^{1 2} 1 ಆತನು ದೇವಾಲಾಯತಿಂಡು ಹೊಗಾಂದು ಆತನ ಶಿಷ್ಯರುಲುಕೊರು ಒಂಡು ಅತನಕು –ಬೋದಕನೆ ಇಟಿ ಎಂಥ ತರವಾಯಿಕ್ಕಿರ ಕೆಲ್ಲುಗಾ ಮತ್ತೆ ಕಟ್ಟಡಗ ಇನು ಪಾರು ಇಂಡಸ್, 2 ಅತ್ಗು ಯೇಸು ಪದ್ದಿರಿಗಿ –ನೀನು ಈ ಬೇರ್ ಕಟ್ಟಡಲಾ ಪಕಾರ್ಯ್ಯ?ದಿಕು ಬುಡಿಪ್ಪಿಕ್ಯದೆ ಒಂಡು ಮೇಕು ಒಂಡು ಕೆಲ್ಲ ಇಟಿ ಉಡಲ್ಪಡುದಿಲ್ಲ ಇಂಡಸ್, ^{3 4} 3 ಆತನು ಅನ್ನಿ ಮರತ ಗಟ್ಟುತಮೆನಿ ದವ್ರುಗುಡಿಕಿ ಎದುರಾಯಿ ಉಕ್ಕೊಂಡಿ೦ದ್ದಪ್ಪೋರು ಪೇತ್ರ ಯಾಕೋಬ ಯೋಹಾನ ಅಂದ್ರೆಯ ಇಯಿಗ್ಯ ಪ್ರತೆಕವಾಯಿ ಅತನುಕು -- 4 ಇದ್ದಾದ್ದಿ ಯಪ್ಪೋರು ಅಕ್ಕುದು? ಮತ್ತೆ ಇದ್ದಾದ್ದಿ ನೆರವೆರುಕು ಯಂದ ಸೂಚನೆ ಇಕ್ಕಿಯದು ? ನಂಗುಲುಕು ಸೋನ್ನು ಇಂಡು ಕೋಟುಸುನು. ^{5 6} 5 ಯೇಸು ಅಯಿಲಿಕಿ ಈ ತರ ಸೋನ್ನುಸು –ಏದುನು ನಿಂಗಲನ್ ಮೋಸಗೋಳುಸರಕನಿ ಎಚ್ಚರಿಕೆ ಅತ್ಗೊಂಗೋ, 6 ಯಂತ್ಗು ಇಂಡೆಕೆ ಅನೇಕರು ನಟ ಪೆರುಮೆನಿ ವಂದು –ನಾನು ಕ್ರಿಸ್ತನು ಇಂಡು ಅನೇಕರಲಾತ್ತೆಯಿ ಮೋಸಗೊಳಿಸಾನು . ^{7 8} 7 ಇದ್ದಲಾದೆ ಯುದ್ದಲಾ ವಿಷಯವಾಯಿ ಮತ್ತೆ ಸುದ್ದಿಲಾತ ವಿಷಯವಾಯಿ ನಿಂಗ ಕೊಕಾಂದು ಬಿತ್ಗುಮಾನಂಗ ; ಯಂತ್ಗು ಇಂಡೆಕೆ ಅದು ಅಗುರಾದು ಅಗತ್ಯ ; ಅನೇಕೆ ಅದು ಇನ್ನು ಅಂತ್ಯವಲ್ಲ 8 ಯಂತ್ಗು ಇಂಡೆಕೆ ಜನಂಗತ್ಗು ವಿರೋದವಾಯಿ ಜನಾಂಗವೂ ರಾಜ್ಯತ್ಗು ವಿರೋದವಾಯಿ ರಾಜ್ಯ ಅದ್ದಿಕ್ಯದು ಮತ್ತೆ ನಾನಾ ಜಾಯಿ ಭೂಕಂಪಗಾಕ್ಕುನು,ಇದಲ್ಲದೆ ಬರಗಾಲಗ ಕಳವಳಗ ಉಂಟಾಕ್ಕುನು; ಇದ್ದಾದಿ ಸಂಕಟತಾ ಪ್ರಾರಂಬವಾಯಿದು. ^{9 10} 9 ಅನೇಕೆ ನಿಂಗ ನಿಂಗಲ್ತಾ ವಿಷ್ಯಕೋರು ಎಚ್ಚರಿಕೆ ಅತ್ಗೊಂಗೋ,ಯಂತ್ಗು ಇಂಡೆಕೆ ಅಯಿಗ್ಯ ನಿಂಗಲಾನ ನ್ಯಾಯ ವಿಚರೆಣೆಯ ಸಬೇಲುಕು ಒಪ್ಪುಸಾನು;ಮತ್ತೆ ಸಬಾಮಂದಿರಲುಕೊರು ನಿಂಗಲಾನ ಮತಾನು; ಅಯಿಲಿಕಿ ವಿರೋದವಾಯಿ ನನ್ನ ನಿಮಿತ್ತ ಅದಿಕಾರಿಲಾ ಮತ್ತೆ ರಾಜುರುಲಾ ಎದುರುಕು ನಿಂಗಲಾನ ಅತ್ತೆರಾನು, 10 ಸುವಾರ್ತೆಯ ಮೊದಲು ಅದ್ದಿ ಜಾನಂಗತ್ಗು ಸಾರಾದು ಅಗತ್ಯವಾಯಿದು. ^{11 12 13} 11 ಅನೇಕೆ ನಿಂಗಲಾನ ಒಪ್ಪುಸುರುಕು ಅತ್ತೆಗಾಂದು ನಿಂಗ ಯಂತ ವಸ್ಸೇತ್ರುದು ಇಂಡು ಮುಂಚಿತ ವಾಯಿ ಯೋಚನೆ ಸೇಯ್ಯಿಮಾನಂಗ; ಅನೇಕೆ ಆ ಗಳಿಗಿಕೋರು ನಿಂಗುಲುಕು ಯಂದ ವರಾದೋ (ತರಲ್ಪಡಾದೋ ) ಅತ್ತೆ ವಸ್ಸೇತಂಗೋ; ಯಂತ್ಗು ಇಂಡೆಕೆ ವಸ್ಸೇತ್ತರಾಯ್ಯ ನಿಂಗಾಲ್ಲ ಪರಿಶುದ್ಧತ್ಮನೆ 12 ಇದಲ್ಲದೆ ಅನ್ನು ತೆಂಬಿನತ್ತೆಯೂ , ತೋಪು ಮಾವ್ವುನತ್ತೆಯೂ ಮರಣತ್ಗು ಒಪ್ಪುಸಾದು , ಮಕ್ಕಿಗ್ಯ ತಾಯಿ –ತೋಪುನುಕು ವಿರಾದವಾಯಿ ಅದ್ದಿಂದು ಅಯಿಲಿನಾ ಕೊಲ್ಲಿಪ್ಪಿರುಕು ಕಾರಣವಾಕ್ಕುದು, 13 – ನಟ ಪೆರುತಾ ನಿಮಿತ್ತಾವಾಯಿ ಅದ್ದಿನು ನಿಂಗಲಾನ ದ್ವೇಷಿಸಾನು , ಅನೇಕೆ ಕಡೆತನಕಾ ತಾಳುರಾದೆ ರಕ್ಷಣೆ ಹೊಂದಾದು. ^{17 18 19 20} 17 ಅನೇಕೆ ಆ ದಿನುತುಕೊರು ಶರುಗುನಿಂಡ್ರಯಿಲಿಕೂ ಪಾಲುಕುಡಿಪ್ಪಿಕ್ಕಿರಾಯಲಿಕೂ ಅಯ್ಯೋ ! 18 ನಿಂಗಲಾತ ಪಲಾಯನ ತಂಡಿದಿಂತಕೊರು ಅಗಾರಕನಿ ನಿಂಗ ಪ್ರಾರ್ಥನೆ ಸೆಯ್ಯಂಗೋ, 19 ಯಂತ್ಗು ಇಂಡೆಕೆ ಅ ದಿನುಕೊರು ಸಂಕಟವಿಕ್ಕ್ಯದು ; ಅಂಥಾದು ದವರು ಸೃಷ್ಟಿ ಸೇಂದಿಕ್ಕಿರ ಸೃಷ್ಟಿ ಮೊದಲುಗೊಂಡು ಇಟಿತನಕ ಆಗುಲ್ಲ, ಇಲ್ಲ ಆಗೂದಿಲ್ಲ 20 ಕರ್ತನು ಅ ದಿನಲಾತ್ತೆಯಿ ಕಡಿಮೆ ಸೇಯ್ಯಂದಿ೦ದೇಕೆ ಎದು ರಕ್ಷಣೆ ಹೊದುದಿಲ್ಲನು ಅನೇಕೆ ತಾನು ಪೆರಿಕಿಗೊಂಡಿಕ್ಕಿರಯಲಿಕಿಕಾಯಿ ಅ ದಿನಂಗಾಲ ಕಮ್ಮಿ ಸೇಂದಿದು, ^{21 22 23} 21 ಅಪ್ಪೋರು ಏದಾನ ನಿಂಗುಲುಕು –ಇದೋ, ಕ್ರಿಸ್ತನು ಇಟೀದು;ಇಲ್ಲ ಇದೋ,ಆತನು ಅಟಿದು ಇಂಡೆಕೆ ನಂಬುಮಾನಂಗ; 22 ಯಂತ್ಗು ಇಂಡೆಕೆ ಸುಳ್ಳು ಕ್ರಿಸ್ತಾರು ಸುಳ್ಳು