1 ಇದಾನಪ್ಪೋರು ಯೇಸು ಸಾಮ್ಯಲಿಂಡು ವಸ್ಸೇತ್ರುಕು ಶುರು ಸೆಂಚು,ಒಂಡು ಮಣುಸ್ ಒಂಡು ದ್ರಾಕ್ಷಿ ತ್ವಾಟತ ಸೆಂದು ಸುತ್ತ ಎಲಿ ಹೋಟು ಗೋಪುರ ಕಟ್ಟಿ ಒಕ್ಕಲಿಗರುಕು ವಾರತ್ಗು ಕೂಡುತು ತೂರತ ದೇಶತ್ಗು ಹೊಸು, 2 ಫಲತ ಕಾಲತ್ಕೊರು ಅದು ದ್ರಾಕ್ಷಿ ಪಲತ ಪಾಡಿರಿಕಾಯ್ಯಿ ತನ್ನ ಸೇವಕರುಲುಕೊರು ಒಂಡತ್ತೆಯಿ ಒಕ್ಕಲಿಗರಂಚುಗು ಅಂಪುಸ್ಸು, 3 ಅನೇಕೆ ಅಯಿಗ್ಯ ಅತ್ತ ಪುಡುಸು ಮತಿ ಎರೆಗೈಲಿ ಅಂಪುಸುನು, ^{4 5} 4 ತಿರ್ಗಿ ಅದು ಇನ್ನೊಂಡು ಸೇವಕನ ಅಂಪುನ್ನಪ್ಪೋರು, ಅಯಿಗ್ಯ ಅತ್ತಮೆನಿ ಕೆಲ್ಲುಲಾ ಪೆಟಿ ತಾಲಕಾಯಿಕಿ ಗಾಯ ಸೆಂದು ಅವಮಾನ ಪಡಿಸಿ ಅಂಪುಸ್ಸುನು, 5 ಅದು ಮತ್ತೆ ಇನ್ನೊಂಡತ್ತೆಯಿ ಅಂಪುನ್ನಪೋರು ಅತ್ತ ಕೊಂಡ್ರುಸುನು ಇನ್ನು ಅನೆಕರಲಾತ್ತೆಯಿ ಅಂಪುಸು; ಅಯಿಲಿಕೊರು ಕೆಲವುರುನ ಮತುಸುನು,ಇನ್ನು ಕೆಲವುರುನ ಕೊಂಡ್ರುಸುನು, ^{6 7} 6 ಕೊನೆಯದಾಯಿ ತಟ ಪ್ರೀತಿ ಮಾವ್ವುನ ಅಂಪುಸು; ನಮ್ ಮಾವ್ವು ಇಂಡು ಇತ್ಗನ ಬಿತ್ಗೊಂಡು ಗೌರವ ಸಲಿಸಬೋದು ಇಂಡು ತಮ್ ಮಾವ್ವುನ ಅಂಪುಸೂ, 7 ಅನೇಕ ಒಕ್ಕಲಿಗರು ಇದೆ ಬಾದ್ಯಸ್ತನು; ವಂಗೋ ಇತ್ತ ನಂಬುರು ಕೊಂಡ್ರುಹೋಡೋಮು; ಅಪ್ಪೋರು ಅದ್ದಿ ಸ್ವಾಸ್ತ್ಯ ನಂಬುರುಕು ಅಕ್ಕುದು ಇಂಡು ತಂಗುಲುಕೊರೆ ವಸ್ಸೇತಿಗೊಂಡುಸ್ಸುನು. ^{8 9} 8 ಅಯಿಗ್ಯ ಅತ್ತ ಕೊಂಡ್ರು ದ್ರಾಕ್ಷಿ ತ್ವಾಟತ ಬೆಲಿಕಿ ಹೊಟುಸುನು, 9 ಹನಾಗನೇಕೆ ದ್ರಾಕ್ಷಿ ತ್ವಟತಾ ಮಾಲಿಕು ಯಂತ ಸೇಯ್ಯದು?