¹ I kaa Ifebe, omio̱n mai lo̱kposo o̱ vba vbovbo̱, lo̱ vbi ayo̱uhumi si iwowo si Senkri. ² Li vba re̱ ri ihume̱ke̱n gaobo̱ mio̱n, vbi o̱lo̱mo̱e̱n. Vba ui o̱na ebo̱i eo̱vbo̱ yi elo̱mieho̱n, bi vba gbo muzan kpe̱o̱n vbukpode̱ lo̱ i u lo̱ za hoo ikhe̱ obo̱ vba. Yo̱in tobo̱i lo̱ ke kpa eia lo̱ bun obo̱, re̱ yi me̱ achie. ³ Vba rui Prisilia bi Akwila, eli ma gba bia vbi e̱ke̱n Kristi Jesu. ⁴ Elo̱ ri o̱hio̱ isi eme, e ri emo̱ agbo̱n si ain kpidede. I khue̱mi i ian, me̱me̱n uo̱kpa ko̱, ama gbo khi iwowo ere̱me̱n vbi usee isi ekhe̱n elo̱imieho̱n. ⁵ Vba rui iwowo le ri vbi iwe siain. Rui Epeneto̱sli hume̱ke̱o̱n, lo̱ vbi o̱kpao vbi ikperan si Esia re̱yi Kristi. ⁶ Rui Imeri, lo̱ bi obia lo̱ ohia lavba. ⁷ Rui Adroniko̱s, bi Ijunias, ebo me̱ bi eli mai gba chie̱n isi ighan. Eme egbe dianre vbuse si ekhe̱n Apo̱sto egbo kpao rivbi Kristi khe̱ me̱n. ⁸ Rui Ampliatus o̱li hume̱ke̱n vbi e̱ke̱in Jesu. ⁹ Rui Ubano̱s, li mare̱ gba bia vbi e̱ke̱n Kristi bi Istakis o̱li hume̱ke̱o̱in. ¹⁰ Rui Ape̱le̱s, la e̱n ze̱ ea vbi Kristi, vba rui elo ri vbi iwe isi Aristobulo̱s. ¹¹ Rui Herodio̱n lo̱ vbi o̱ia me̱n Rui eia leri vbi iwe isi Nasiso̱s le ri vbi e̱ke̱in o̱lo̱mo̱e̱n. ¹² Rui Itraifena bi Itrifosa lian bi obia lo̱ ohiai vbi O̱lo̱mo̱e̱n. ¹³ Rui Irufo̱s la hume̱ke̱o, lo̱ ke zukpe bia vbi e̱ke̱n O̱lo̱mo̱e̱n. ¹⁴ Rui Asincritus, Flego̱n, He̱me̱s, Ipatrobe̱s, Hamas bi imio̱n le ri vbi ebiain ri. ¹⁵ Rui Filogus bi Julia, Nero̱s bi imio̱n iain li ikposo, bi Olimpas bi elemieho̱n ere̱me̱n, li ain re̱ gba rivbain. ¹⁶ Vba rui egbe vba, vba runu suegbe unu vbi o̱fuan. Iwowo si Kristi ere̱me̱n rue̱vba. ¹⁷ Eyan, idoabo lavba, imio̱me̱ li vba o emi vbi elian si o̱ghaye̱ bi igbangobo̱. Yian raa emi la vbie̱ vba li vba mamai re. Vba sho̱ iain vbe gbe re. ¹⁸ Eia li yo̱ e ya gi O̱lo̱mo̱e̱mai li Kristi, ama, e̱ke̱n siain. Ya ri ae̱nta bi aso̱ eia vbegbe te̱ udu si ele i se̱ e̱n emi o̱so e. ¹⁹ O̱li azeo si are̱ovbeta vba, Kini agbo̱n ere̱me̱n egbe. I gho̱gho̱n o̱vbo̱ na yi vba, ama, I hoo li vba mo̱ e̱wain re ui emi lo̱ u kho̱ hume̱n, bi aimio̱so vbi emi lo̱ be uumi. ²⁰ Oise̱le̱bua isi o̱fure lo̱ ghe pare esun a vbi okpoto̱ etawe̱ vba. Li e̱seohe̱n isi O̱lo̱mo̱e̱mai Jesu Kristi de ba vba. ²¹ Itimoti, o̱li ma gba bia rue̱ vba, bi Lushio̱s, Jesin bi So̱sipata lo̱ia me̱. ²² Me̱me̱n li Tatio̱s lo̱ vin o̱ li ebe o̱ vboto̱, rue vba vbi e̱ke̱n O̱lo̱mo̱e̱n. ²³ Igeo̱s li me̱me̱ bi iwowo ere̱me̱n vaan vbe̱ so̱i, rue̱ vba. Erasto̱s lo̱ hua egho isi e̱vbo yaa rue̱ vba, yo̱in bi kuato̱s li omio̱n. ²⁴ Li e̱seo̱he̱n isi O̱lo̱mo̱e̱mai Jesu Kristi deba vba ere̱me̱ Amin. ²⁵ Eyan re̱ yi o̱lo̱ meti nwun vba muzan elabi etalo̱se̱n me̱n bi owewe isi Jesu Kristi, ebi are̱ vbie̱ isi uhegbe la re̱ hee re̱ za vbi ighe ghe re̱ re. ²⁶ Ama, e̱yan ake ro̱i vbie̱ agbo zuan e̱n ebi eta kpoto̱i isi ebe lo̱fuan ze̱in ebu hi isi Oise̱le̱bua lo̱ ri vbo̱ gheghe, yi arekhae̱n si amieho̱n vbuse si elo̱imieho̱n?