1 Ama e̱n o̱na, vbi ikpuokho si e̱de̱, e̱ghe̱ si o̱miame̱n lo̱ ovbo̱. 2 Eia lo̱ ya hume̱nke̱n egbe iain uo̱kpa, elo̱ ya hume̱nke̱n egho, yain lo̱ ya ruo̱, elo̱ mo̱n ikhuaegbere, elo̱ ri egbe iain chie̱n Oise̱le̱bua, elo̱i mo̱n ekpe̱n yi era bi inyo̱n, elo̱ ya khue̱me̱n bi eleifuain. 3 Elo̱ chie̱n elo̱i mo̱n atuegbe ba eia, eli emi ya nwin ain vbi e̱n, elo̱ ri a eni si eia a, lei mo̱n nwun egbi ain ohu, elo̱ uo̱ria, elo̱i hume̱nke̱n emi le̱se̱n. 4 Elo̱ shin egbe uokho̱, aka vbi uhumi, elo̱ tali egbe iain, elo̱ hume̱nke̱n o̱ e̱ghe̱n si o̱li agbo̱n na le̱ lai hume̱nke̱n OIse̱le̱bua. 5 Elo̱ u bi elo̱ uemi si Oise̱le̱bua, ama elo̱ sin kho̱ i mo̱n utotomi. Si egbe sho̱ vbi eia lina re. 6 Enai khi eso vbi imo̱nhe li ain o̱ vbi iwi we ria ikposo lei mo̱n e̱wain an. Ena i khi ikposo li ain vo̱n yi o̱kho̱o̱ ededan lian li zeze si emi lo̱ sui ain udu re ni ain hoo khi yain lo̱ u. 7 Ikposo o̱ ghe mamemi, ama ei meti mo̱n oe̱n si ata. 8 Elabi Ijanni bi Ijambres i muzan re̱ khan Imosis. Iyo̱ li elo̱vbie̱ si e̱he̱n gbo i muzan re̱khan ukpode̱ si ata. Ena i khi imohe li udu si In ria kua, lai oo ba elo̱mieho̱n. 9 Ama, ekha shian rere. Eia ere̱me̱n lo̱ mi oruru sian gboo, elabi isi eli imohe ain. 10 Re yi wowe̱, u re̱khan emi li vbie̱, ebai wee, emo̱n ze̱i li ya re̱ uemi li yan, amieho̱n, izie̱n egbe, ihume̱nke̱n, ozie̱n. 11 Akhushian, ioya be emo̱ ruan yi me̱n vbi Antio̱k, Ikonium, bi Lystra. I mo̱n ozie̱n si akhushan. Vbi e̱ke̱n ere̱me̱n, O̱lo̱mo̱e̱n faan me̱n. 12 Elo̱ hoo khi yain lo̱ shin oshan isi Oise̱le̱bua vbi e̱ke̱n Jesu Kristi, elo̱ mo̱n akhushan. 13 Eia lebe bi elo̱ ri egbe sian chie̱n emi lei u, lo̱ toto bo̱ kho̱o̱ o̱vbo̱. Elo̱ zi eia evbe fi ukpode̱ do̱n. Yain chie̱n elo̱ fi ukpode̱ do̱n. 14 Ama, re̱ yi wowe̱, muzan vbi emi li mamai lu gbo totobo̱ mie̱nho̱n. U e̱n o̱lo̱ vbie̱ emi. 15 Ue̱n khi re̱ za vbi kere vare, lu re̱ e̱n ebe lo̱fuan la vin. Ena o̱lo̱ ze̱ mo̱n e̱wain si amie̱nfan vbi adiudu an vbi Jesu Kristi. 16 Ebe lo̱ fuan ere̱me̱n la ri etin si Oise̱le̱bua vin. O̱mo̱ e e si amama, isi adeludu isi are̱vbie̱ bi amamemi lo̱ ri vbi ukpode si ata. 17 Ina o̱ khi eia isi Oise̱le̱bua lo̱ mo̱n o̱gue̱, bi amo̱n emi la lo̱ re̱ ya ui emi lo̱se̱n.