ಅದು ವಂದು ಒಕ್ಕಲಿಗರತ್ತೆಯಿ ಸಂಹಾರಸೆಂದು ದ್ರಾಕ್ಷಿ ತ್ವಾಟತಾ ಬೇರೆಯಲಿಕಿ ಕುಡುಕಾದು, ^{10 11 12} 10 ಕಟ್ಟುರಯ್ಯ ತಿರಸ್ಕರಿಸಾನ ಕೆಲ್ಲೇ ಮುಖ್ಯವಾನ ಮೂಲೇಗೆಲ್ಲಸು, 11 ಇದು ಕರ್ತನತ ಪಾನೇ ಅಯ್ಯಿಂಚು ; ನಂಬುರುತ ಕನ್ನುಲುಕು ಆಶ್ಚರ್ಯವಾಯಿದಲ್ಲ ಇಂಗಾರ ಬರಹತ ನಿಂಗ ಓದುಲ್ಲ್ಯ ಇಂಡು ಸೋನ್ನುಸು, 12 ಅಪ್ಪೋರು ಆತನು ತಂಗುಲುಕು ವಿರೋದವಾಯಿ ಈ ಸಾಮ್ಯತಾ ಸೋನ್ನಿದು ಇಂಡು ಅಯಿಗ್ಯ ತಿಲ್ಜು ಅತನತ್ತೆಯಿ ಪುಡಿಕಿರುಕು ಸಂದರ್ಭತ ಪಾಕುತಿಂಚುನು,ಅನೇಕೆ ಅಯಿಗ್ಯ ಜನತ್ಗು ಬಿತ್ಗೊಂಡುಸ್ಸುನು,ಅಯಿಗ್ಯ ಆತನತ್ತೆಯಿ ಉಟ್ಟೋಟು ಹೊಸುನು, ^{13 14 15} 13 –14 ಅಯಿಗ್ಯ ಅತನತ್ತೆಯಿ ವೋಕುಲುಕೊರೆ ಪುಡಿಕ್ಕಿರುದು ಇಂಡು ಪರಿಸಾಯರುಕೋರು ಮತ್ತೆ ಹೆರೋದ್ಯಯಲಿಕೊರು ಕೆಲವುರುನ್ನ ಆತನಂಚುಗು ಅಂಪುಸ್ಸುನು , 14 ಅಯಿಗ್ಯ ಅತನಂಚುಗು ವಂದು ಅತನಕು ---ಭೋದಕನೆ, ನೀನು ಸತ್ಯವಂತನೂ ಏದೇ ಮಣುಸುನ ಲಕ್ಷಿಸಾರವ ಇಂಗಿರಾದು ನಂಗುಲುಕು ಗೊತ್ತಿದು;ಯಂತ್ಗು ಇಂಡೆಕೆ ನೀನು ಮಣುಸುರುಕು ಮುಖದಾಕ್ಷಿಣ್ಯ ಸೆಯ್ಯದೆ ದವ್ರತಾ ಮಾರ್ಗತ ಸತ್ಯತ್ಕೊರು ಭೋದ್ಸರ ; ಅತ್ರಿಂಡು ಕೈಸರನುಕು ಕಪ್ಪತ ಕುಡುಕುರಾದು ನ್ಯಾಯನೋ, ಅಲ್ಲ್ಯೋ ? 15 ನಂಗ ಕೂಡುಕುರುದೋ ಇಲ್ಲ ಕುಡ್ಕುರುದಲ್ಯೋ ಇಂಡು ಕೊಟುಸುನು,ಅನೇಕೆ ಆತನು ಅಯಿಲಿತಾ ಕಪಟತ ತಿಲ್ಜುಗೊಂಡು ಅಯಿಲಿಕಿ –ನಿಂಗ ನನ್ನ ಯಂತ್ಗು ಶೋದಿಸರಂಗ ? ಒಂಡು ನಾಣ್ಯತ ಅತ್ತೆಂದು ನನಕು ಕಾಟ೦ಗೋ ಇಂಡಸ್, ^{16 17} 16 ಅಯಿಗ್ಯ ಅತ್ತ ಅತ್ತೆಂದಪ್ಪೋರು ಆತನು ಅಯಿಲಿಕಿ ---ಇತರ ರೂಪನೂ ಮತ್ತೆ ಮೆಲ್ಬರಹ ಎತ್ತರಾದು ಇಂಡು ಕೋಟತ್ಗು ಅಯಿಗ್ಯ ಅತನಕು –ಕೆಸರನತಾದು ಇಂಡು ಉತ್ತರುತ ಕೂಡುತ್ಸುನು, 17 ಅಪ್ಪೋರು ಯೇಸು ಅಯಿಲಿಕಿ ---ಕೈಸರನುಕು ಸಂಬಂಧಪಟ್ಟತ್ತ ಕೈಸರನುಕೂ ದವ್ರುಕು ಸಂಬಂಧಪಟ್ಟತ್ತ ದವ್ರುಕು ಸಲ್ಲಿಸಂಗೋ ಇಂಡಸ್ ; ಇತ್ಗು ಅಯಿಗ್ಯ ಆತನ ವಿಷ್ಯಕೋರು ಆಶ್ಚರ್ಯ ಪಟ್ಟುಸುನು, ^{18 19} 18 ತರುವಾಯ ಪುನರುತ್ಥಾನ ಇಲ್ಲ ಇಂಗಿರ ಸದ್ದುಕಾಯರು ಅತನಂಚುಗು ವಂದು,ಆತನನ್ನು ಕೋಟದು ಯಂದಾದು ಇಂಡೆಕೆ 19 ಭೋದಕನೆ,ಒಂಡು ಮಣುಸುನ ಸಹೋದರನು (ಅನ್ನು ಅಥಾವ ತೆಂಬಿ) ಮಕ್ಕಿಗಿಲ್ಲದೆ ಶತ್ತುಹೊನೇಕೆ ಅತ್ರ ಸಹೋದರನು ಅದ್ಗ ಪಂಡಾತ್ತೆಯ್ಯಿ ಅತ್ಗೊಂಡು ತನ್ನ ಸಹೋದರನಕಾಯಿ ಸಂತಾನತ ಪಡಿರುದು ಇಂಡು ಮೋಶೆ ವರ್ಜಿದು. ^{20 21 22 23} 20 ಈಪ್ಪೋರು 7 ಮಂದಿ ಅನ್ನಾ –ತೆಂಬಿಗಿನ ಇಂಚುನು; ಮೊದಲನೇದು ಕನ್ನೆಲಾಯಿ ಮಕ್ಕಿಗಿಲ್ಲದೆ ಶತ್ತೊಸು, 21 ಮತ್ತೆ ರಂಡೆನೆದು ಅತ್ತ ಕನ್ನೆಲಾಯಿ ಅದುನು ಮಕ್ಕಿಗ್ಯ ಇಲ್ಲದೆ ಶತ್ತೊಸು,ಅದರಂತೆ ಮೂಡುನೆದು ಅಸು, 22 ಹಿನಾಗೆ ಅಗು 7 ಮಂದಿನು ಅತ್ತ ಕನ್ನೆಲಾಯಿ ಮಕ್ಕಿಗ್ಯಾಗದೆ ಶತ್ತೊಸುನು; ಕಡೆದಾಯಿ ಆ ಪಂಬುಳಾದು ಶತ್ತೊಸು, 23 ಅತ್ರಿಂಡು ಪುನುರುತ್ಥನಕೋರು ಅದ್ದಿಂದಪ್ಪೋರು ಅದು ಎತ್ಗು ಪಂಡು ಅಯ್ಯಿ ಇಕ್ಕ್ಯದು ? ಆ 7ಳುಕು ಅದು ಪಂಡಾಯಿದೆ ಇಂಡಸ್ನು, ^{24 25} 24 ಅತ್ಗು ಯೇಸು ಅಯಿಲಿಕಿ –ನಿಂಗ ಬರಹಲಾಗೋಟು