¹ I lo̱ ruo̱ ama ee i evbo̱. Ama i lo̱ yi imie̱o bi are̱vbie̱ vbi obo̱ si Oise̱le̱bua. ² I e̱n o̱a vbi e̱ke̱in Kristi lo̱ukpe vbi kpei egbo̱ieva lo̱ rare vbiu e̱ke̱in egbe da uokhegbe, ien, Oise̱le̱bua e̱in emo̱lode̱ vbi okhumeimi lo̱ zea. ³ I e̱n o̱li o̱mo̱he na - si o̱ ma ke ri vbi egbe da e̱ke̱in etin i e̱n, Ose̱le̱bua yo̱in e̱n. O̱ yi okhumeimi bi o̱ ho̱n eta lo̱ fuan li o̱ia ⁴ kha meti ta vbi unu. Vbi uokho si oia li yo̱ i lo̱ ruo̱. ⁵ Ama o̱kha vbi me̱me̱n i kha ruo sokpen o̱e̱me̱ me̱n. ⁶ I kha ho li ruo̱ i kha ruru, ata li lata. I lo̱ si egbe vbi uruo̱mi re, la lo̱ za mie̱n o̱so o̱ kha eme̱ vbi emi lo mie̱n vbi me̱n, da lo̱ ho̱n re̱yi me̱n. ⁷ I lo̱ gbo si egbe vbi uruo̱ mi re, o̱hio̱ si uku temi lare̱vbie̱. O̱hio̱ si o̱na ikha mo̱i ikhuiegbe, Awugban si egbe ne̱ me̱n, uko̱r si esu lo̱ re̱ kho̱i o me̱n, o̱hio̱ si o̱na ikha mo̱in ikhua egbe. ⁸ O̱hio̱ si o̱na, isi ea i du abo̱ li O̱lo̱mo̱e̱nmai, lo̱ re̱ nwuo̱n sho̱ me̱n egbe re. ⁹ O̱ta ne̱ me̱n ho̱n, "E̱seo̱he̱n me̱n se̱i na utotomi o̱ chie̱n ukutu vbi o̱e̱me̱n." Eyan I lo̱ ruo̱ re̱yi o̱e̱me̱n me̱n la lo̱ za mie̱n utotomi si Kristi o̱lo̱de bame̱n. ¹⁰ O̱hio̱ si o̱na ikho̱in reyi Kristi vbi e̱ke̱in o̱e̱me̱n. Vbi isi ukhue, vbi isi okpokpo, vbi isi akhushan bi eghe si o̱e̱me̱n. E̱ghe̱ i khi e̱ghe̱ li re̱ mi o̱e̱me̱n, o̱li e̱ghe̱ li are̱ mo̱i utotomi. ¹¹ I ke chie̱n oruru, we̱we̱ u sime̱ o vb'o̱na, eri kha mo̱i o̱khai vbobo̱ se̱. I chie̱n imilo vbo le̱se̱n ere̱me̱n reyi elai chi oje si apo̱sto, a kha gbo mie̱n i vbi emi o̱so. ¹² Ae̱n si ata isi apo̱sto o̱kpa vbuse vba yo̱n vbu o̱ re̱yi iziengbe ere̱me̱n. Aen bi oyunuan bi emi lokhua lau. ¹³ Reyi elabu chie̱n o̱lo̱i vbi ukutu vbi e̱ke̱in o̱se̱ si eno̱in, akha gaze khi ivbi okpokpo reyi e̱? Rehume̱nme̱n vbi emilobe na. ¹⁴ Ka gho! i ke wuin egbe li re gae̱ze ugbo̱ zea. Ikha chie̱n okpokpo o̱hio̱ si i ho emi lo̱ chie̱n ise̱. i ho e̱. Ivbiekhan i kha wun emi ya ni era bi iyo̱n. Era bi iyo̱n yiain wun emi ya ni ivbiekhan. ¹⁵ Erilo̱ gho̱gho̱n wee bi wee reyi etin se̱. Ikha hume̱ke̱n le̱, eralo̱ hume̱nke̱nme̱n kere'e. ¹⁶ Ama ebo̱i ri i win okpokpo na, ama bikere̱ chie̱n o̱a si e̱o, me̱me̱n i wue̱n vbi o̱vbe. ¹⁷ I chie̱n obo̱ lo̱ kpokhumi re yi e̱ re̱ yi oia li ye yie? Iyi Itaito̱s re̱e̱, bi imio̱n le ko̱re. ¹⁸ Itaito̱s o̱mo̱i obo̱ lo̱ kpokhumi reyie? Mai bia vbukpode̱ o̱kpa? mai bia ubi e̱ge̱n okpo̱ kpa. ²⁰ Imo̱i lo̱fe̱n khi ikha vbare ikha gae̱ze re̱yi ebiho o̱. Ilofe̱n khi ukha mie̱nme̱n re̱yi ebuho o̱. Iya lo fe̱n khi alometi mi ikhaerun, oie̱n, ibiohan me̱n laka o̱vbo, uensi airevbore, ikpiye̱mi, akhuai egbe yokhumi bi oyagha. ²¹ I ya lofe̱n ikhavare, Oise̱le̱bua me̱n o̱lōi meti khuame̱n yi okhumi vbe̱o se̱. I ya lofe̱n si lobiohan reyi ogbere niain vbi o̱kho̱o̱ te̱le̱ lian mo̱in ioe̱ke̱n delue̱n vbemi lo̱i hume̱n bi awesi oghe̱e̱ bi awe lobe nian we.