1 I ri o̱li ase̱ na vbi e̱o si Oise̱le̱bua bi Jesu Kristi, li e lo̱ gha ezo̱n si e le ri vbi agbo̱n bi ele u, bi ama ari egbe mie bi ovbi lofuegbe. 2 We̱we̱ o̱li eta vba winlegbe sōi o̱di obo̱ se̱ bi oidio̱ obo̱se̱, re̱ wie̱n e̱o kuere vbi me̱me̱ diō vbo̱ bi eghele vbi me̱me̱ dio̱vbo̱ ena ere̱me̱ e̱ke̱n ifue̱ngbere be uvbie̱mi. 3 Yo̱ o̱ le̱ se̱ e̱ghe̱ li eya ke hoi uvbie̱mi lo̱ ohiai. Rari elo̱ ke zi elo̱ vbie̱ sian e mian ho. Ele̱ ke ra zo e mian ho̱n. 4 Elo̱ ke wi eho̱ sian sho̱ ata re, bi e delo̱i bu ehe̱. Ama mo̱i udulo zeze vbi emi ere̱me̱n. 5 Oya si omiame̱n, biobia si o̱lo̱wewe. awun se̱ si ugami. 6 Ama a ke da me fi ewu le. E̱ghe̱ li lo̱ re̱ sho̱re ke vare. 7 I ke li o̱ lu la si egbebi osio, i ke fo o̱ lu la obo̱ i ke ri adiuduan dia. 8 A ke win eru si ofuanmen dia nime̱, li O̱lo̱mo̱e̱n, o̱lo̱ ghae̱zo̱n si o̱fuan, lo̱ wun hi me̱ o̱ le̱ de̱, bi o̱i vbi me̱me̱n o̱kpa re̱ khi e nian hume̱nke̱n a regbe mie̱n so̱i. 9 Gbaniegbe lu re̱ bobo̱ game̱ ze. 10 Ama ide̱masi fime̱a. O̱i hume̱ke̱n o̱li agbo̱n na bi o̱ yi Itisalonika. Ikrisens lode̱ Igaletian, bi Itaitos yi Idalmatia. 11 Iluku okpa lo̱ ri vbi ebi ri. Mi Imak lu nwo̱in vare o̱hio̱ si o̱ meti bi o̱lobia. I yi 12 Itaikikus lode E̱fisos. 13 Win o̱ li e̱wu bi ebe li fi o̱ vbi Itroas kpe̱n Ikapo̱s re, bi emi li ya vin emi o̱. 14 Ale̱xanda lo̱ bi obia si oto̱n we a we lo̱ be yi me̱n. Jesu lo̱ re̱ ha o̱i vbi o̱lo̱be lo̱ u yi me̱n. 15 Khe̱ egbe se̱i o̱hio̱ so̱i rari o̱i ri eho̱ hi eta se̱. 16 I fegbe si ikpano, o̱o̱so i deba me̱n nian so̱ me̱ i hude. Sokpe̱n, yan ere̱me̱n fi me̱ a. Lai ya ko̱i re̱khai an. 17 Ama Jesu muzan kpe̱n me̱n , o̱ ri etin ni me̱n bi o̱hio̱ me̱ li are̱kan si e̱mo̱ re̱ se̱. Li ekhe̱n Ije̱ntail re̱ ho̱n. A wun me̱n si unu si e̱kpe̱n re. 18 O̱lo̱mo̱e̱n lo̱ sume̱me̱ khe̱i oa o̱fuegbe. O̱khai khi so̱i re̱le̱ re̱le̱ Ise. 19 Rue̱ Iprisilia, Akwila, bi oa isi o̱ne̱siforos. 20 Erasitos se̱ dia vbi Ico̱rint, I fi Itrofimos o̱ vbi Imiletus o̱hio̱ si o̱i daan. 21 Gbanie egbe lu re̱ vrae akpe̱ mi eghe si oro̱n. Ebulo̱si, Ipude̱ns, Ilinus, Iklo̱dia, bi imio̱n ere̱me̱n o̱ rue̱. 22 O̱lo̱mo̱e̱n deba etin se̱. Li e̱seo̱he̱n deba.