ದವ್ರುತಾ ಶಕ್ತಿಯಗೋಟು ತಿಳಿಯದೆ ಇಕ್ಕಿರತಿಂಡು ನಿಂಗ ತಪ್ಪು ಸೇಯ್ಯರಂಗಲ್ಯ? 25 ಯಂತ್ಗು ಇಂಡೆಕೆ ಅಯಿಗ್ಯ ಶತ್ತಯಿಲಿಕೊರಿಂಡು ಅದ್ದಿಂದಪ್ಪೋರು ಅಯಿಗ್ಯ ಕನ್ನೆಲಾ ಸೆಂದುಗೂದಿಲ್ಲನೂ ಕನ್ನೆಲಾ ಸೆಂದುಕುಡ್ಕುದಿಲ್ಲನೂ ಅನೇಕೆ ಅಯಿಗ್ಯ ಪರಲೋಕತ್ಕೊರು ದೇವದೂತರ ತರ ಇಕ್ಕಿಯನು, ^{26 27} 26 ಶತ್ತಯಿಲಿಕೋರಿ೦ಡು ಅದ್ದಿಂದು ವರ್ರ ವಿಷಯತ್ಕ್ಪೋರು –ನಾನು ಅಬ್ರಹಾಮನ ದವರು , ಇಸಾಕನ ದವರು , ಯಕೊಬನ ದವರು ಅಯ್ಯಿರೆ ಇಂಡು ಪೋದೆಕೊರು ದವ್ರು ಮೋಶೆನಂಟಿ ಹೆನಾಗು ವಸ್ಸೇತುಸು ಇಂಡು ಗ್ರಂಥತ್ಕೊರು ನಿಂಗ ಓದುಲ್ಲ್ಯ? 27 –28 ಯಂತ್ಗು ಇಂಡೆಕೆ ಆತನು ಶತ್ತಯಿಲಿಕಿ ಅಲ್ಲ, ಜೀವಂತವಾಯಿಕ್ಕಿರಯಿಲಿಕಿ ದವರು ಅಯಿದು ; ಅತ್ರಿಂಡು ನಿಂಗ ಈ ವಿಶ್ಯತ್ಕೊರು ಶನ ತಪ್ಪು ಸೇಯ್ಯರಂಗ, ^{28 29 30 31} 28 ಇಂಡಸ್ ಅಪ್ಪೋರು ಶಾಸ್ತ್ರಿಲಿಕೊರು ಒಂಡು ವಂದು, ಆತನು ತರ್ಕ ಸೇಯ್ಯರತ್ತ ಕೋಟು ಆತನು ಸರಿಯಾಯಿ ಉತ್ತುರುತ ಕುಡ್ಕುತಿದು ಇಂಡು ತಿಲ್ಜು ಅತನಕು – ಅದ್ದಿ ದೈವಾಜ್ಞೆಲುಕೊರು ಮೊದಲನೇದು ಎದು? ಇಂಡು ಕೋಟುಸು, 29 ಯೇಸು ಅಯಿಲಿಕಿ –ಅದ್ದಿ ದೈವಾಜ್ಞೆಲುಕೊರು ಮೊದಲೆನೆದು –ಓ ಇಸ್ರಾಯೇಲೆ ಕೋರು;ನಂಬ್ರಾ ದವರಯಿಕ್ಕಿರ ಕರ್ತನು ಒಂಡೇ ಕರ್ತನಯಿದು , 30 ನೀನು ನಿಟ ದವುರಾಯಿಕ್ಕಿರ ಕರ್ತನತ್ತೆಯಿ ಪೂರ್ಣ ಹೃದಯತಿಂಡು,ಪೂರ್ಣ ಪ್ರಾಣತಿಂಡೂ ,ಪೂರ್ಣ ಮನಸ್ಸಿತಿಂಡೂ ಪೂರ್ಣ ಶಕ್ತಿಯಿಂಡೂ ಪ್ರಿತಿಸುರುದು; ಇದೆ ಮೊದಲನೇ ದೈವಾಜ್ಞೆಯಾಯಿದು, 31 ನೀನು ನಿಟ ನೆರೆ ಮಣುಸುನ ನಿನ್ನ್ನಂತೆಯೇ ಪ್ರಿತಿಸುರುದು ಇಂಗಾರದು ಅದರಂತೆ ಇಕ್ಕಿರ ರಂಡುನೆ ಆಜ್ಞೆಯಾಯಿದು , ಇಯಿಲಿಕಿಂತ ಹೆಚ್ಚಿನ ದೈವಾಜ್ಞೆ ಇನ್ನೊಂಡಿಲ್ಲ ಇಂಡು ಸೋನ್ನುಸು, ^{32 33 34} 32 ಅತ್ಗು ಶಾಸ್ತ್ರಿ ಅತನುಕು –ಭೋದಕನೆ , ನಲ್ಲಾದು ,ನೀನು ಸತ್ಯನೇ ಸೋನ್ನಿರಾ ಯಂತ್ಗು ಇಂಡೆಕೆ ದವ್ರು ಒಂಡೇ; ಆತನ ಹೊರೆತು ಬೆರೆದು ಇಲ್ಲವೇಇಲ್ಲ, 33 ಅತನತ್ತೆಯಿ ಪೂರ್ಣ ಹೃದಯತಿ೦ಡೂ ಪೂರ್ಣ ಮನ್ನಸತಿಂಡೂ ಪೂರ್ಣ ಪ್ರಾಣತಿಂಡೂ ಪೂರ್ಣ ಪ್ರೀತಿಯಿಂಡೂ ಪ್ರೀತಿಸಿ ತನ್ನ ನೆರೆಯತ್ತ ತನ್ನಂತೆಯಿ ಪ್ರಿತ್ಸ್ರಾದು ಸಕಲ ದಹನ ಬಲಿಕಿಂತಲೂ ,ಯಜ್ನತಕಿಂತನೂ ಹೆಚ್ಚಿನದು ಅಯಿದು ಇಂಡಸ್, 34 ಅದು ಬುದ್ದಿವಂತಿಕೆಯಿಂಡು ಉತ್ತುರುತಾ ಕುಡುತ್ತತ್ತ ಪಾತು.ಯೇಸು ಅತ್ಗು –ನೀನು ದವ್ರಾತ ರಾಜ್ಯತ್ಗು ತೂರಾಯಿ ಇ ಕ್ಕಿರವನಲ್ಲ ಇಂಡಸ್,ಅಮಾನತಿಂಡು ಅತನತ್ತೆಯಿ ಪ್ರಶ್ನೆ ಕೊಕುರುಕು ಎತ್ಗು ದೈರ್ಯವಾರುಲ್ಲ. ^{35 36 37} 35 ಯೇಸು ದೇವಾಲಯತ್ಕೊರು ಭೋದಿಸತಿಂದಪ್ಪೋರು –ಕ್ರಿಸ್ತನು ದಾವಿದ ಕುಮಾರನು ಇಂಡು ಶಾಸ್ತ್ರಿಗ್ಯ ಸೋನ್ನುರಾದು ಹೆನಾಗು? 36 ಯಂತ್ಗು ಇಂಡೆಕೆ ದಾವೀದನು ತಾನೇ ಪರಿಶುದ್ಧತ್ಮಾನಿಂಡು ---ನಾನು ನಿಟ ವಿರೋದಿಲಾತ್ತೆಯಿ ನಿನ್ನ ಪಾದಪಿಠವಾಯಿ ಸೇಯ್ಯಿರತನಕ ನೀನು ನಟ ಉನುಗೈಜಾಯಿ ಉಕ್ಕೊಂಡಿರು ಇಂಡು ಕರ್ತನು, ನಟ ಕರ್ತನುಕು ಸೋನ್ನಿದಿಲ್ಲ್ಯ ಇಂಡು ಸೋನ್ನಿದು, 37 ಅತ್ರಿಂಡು ದಾವೀದನು