¹ O̱hio̱ si o̱na, vba ya ri egbe oi Oise̱le̱bua, elabi ivbia la hume̱ke̱in. ² Vba ya sho shan si ihume̱ke̱n, elabi kristi i hume̱ke̱n mai lo̱i ri egbo̱i re̱ na mai, elabi ohan bi ivbabo re̱ yi Oise̱le̱bua. ³ Ama lai mi ue̱n si oghe̱ da emi lo̱i fuan da are̱oo̱vbemi, ena o̱i deo̱vbo̱ yi ea si Oise̱le̱bua yiain fuan. ⁴ Lai mi iwuan, eta li e̱wai e, bi osie lo̱i deo̱vbo̱ - ena ere̱me̱ o̱i deo̱vbo̱. Ehe si ona vba ya ui ekhue̱mi yi o̱i. ⁵ Vba ru udu vbi o̱na khi ai mi o̱lo̱ gb'oghe̱ lo̱ fuan, da o̱lo̱ to vbi emi gbe - o̱ai vbi o̱lo̱ gi areo̱ - lo̱ mo̱i uku o̱so̱so vbi e̱ghe̱ o̱ba si Kristi bi Oise̱le̱bua. ⁶ Vbai zi o̱o̱so te̱e̱ vba e bi eta si aho, erimidi o̱hio̱ si elemina ibiohan si Oise̱le̱bua vade yi ivbi akaeho̱n. ⁷ O̱hio̱ si o̱na, vba e debai iain. ⁸ E̱ghe̱ ri vbo̱ li vba chie̱n isi aso̱n, sokpe̱n, eyan vba ke chie̱n urukpa vbi ekein O̱lo̱mo̱e̱n. Vba ya sho shan si ivbi urukpa. ⁹ Erimidi ukpo̱mo̱ si urukpa a mi o̱i vbi ukhumemi, o̱fuan bi ata. ¹⁰ Ugbo hoi emi li o̱lo̱ wuin O̱lo̱mo̱e̱n vbi e̱o. ¹¹ Vbae ya re̱khain fi egbe ba oshian si aso̱n lo̱i de o̱vbo̱, sokpe̱n vba ya riai e̱o dianre. ¹² O̱vbi emi si ekho̱i o̱ lai re̱ sueni si emi nian u vbi uhegbe. ¹⁴ Sokpe̱n, urukpa kha vbae wu emi a mio̱in. ¹³ O̱hio̱ khi emi la za gho li khi urukpa. O̱hio̱ si o̱na o̱ ke reo̱i, "Shio̱re, vbavba li vba me̱he̱n, vba za vbi usee si ele u dianre, e̱ghe̱ain Kristi lo̱ vbai wun vba."̈ ¹⁷ Vba ri e̱wain e̱e̱n ebi vbai e̱e̱n-o̱ivbi elabi elei mo̱i e̱wain, sokpe̱n elabi ele mo̱i e̱wain. ¹⁶ Vba di e̱ghe̱ chiere erimidi e̱de̱ lo̱be oke rivbo̱. ¹⁵ O̱hio̱ si o̱na, vba chie̱n elia ruru, sokpe̱n vba mo̱i e̱wain si ahoo si O̱lo̱mo̱e̱n. ¹⁸ Vbai ke di eyo̱n lo̱ wun oya, erimidi khi o̱ruan wuei ue̱e̱n lo̱be. Sokpe̱n vba von yi Etinlofuan. ¹⁹ Vba ya kpa yi egbe gui emo̱i si ioo si o̱khai bi isi Etinlo̱fuan, vba ya ri udu ere̱me̱n sui ioo lo̱ e̱ghe̱n vb'eho̱n yi O̱lo̱mo̱e̱n. ²⁰ Vba vbi ekhue̱mi e̱ghe̱i-khe̱ghe̱ si emi ere̱me̱n, vbi eni si Jesu Kristi O̱lo̱mo̱e̱main re̱ yi Oise̱le̱bua li Era. ²¹ Vba mo̱in idegbe re yi egbe vba vbi e̱ke̱in ekpe̱n re̱ yi Kristi. ²² Ele mo̱ o̱do̱n, vba robo̱ li o̱do̱n vba wun, be mo̱n khi O̱lo̱mo̱e̱n li yain u. ²³ Erimidi o̱do̱n li khi o̱kpokhumi si o̱kposo elabi Kristi gboi vbi o̱kpokhumi si elemieho̱n, o̱li Kristi legbo̱i lo̱ chie̱n o̱lo̱sumuan so̱i. ²⁴ Elabi o̱se̱ i wui egbe ovbi obo̱ si Kristi, iyo̱i elemo̱do̱n lo̱i gboi wui egbe ain ovbi obo̱ si ediain vbi ue̱n ere̱me̱n.Ed ²⁵ Edo̱n, vba hume̱ke̱in eha vba, elabi Kristi hume̱ke̱n elemieho̱n o̱za regbo̱i nuan gbe vbi o̱hio̱ so̱i. ²⁶ Kristi ri egbe so̱i li o̱se̱ lai mie̱n khi o̱ mo̱i o̱fuan, ebo̱i wo̱i fuan vbi isame̱n bi eta so̱i. ²⁷ Kristi o̱kho̱ o̱se̱ fuan lo̱ re̱ wuo̱in sike̱i egbe vbi e̱ke̱n o̱khai bi khi o̱i mo̱i iwuan da emi evbe, lo̱ re̱ mo̱i o̱fuan lo̱i mo̱i okan. ²⁸ Iyo̱ li edo̱n lo̱ gboi hume̱ke̱n ehi ain, elabi egbe sian. O̱lo̱ hume̱ke̱in o̱hai lo̱ hume̱ke̱n egbe so̱i. ²⁹ O̱hio̱ hi ai mi o̱lo̱ kho̱ e̱ke̱n egbe so̱i, sokpe̱n o̱ kue̱ o̱i, o̱ gbo ri e̱o khu o̱i, elabi Kristi i khue̱ o̱gbo̱ re̱ o khui iwowo so̱i lo̱se̱n. ³⁰ Erimidi mamain, ma chie̱n egbe so̱i. ³¹ "O̱hio̱ si o̱na, o̱mo̱he lo̱ zi era bi iyo̱n obo̱, lo̱ re̱ debaa ohai, li yain li eva o̱ chie̱n egbe o̱kpa." ³² Oli ata lo̱ yi egbe he na o̱ chie̱n ukutu. So̱kpe̱n ya gui iye̱mi si Kristi bi o̱se̱. ³³ O̱re̱kpe̱ ri vbi yo̱ o̱do̱de mo̱i lo̱ lo̱ re̱ hume̱ke̱n o̱hai elabi egbe so̱i, o̱li o̱hai o̱ wun ekpe̱n li o̱do̱in.