¹ ನಂಗ ಸ್ವತಂತ್ರ್ಯ ಯಿಂದ ಇರಕಂದ್ ಯೇಸ್ ಸ್ವಾಮಿ ನಂಗನೆ ಬುಡ್ಸಿದರ್ ಅದ್ಗತ್ತಾ ನಂಬಿಕೆಯಿಂದ ಇರ್ನ್ ಪುನಃ ಬೇರೆ ವರ್ಗ್ ಆಳಾಗಿ ಇರೆದೇನ್. ² ಪೌಲ ಆಗಿರ ನಾ ಹೇ ಳ್ ದ್ನೆ ಕೇಲ್ನ ನಿಂಗ (ಸುನ್ನತಿ.ಮಾಡ್ಸಿದಲೇ ಯೇಸ್ಸ್ವಾಮಿಯಿಂದ ನಿಂಗಗ್ ಯಾನ್ ಲಾಭ ಆಗದಿಲ್ಲೆ. ³ ಸುನ್ನತಿ ಮಾಡಿಸಿಕೊಳವ ಯಲ್ಲರ್ ಸತ್ಯಾ ಪುಸ್ತಕನ ನ್ಯಾಮನೆ ನಡಿವಲೇ (ಅವ ಇದ್ದೆನೆ )ಅಂದ್ ಪುನಃ ನಿಂಗಗ್ ನಾ ಹೇಳ್ತಿನಿ. ⁴ ನಿಂಗ ಸತ್ಯಾ ಪುಸ್ತಕಲ್ ಇರಕಂದಲೇ ಯೇಸು ಸ್ವಾಮಿಯಿಂದ ಬೇರೆ ಆಗಿದೇರೆ ನಿಂಗ ಕರುಣೆಯಿಂದ ಇರವರ್ ಆಗಿದೇರ್. ⁵ ನಂಗರ್ ಆತ್ಮಲ್ ನಂಬಿಕೆಯಿಂದ ನೀತಿನೆ ಕಾಯವರಾಗಿ ಆತ್ರಾಯಿಂದ ನೋಡ್ಯೋಡ್ ಇರ್ತ್ತಿಗೆ . ⁶ ಯಾನ್ಗಾಂದಲೇ ಯೇಸ್ ಸ್ವಾಮಿಲ್ ಇರವರ್ (ಸುನ್ನತಿಯಾದರು.ಆಗದಲೇನ್ ಲಾಭ ಕಾಣಿ ಅಂದಲೇ ನಂಬಿಕೆಯಿಂದ ಕ್ಯಾಲ್ಸಮಾಡಿದಲೇ ಲಾಭ ಹಾತೆದೆ. ⁷ ನಿಂಗ್ ಸೇರೆಗೆ ಓದ್ಯೋಡಿದೆರ್ ನಿಂಗ ಒಡ್ಯೋ ಡಿದವರ್ನೆ ತಡ್ತೆವರ್ ಯಾರ್? ⁸ ಹಿಂಗೆ ಪಾಡ್ ಪಡ್ಸಿದವರ್. ನಿಂಗನೆ ಕರ್ದ್ ದೈವ ಅಲ್ಲ . ⁹ ಈಷ ಹುಳಿ ಹಾತ್ತೆದೆ. ¹⁰ ನಿಂಗ ಬೇರೆ ತರ ಗ್ಯಾನ ಮಾಡದಿರೆಂದ್ ಸ್ವಾಮಿಲ್ ನಿಂಗ ಮೇಲೆ ನನಗ್ ಬಾಳ್ ನಂಬಿಕೆ ಇದ್ದೆ ಅಂದಲೇ ನಿಂಗನೆ ಪಡ್ಸವರ್ ಯಾರಾರ್ ಇದ್ದಲೇ ಅಂವ ಶಿಕ್ಷೆಗ್ ಗುರಿಹಾತ್ತೇನೆ. ¹¹ ಅಂದಲೇ ಅಣ್ಣ-ತಮ್ಮಂದಿರೆ (ಸುನ್ನತಿಯಾಗಬೇಕೆಂದು ಇನ್ ಸಾವಂದ ಆಗಿದಲೇ ಈಗನ್ ನನಗ್ ಪಾಡ್ ಪಡದ ಯಾನ್ಗಾ?ಹಾಗ್ಯಾಂದಲೇ ಶಿಲುಬೇನ (ಕಷ್ಟ ತೆಗೆತ್ ಆಕಿತಲ್ಲ) ¹² ನಿಂಗನೆ ತೊಂದ್ರಿಮಾಡವರ್ (ಅಂಗ ಚ್ಚೆದನೆ ಮಾಡಿದಲೇ ವಾಸೆ) ¹³ ಅಣ್ಣ-ತಮ್ಮಂದಿರ್ ನಿಂಗ ಕಷ್ಟ ಇಲದ ಜಂವುನ ಮಾಡಕಂಡ್ ದೈವ ನಿಂಗನೆ ಕರ್ ದ್ ದೇನೆ ಅಂದಲೇ ಆ ಸ್ವಾತಂತ್ರ್ಯನೆ (ದೈಹಿಕ ಬಯಕೆಗಳಿಗೆ )ಸಾದನ ಆಗಿ ಮಾಡ್ ಬ್ ಡರ ಅದ್ಗ ಬದ್ಲ ನಿಂಗ ಒಬ್ಬರ್ಗ್ ಪೀತಿಯಿಂದ ಸೇವೆಮಾಡ್ನ. ¹⁴ ನೀ ಇಷ್ಟಪಡತರ ನಿನ್ನ ವಂದಿಗೆ ಇರವರ್ನೆ ಇಷ್ಟ ಪಟ್ಟ''ಅಂಬ ಒಂದೇ ಮಾತ್ಲ್ ಸತ್ಯಾ ಪುಸ್ತಕಲ್ ಇದೆ. ¹⁵ ಅಂದಲೇ ನಿಂಗ ನಿಂಗಲ್ ಕಚ್ಚಾ ಡದ್ ಕಿತ್ತಾಡದ್ ನುಂಗಾದ್ ಎದ್ನೆ ಬ್ ಡದಲೇ ಒಬ್ಬರ್ಗ್ ಒಬ್ಬರ್ ಆಳಾಗಿ ವೋತಿರ್ ಉಷಾರಾಗಿರ್ನೆ. ¹⁶ ನಾ ಹೇಳದ್ನೆ ಕೇಳ್ನೆ ದೈವನ ಆತ್ಮಲ್ ಇರ್ನೆ ಆಗ ನಿಂಗ ಆಸೆನೆ ಮಾಡದಿಲ್ಲೆ. ¹⁷ ಯಾನ್ಗಾಂದಲೇ ತಡಿ ಅತ್ಮಗ್ ವಿರುದ್ದ ಆಗಿದೆದ್ ಆತ್ಮ ತಡಿಗ್ ವಿರುದ್ದ ಆಗಿದೆದ್ ನಿಂಗ ಮಾಡಲೇ ಇರಕಂಬದ್ನೆ ಮಾಡದಲಕ ಇದ್ ಒಂದ್ಗ್ ಒಂದು ವಿರುದ್ದ ಆಗಿದೆದೆ. ¹⁸ ಅಂದಲೇ ನಿಂಗ ಅತ್ಮಯಿಂದ ನಡೆವರ್ ಅಗಿದಲೇ ಸತ್ಯಾ ಪುಸ್ತಕನಲ್ ಇರವರಲ್ಲಾ. ¹⁹ ತಡಿ ಮಾಡ ಕಾರ್ಯ ಯಾನಂದಲೇ ಜಾರತ್ವ ಅಶುದ್ದತ್ವ ಕಾಮುಕತನ. ²⁰ ಪೂಜೆ ಮಾಡದ್, ಮಾಟ, ಹಗೆಮಾಡಾದ್, ಕಚ್ಚಾಟ, ಹೊಟ್ಟೆಕಿಚ್ಚು, ಕ್ವೋಪ, ವಿರುದ್ದ ಮಾಡದ್ ಕಟ್ಟ್. ಪಕ್ಷಪಾತ, ²¹ ಕುಡಿಪದ್, ದುಂದೌತನ, ಔತಣ ಈ ಇದೇವೆ ಇಂಥ ಕಾರ್ಯನೆ ಮಾಡವರ್ ದೈವನ ರಾಜ್ಯಗ್ ವಾಗದಿಲ್ಲೇ ಅಂದ್ ನಾ ನಿಂಗಗ್ ಮುಂಚೆವೆ ಹೇಳಿದ ತರ ಇಗನ್ ಹೇಳಿತ್ತಿನಿ. ²² ಪವಿತ್ರಾತ್ಮನ ಫಲಯಾನಂದಲೇ ಇಷ್ಟು ಖುಷಿ, ಸಮಾದಾನ, ಸಹನೆ, ಕರುಣೆ, ಸದ್ಗುಣ, ನಂಬಿಕೆ. ²³ ಇದ್ ಯಾವ ಸತ್ಯ ಪುಸ್ತಕಲ್ ಆಸೆ ಮಾಡೋದಿಲ್ಲೇ. ²⁴ ದೈವನೆ ನಂಬಿದವರ್ ತಂಗ ತಡಿನೆ ಅವರ ಆಸೆ ಇಂದೇ ಆಸೆ ²⁵ ನಂಗ ಆತ್ಮಲ್ ಜಿಂವುನ ಮಾಡದ್ ಅದಾಲೆ ಆತ್ಮಲೇವೆ ಇರಕ್. ²⁶ ನಂಗ ಅಹಂಕಾರದವರ್ ಆಗಿರ ಬಾರದ್, ಒಬ್ಬರ್ಗ್ ಒಬ್ಬರ್ ಕೆಣಕ್ ಬಾರ್ದ್, ಒಬ್ಬರ್ನ್ ಮೇಲೆ ಒಬ್ಬರ್ ಹೊಟ್ಟೆಕಿಚ್ಚು ಮಾಡಬಾರ್ದ್.