¹ Orunu o̱ li ōta ya vbi ire ni egbo̱i, Ama enai ikhi emi lia u. Khako̱n ze̱ me̱ ya vbo̱i. I kho li roe khue lesen, ² I kho li Khue ebi Oiselebua loi reo khue. I u be era lo ho yoin lo roe ni omohe okpa, lo kho loi vbi o̱ya lo̱ wue̱n re̱, bi aleke lu eiemi re̱yi Kristi. ³ Ama ebi oi emo̱i se̱, ya ke lofe̱n khi oia te̱'e̱ e, labi esun tei ivi. Ya lofe̱n khi o̱ia e̱'e̱in lue ke ya hume̱ke̱in Jesu Kristi bi udu si ata. ⁴ I ti ōna o̱hio̱ si o̱i u bi emo̰ khi o̱ia kha teta si emi o̱dōdan si Kristi lo̱i do̱n vbi emi mai ta na ho̱n, di o̱ kho lu mie̱i eti lo̱ do̱in vbi si Oise̱le̱bua di eta si ōkhume̱me̱ lo̱ yo̱dan. ⁵ Agbo̱n e chi eli ivbiemi "Oje ivbiodogho", Ama io'o khi yiai kpokhumi ne̱ me. ⁶ O̱lo̱ vbi ata khi ai vbie̱me̱ ebai okpeta, ama I e̱in emilo̱bun si Oise̱le̱bua. Ebi vbai mama li re̱ iota na vba ho̱n. ⁷ I vbi emi lo̱be li re̱ de'gbere ga vba la za mie̱n'khi yiain re̱ ri ire la vba lo'i re̱ vbi me̱me̱? I vbi emi lo̱be li re̱ wewe eta si o̱khume̱me̱ la vba i mie̱n egho?. ⁸ E̱e̱ i zi eliamieho̱n vbi ōse o̱vbe wue egho ne̱mē li rē ga vba. O̱u bi u lo̱ tai khi i duiai oi. Ama i mie̱n vba emi o̱so̱. ⁹ Bi re̱ rivbo̱ kpe̱n vba ya kho emi, i mian vba gho. Imio̱n le za vbi Macedona vare̱, lian wun ne̱me̱ emi ya kho ere̱me̱, sokpe̱n, ivbi emi ere̱me̱, lo̱ deo̱ vbo̱ li'u, li vba'o vbi o̱mian'me vbi o̱hio̱ me̱. ¹⁰ Ata ere̱me̱ si Jesu, bi ebi ke bia'na. ilo̱ ke ri agbo̱n ere̱me̱ lo̱ri vbi Achaia re̱ e̱e̱n o̱na. ¹¹ Emo̱ ze̱i? o̱hio̱ si ikhume̱ke̱n vba? Oise̱le̱bua e̱e̱n. ¹² Emi li u li la kpe̱i u, li za wui eli yiu tai khi yai u bi mai muzan. Yai kha tai mo̱i avbiekhe vbi uruo̱mi siain. ¹³ Ea li yo̱ ivbiodogho si eken bi elo bi obia si ehen yiain u. ¹⁴ O̱nai vbi o̱yuuan, khi esun legbo̱. Vbi egbo̱i bi e̱hi si urukpa. ¹⁵ O̱i vi oyunua lokhua khi o̱vhen si esun lo̱ gbo voi egbian bi o̱vien si ofuan. Oise̱le̱bua lo̱ ri oya au ze̱i laboi deo̱vbo̱. ¹⁶ I che tai, o̱so ita khi ya ruru, ama u kha oi, mie̱ me̱ bi oruru li re̱ ruo̱ kere. ¹⁷ I kha tela ina, onai ubi ebi o̱lo̱mo̱emai tela me̱, O̱gbe ubi me̱me̱ ya gui iye̱mi bi oruru. ¹⁸ Elebun O̱ ruo̱ ubi o̱liai u ubi agbōna ana, I lo̱ gbo meti ubi yo̱. ¹⁹ Eri uba meti ri egbo̱ngho̱n kpai oruru me̱, bo̱ re̱ ubi khi uba mo̱i eghuan le̱ egbeuba. ²⁰ I to̱ na o̱hio̱ si ozie̱n li uba mo̱e̱ re̱yi elo̱re̱'vbacia liau we'e vba bi oghumi, vba re̱hain elian si oghaye̱ o̱vbi vse vba, vba zi el'o̱re̱ubasan mo̱i obo̱ lo̱ kpi okhumi re̱yi vba, vba zi elo̱re̱vbase̱n oo̱i khi yian khume̱n le̱ vba. vba zi ain sa'vba avbo̱gha khi vba ehin emio̱so. vba tai khi vba vba legbevba mo̱i ewain? ²¹ Ya le̱ho̱i o̱hio̱ egbe mai reri vbo̱ kpa vba, ofen wun mai ma re̱ kpa vba we'e iyo̱. ²² Ehein Ihiburu yaiu? Iyo iri ehe̱i Isire̱li yai u? Iyo̱ iri Unanmi si Abrahamu yai u? Iyo̱ iri. ²³ O̱vie̱n si kristi yai u? Itieta bi I so̱vbi udume̱ re̱i I bia le̱i yai ere̱me̱. I ke dia vbi ugbihan le̱i ain, I ke mo̱i ugbemi lo̱ totoi le̱i ain, I ke mi eu iseki'seka le̱i ain. ²⁴ Isi ihie̱n ehe̱i Juwisi gbeme ukpasami o̱gban bi isin. ²⁵ Isea eri o̱to̱n gbeme̱. Filo̱ me̱ udo isokpa. Oko̱ ea li keo li efio ame rio. I wei aso̱n bi egbia vbi ohumi eda. ²⁶ I yi oshian lo̱ bun, vbi Ohe̱ne si e̱da, vbi ohe̱na si oi, vbi Ohe̱na si ebo'me̱, vbi ohe̱na si khe̱in Ige̱ntisi, vbi ohe̱na lo̱ rivbi evbo lo̱khua, vbi ohe̱na si Odagbe, vbi Ohēna si Okpe̱da, vbi Ohe̱na si imio̱n lei tata. ²⁷ Iri vbi obia bi o̱miame, vbi aso̱n lo̱ bun lai me̱he̱n, vbi Ohanmi bi Ohamame̱, agbawe̱ vbi e̱ghe̱khe̱ghe̱, vbi uin bi ubavan. ²⁸ Vbi ena ere̱me̱, ya oi edede ze̱i elabi o̱se ere̱me̱ o̱ vbi emi. ²⁹ O'o de̱ho, me̱me̱ li egbe̱me̱ ideho? o̱la ze̱i lo̱ vbi emi lo̱ lo̱ za wui oe̱ fan i toa?. ³⁰ I kha lo̱ ruo̱, I lo̱ ri emo̱ ri e̱ho me̱ vbie̱ ya ruo. ³¹ Oise̱le̱bua bi Era si olomoimai Jesu ola wui ire ni rele rele, o ein I ya moehen. vbi idamacosi. ³² Vbi idamacosi, ola ri evbo sain le ri vbi evbo si Idamacosi lian re, huyeme ze. ³³ E wu me ovbi ugi resan vbi Fase, ire nifan vbi obo soi.