1 Ivbia vba wuin ekpe̱n li era bi iyo̱n vb'e̱ke̱n O̱lo̱mo̱e̱nmai, o̱hio̱ khi o̱na diai. 2 "Wuin ekpen li era bi iyo̱n" (lokie̱n uhi lo̱kpao lo̱ mo̱i emi la hi), 3 "Lo̱i re̱ hume̱n na'a, lugbo re̱ to̱n vbi o̱li u humoto̱i na." 6 Ivie̱n, vba mo̱in ide uhumi re̱ yi o̱lo̱mo̱e̱n vba isi o̱lagbo̱na, vbi e̱ke̱n ata isi udu vba. Vba mo̱in ide uhumi re̱ yi ain elabi vba lo̱ mo̱e̱n yi Kristi. 5 Vba ya mo̱in ide uhumi re̱ o̱i vbi e̱ghe̱ li o̱ga vba o̱i re̱ kaeo gho vba. Li vba i re̱ vbu o̱i vbi e̱o. Sokpe̱n mo̱n o̱li idei uhumire ain ze̱n elabi o̱vie̱n e̱i Kristi. Vbi ahoo si Oise̱le̱bua zavbi udu se vare. 7 Ri udu se̱ ere̱me̱n ga, bi emo̱n khi O̱lo̱mo̱e̱n li ua ga, khi o̱ivbi eia. 8 E̱n o̱na khi emi le̱se̱n lo̱iu li oia u, o̱lo̱ mi e'e so̱i vbi obo̱ si O̱lo̱mo̱e̱nmai, o̱kha re vbi o̱vie̱n da o̱lo̱i vbi o̱vie̱n. 10 Okugbe lo̱ rivbo̱ li khi, mo̱i awutoto vbi O̱lo̱mo̱e̱n, bi vbi utotomi so̱i. 11 Kui uvo si eumi isi Oise̱le̱bua o̱vbi egbe, lai mie̱n khumeti muzan re̱khain amama lo̱be si esun vbo̱ le̱ghe̱ na. Ukha ke ui emi ere̱me̱n le, lu re̱ muzan gidi. 13 O̱li okho̱in samai, o̱ikie̱n isi egbe bi e̱re, sokpe̱n isi obia bi etin bi areshan awe lo̱be si aso̱n re̱khain etin lo̱be lerivbi eimi. 12 O̱hio̱ si o̱na kui eun si okho̱in si Oise̱le̱bua ere̱me̱n o̱vbi egbe, lu lo̱re̱ meti muzan kizi vbe̱ ghe̱ lo̱be si o̱hina si esun. Ukha ke vbena ere̱me̱n, lu re̱ muzan kizi. 14 O̱hio̱ si o̱na muzan kizi. Su ke ri ekugba si ata wue kun, bi ako si idama si ata. 15 Isi ibabta lo̱ ri vbo̱, wuegbe lu lo̱ re̱ wewe eta lo̱se̱n si o̱fure. 16 Ebo̱i re̱i de, wui emiokho̱n si amie̱nho̱n, lu lo̱ mie̱n re̱ meti funi etekun si erain si esun an. 17 Wuei uvbierun si amie̱nfan bi agada si Etin, lo̱kie̱n eta si Oise̱le̱bua. 18 Vbi e̱ke̱n ero̱mo̱n bi uvbimi, ya lie ero̱mo̱n e̱ghe̱i khe̱ghe̱ vbi e̱ke̱n Etin. Bi udu lina, ya khe̱ e̱ vbe̱ghe̱ khe̱ghe̱ vbi e̱ke̱n ozie̱n ebu wai li ero̱mo̱n yi ivbi Oise̱le̱bua le fuain. 19 Vba lie ero̱mo̱n yi me̱n, lai reta o̱me̱ vbumi re̱ta si ke tan unua. Vba lie ero̱mo̱n lire meti ri o̱kan ri azeo ti ata lo̱ yiegbe he'e si eta si ohume̱me̱n dianre. 20 O̱hio̱ si eta ohume̱me̱n li re kie̱in uko̱ la ri ighian gba, laire mie̱ khi ilo̱ meti ya ti eta gbogodo elabi o̱i e o̱vbo̱ li tai. 21 Ama li vba lo̱ re̱ e̱in ebi kei ri bi emi li ya uu, Itikiko̱s, omio̱n ma la hume̱ke̱in o̱in lo̱ kie̱n egbegbi ibo̱i vbi O̱lo̱mo̱e̱n, lo̱ lo̱ ke ri emi ere̱me̱n wun vba e̱o kuere. 22 Iye o̱i re̱ vba vbi o̱hio̱ si o̱na, li vba lo̱ rē e̱n emi vbi ukpo̱hio̱ samai, li o̱lo̱ gbo re̱ o̱'o̱ vba udu re. 23 Li o̱fure debai eli imio̱n, bi ihume̱ke̱n debai amie̱nho̱n zavbi isis Oise̱le̱bua li Era bi O̱lo̱mo̱e̱nmai li Jesu Kristi. 24 Li e̱seo̱he̱n debai o̱ia-khi o̱ia lo̱ hume̱ke̱n O̱lo̱mo̱e̱nmaJesu Kristi vbi ihume̱ke̱n lo̱i mo̱i ire̱so.