¹ Agalazevba keuhon li ke gauze, ezion usomi ere̱me̱ olo vion vboto reyi azomon so̱se̱ so̱se̱ evba redi ea. ² I ke ta'vbie̱ ele vbi o̱kho̱ bi eno̱i ere̱me̱ li re̱ vare ugbo̱'zeva, I chie gbo tai lkha che vare, I ikha che ziai obo̱. ³ Ita na'vba ho̱n si vba hoi o̱se̱i khi Kristi o̱ gui iye̱mi san ovbime̱. O̱i eo̱i re̱ yime̱. Sokpe̱n o̱khuai e̱ke̱i. ⁴ Akhan yien vbo reke o̱e̱me̱n ama o̱ke re vba'gbo̱n e̱ke̱in itoto si Oise̱le̱bua. O̱ e̱mai re̱ yi, ama maloe vbo re̱yi itoto si Oise̱le̱bua ero ogboe̱ma vekeen. ma loevba reyi itoto si Oiselebua vekeima. ⁵ Vba fe̱i egbe'vba gho si vba ri vbi ajuduan. Dame gbe vagho. vaimion khi Jesu Kristi o̱ri viva? yion khi, akha gaze khai robo vbo. ⁶ Imo̱i ajuduan khi vba lo mion khi mai vbo lai roboo̱. ⁷ E̱niain igba'dua yi Oise̱le̱bua lu vbai vba emi lo̱be I gba'dua li vba re̱ mie̱n adamagho , sokpen, igba'dua li vba re vbi eme'gbai, akha re̱ mien khai mie adamagho. ⁸ Mai mo̱i emi ma lo̱re degbaon ata, ama re yiata. ⁹ Mai gho̱ngho̱n egbe lo̱ e̱ mai bi eghe li we ohia. i gba'dua li vbe̱ zo̱i gha. ¹⁰ Vin ele'mi'na eghe li kha sho vi ebi'vbarire, eghe li kha debavba ikha kpa va wee̱ lo̱i deovbo reyi awee̱ si itoto mime, lolomueuma wui nemeni, li re̱ meti zee̱ bi lie suea. ¹¹ Azoihum, imio̱n ya gho̱ngho̱n! bi'obia si ifiegbe delegbe, mo̱i ihude, vba kha khai, vba miehon leghe vba vbo rofure. Oise̱le̱bua si ikwumeken bi ofure debavba. ¹² Vbai ruegbe vbi arunu'suegbe. ¹³ Elian mieho̱n ere̱me̱ ru'evba. ¹⁴ Eseohen si olo̱muenma Jesu Kristi, ihume'ken si Oise̱le̱bua bi akokoga si eti'lofuan ode ba vba ere̱me̱.