere̱me̱n kha gbo sui o̱lo̱ emie ere̱me̱n e̱zo̱n. Oise̱le̱bua gaobo̱ mie̱n o̱n. ⁴ O̱i khi wowe̱, wowe̱ lu sue̱ zo̱n si ayo̱'uhumi, lo̱ vbi isi o̱ ia ovbe. Isa o̱ isi olo̱mo̱e̱ma lo̱ lo̱ za muzan da o̱ dei. Ama a lo̱ nwuo̱in muzan, Oise̱le̱bua lo̱ meti nwuo̱in muzan. ⁵ Ei a eso mo̱n ukutu yi ukpe̱de̱ o̱kpa lo̱ amo̱i, O̱ o̱vbe mo̱n ukutu yi ukpe̱de̱ ere̱me̱n oeghe vba zi o̱do̱de mo̱n o̱lo̱ so'o̱i vbudu so̱i. ⁶ O̱lo̱ mo̱n emi'lo̱u vbi ukpe̱de̱ nwun o̱vbo̱to̱, Ō uwuo̱in o̱vbo̱to̱ li o̱lo̱mo̱e̱mai o̱lo̱ mi emilo̱e, o̱'o̱li emi li Oise̱le̱bua erimidi kho̱ ri ekhuemi ni Oise̱le̱bua o̱lo̱imie̱n e, o̱di obo̱ yie̱n vbi e̱mi u emi yi o̱li o̱lo̱mo̱e̱mai, yo̱in gbo ri ekhuemi ni Oise̱le̱bua. ⁷ mami'ain o̱o̱'so uiagbo̱n legbe so̱i bi o̱o̱ so o̱i uu legbe so̱i. ⁸ Main kha rivbo̱, main rivbo̱ yi Oise̱le̱bua bi main khau, main rivbo̱ yi Oise̱le̱bua. Akhai khi mian rivbo̱ da'a main uu iso̱ olo̱mo̱e̱nmai li main u. ⁹ O̱hio̱ so̱ na li Kristi re̱ uu, olo̱mo̱e̱n ele uloi bi elo̱ rivbo̱. ¹⁰ Ama wowe, emi uai ighaezo̱n si omio̱n ni? bi emo̱ze̱ lua re̱ zee omio̱n? ¹¹ Eri mamai ere̱me̱n lo̱ muzan vbi isao isi e̱kpete si ighaezo̱n isi Oise̱le̱bua. Eri avio̱in'khi "olo̱mo̱e̱mai ro̱e," Ebi iri vbo̱, re̱'yi me̱n igua ere̱me̱n lo̱ gue̱n re, oe̱nmi ere̱me̱n lo̱ ree Oise̱le̱bua" ¹² Vbi na, mamin o̱kpo̱kpa lo̱ zo̱ bo̱i te mi lo̱u ni Oise̱le̱bua. ¹³ Vbi na vba eke chie gha ezo̱n se egbe, vbe he so̱ain, aikhuo̱igbe, kho̱ o̱ia kha uwin igbengobo̱ da idade̱o ni omio̱n. ¹⁴ I e̱in, ogbo uwuin me̱n e̱o kuere vbi olo̱mo̱e̱n Jesu, kho̱ aimie emi lo̱ifuan legbo̱i so'kpa re̱yi o̱lo̱ ikhi emi fuan, vbi so̱i, fuan. ¹⁵ O̱kha vbi o̱hio̱ si emae omio̱n mo̱ iria e̱ke̱n ia, o̱shian si ihume̱ke̱n kun ke shian. Eri emae se ria li Jesu uunioa. ¹⁶ E zuan ri ue̱n se lo̱se̱n zi agbo̱n ya ye̱ yian. ¹⁷ E̱ghe̱ oba isi Oise̱le̱bua o̱i vi si emae da laimie̱'ho̱n, ama emo̱n aulo̱se̱n, ofure bi egho̱ngho̱n vbi e̱ke̱n etin lo̱fuan. ¹⁸ Elo̱ gi Kristi vbu kpo̱de̱ ruia, la lo̱ gaobo̱ mie̱n vbe si Oise̱le̱bua, eia gbo ri obo̱ o̱vbo̱i. ¹⁹ O̱ke riyo̱, vba zuan lakhui emi isi o̱fure bi elemi la re̱ nwun egbe main ohia. ²⁰ Vba e ria o̱hia isi Oise̱le̱bua a vbo̱ hio̱ si emae. emi ere̱me̱n zukpe fuan, ama o̱lo̱be o̱yi o̱lo̱ia lo̱ emae lo̱ zi o̱vbe mo̱n igbangobo̱. ²¹ O̱hume̱ sai e amin da lai de̱'yo̱n, da emi lo̱io̱ lo̱ lo̱ meti zi omio̱n main mo̱n emi lo̱ lo̱ ri ahan bio̱i. ²² Eli emi na li mieho̱n, mo̱'o̱n legbe̱ vbi ese se̱ se̱'e̱ bi isi Oise̱le̱bua ihianba ikhi si o̱ia lo i echiegbo̱i o̱lo̱ zi bohi vbi emi lo̱ ri obo̱ o̱o̱. ²³ O̱lo̱ mo̱n oie eva, o̱zibohi, so̱ emae, erimidi o̱i za vbi amieho̱n vare bi emikhemi lo̱ za vi amioeho̱n vare, o̱kho̱ o̱.