ತಾನೇ ಅತನತ್ತೆಯಿ ಕರ್ತನು ಇಂಡು ಅಕಿಯಂದು , ಆತನು ದಾವಿದನತ ಮಾವ್ವುನಾಗುರಾದು ಹೆನಾಗು ಇಂಡಸ್, ಸಾಮಾನ್ಯ ಜನುರು ಅತನತ ವೋಕುಲಾ ಸಂತೋಷತಿಂಡು ಕೊಟುಸುನು, ^{38 39 40} 38 ತರುವಾಯ ಆತನು ಬೋದನೆಕೊರು ಅಯಿಲಿಕಿ –ವಾಸುರಾಯಿಕ್ಕಿರ ಅಂಗಿಲಾ ಇಟ್ಟುಗೊಂಡು;ಸಂತಿಜಗೊಕೊರು ವಂದೇನೆಲಾ 39 ಸಭಾಮಂದಿರಲುಕೊರು ಮುಖ್ಯಪೀಠಲಾ ಔತಾಣಲುಕೊರು ಅತ್ಯುನುತಾ ಸ್ಥಳಲಾ ಪ್ರಿತುಸ್ಸರಂತ ಶಾಸ್ತ್ರಿಲಿತ ವಿಷ್ಯತ್ಕೊರು ಎಚ್ಚರಾಯಿ ಇರಂಗೋ; 40 ಇಯಿಗ್ಯ ರಂಡಾಮುಂಡಿಲಾತ ಉಡುಲಾತ್ತೆಯಿ ಮಿಂಗಿ,ನಾಟುಕ್ತುಗಾಯಿ ವಸೂರ ಪ್ರಾರ್ಥನೆ ಸೇಯ್ಯನು;ಇಂಥಯ್ಯ ಹೆಚ್ಚಿನ ದಂಡೆನೆತ ಹೊಂದನು ಇಂಡಸ್, ^{41 42} 41 ಯೇಸು ಬೊಕ್ಕಸತ ಎದುರಾಯಿ ಉಕ್ಕೊಂಡು ಜನು ಏನಾಗು ಬೊಕ್ಕಸತ್ಕೊಕು ದುಡ್ಡುಲಾ ಹೊಡಾನು ಇಂಡು ಪಾಕುತಿಂಚು; ಅನೇಕ ಐಶ್ವರ್ಯವಂತುರು ಹೆಚ್ಚೆಚ್ಚಾಯಿ ಹೊಟುಸುನು, 42 ಅಪ್ಪೋರು ಅಟಿ ಒಂಡು ಬಡ ರಂಡಮುಂಡಿ ವಂದು,ಒಂಡು ಪಾರ್ದಿಂಗತದ್ನು ರಂಡು ನಾಣ್ಯಲಾ ಹೊಟುಸು. ^{43 44} 43 ಅಪ್ಪೋರು ಆತನು ತನ್ನ ಶಿಷ್ಯರುಲಾತ್ತೆಯಿ ಕಿಟ್ಟುಗು ಅಗುಸು ಅಯಿಲಿಕಿ –ಈ ಬೋಕ್ಕಸತ್ಕೊಕು ಹೊಟುನಾ ಅದ್ದಿಕ್ಕಿಂತನು ಹೆಚ್ಚಾಯಿ ಈ ಬಡ ವಿದವೆ ಹೋಟಿದು ಇಂಡು ನಾನು ನಿಂಗುಲುಕುಸೋನ್ನಾರೆ 44 ಯಂತ್ಗು ಇಂಡೆಕೆ ಅದ್ದಿನು ತಂಗುಲಾತ ಸಮುವೃದ್ದಿಕೋರು ಹೊಟುಸುನು; ಅನೇಕೆ ಈದು ತನ್ನ ಕೊರತೆಕೋರು ತನ್ನುಕು ಇಕ್ಕಿತರದ್ದಿ ಇಂಡೆಕೆ ತಟ ಜೀವನತದ್ದಿ ಹೋಟಿದು ಇಂಡಸ್,