ಪ್ರಾವಾದಿಗ್ಯ ಅದ್ದಿಂದು ಸಾದ್ಯವಾನೇಕೆ ಪೆರಿಕಿಗೊಂಡಿಕ್ಕಿರಯಲಾ ಮೋಸಗೋಳುಸುರುಕು ಸೂಚಕ ಕಾರ್ಯಲಾ ಅದ್ಬುತ ಕಾರ್ಯಲಾ ಸೆಂದು ಕಾಟನು, 23 ಅನೇಕೆ ನಿಂಗ ಎಚ್ಚರಾಯಿ ಇರಂಗೋ;ಇದೋ,ನಾನು ನಿಂಗುಲುಕು ಅದ್ದಿನು ಮುಂದಾಯಿ ಸೋನ್ನಿರೆ. ^{24 25 26 27} 24 ಇದಲ್ಲದೆ ಆ ದಿವಸಲುಕೊರು ಸಂಕಟ ತೀರನ್ನಪ್ಪೋರು ಸೂರ್ಯನು ನಬ್ಬುಕ್ಕಾದು; ಚಂದ್ರನು ತನ್ನ ಬೆಳಕುತಾ ತಾರಾದೇ ಇಕ್ಕ್ಯದು, 25 ಆಕಾಶತ ನಕ್ಷತ್ರಗ ಬೂಗಾನು ಮತ್ತೆ ಆಕಾಶತ ಶಕ್ತಿಗ್ಯ ಕದಲನು 26 ಅಪ್ಪೋರು ಮಣುಸು ಕುಮಾರನು ಬಹು ಬಲತಿಂಡೂ ಮಹಿಮೆತಿಂಡೂ ಮೇಘಲುಕೊರು ವರ್ರಾತ್ತ ಅಯಿಗ್ಯ ಪಾಕನು, 27—30 ಆತನು ತನ್ನ ದೂತರಲಾತ್ತೆಯಿ ಅಂಪ್ಪಿ ಭೂಮಿತ ಕಟ್ಟಾ ಕಡೆತಿಂಡು ಅಕಾಶತ ಕಟ್ಟಾಕಡೆ ತನಕ ತಾನು ಪೆರಿಕಿಗೊಂಡಿಕ್ಕಿರಯ್ಲ ನಾಲು ದಿಕ್ಕುಲಿಂಡು ಒಟ್ಟುಗೂಡು ಸಾದು, ^{28 29} 28 ಇದಲ್ಲದೆ ಅಂಜೂರತ ಮರತ ಸಾಮ್ಯತ ಕೆಚ್ಚುಗೊಂಗೋ; ಅತ್ರ ಕೊಂಬೆ ಚಿಗುರಿಂದ್ದು ಎಲಿಲಾ ಉಡಾ೦ದು ಬೇಸಿಗೆ ವಂಜು ಇಂಡು ತಿಲ್ಜುಗರಂಗ ; 29 ಅದೇ ಪ್ರಕಾರ ಇದ್ದಾದ್ದಿ ಅಗಾರತ್ತ ನಿಂಗಾ ಪಾಕಾಂದು ಅದು ಕಿಟ್ಟುಗೋರೆ ಇದು ಇಂಡೆಕೆ ವಾಸೂಲುಕೋರೆ ಇದು ಇಂಡು ತಿಲ್ಜುಗೊಂಗೋ; ^{30 31 32} 30 ಇದ್ದಾದ್ದಿ ನೆರುವೆರುತನಕ ಈ ಸಂತತಿ ಅಳ್ಜು ಹೋಗೆದಿಲ್ಲ ಇಂಡು ನಾನು ನಿಂಗುಲುಕು ಕರಣೆಕೆ ಸೋನ್ನಾರೆ, 31 ಆಕಾಶ ಭೂಮಿ ಅಳಜು ಹೊಕ್ಕುದು;ಅನೇಕೆ ನಟ ವೋಕುಗಾ ಅಳಜು ಹೋಗುದಿಲ್ಲ 32 ಅನೇಕೆ ಆ ದಿನುತಾ ಆ ಗಳಿಗೆತಾ ವಿಷಯವಾಯಿ ತೋಪುನುಕೆ ಹೊರುತು ಎ ಮಣುಸುನೂಕು ಪರಲೋಕತ್ಕೊರು ಇಕ್ಕಿರ ದೇವದೂತರಕು ಮಾವ್ವುನುಕು ಗೊತ್ತಿಲ್ಲ. ^{33 34} 33 ನಿಂಗ ಎಚ್ಚರಾಯಿ ಇರಂಗೋ;ಜಾಗೂರಾಕರಾಯಿರಂಗೋ,ಪ್ರಾರ್ಥನೆ ಸೇಯ್ಯಂಗೋ ಯಂತ್ಗು ಇಂಡೆಕೆ ಆ ಸಮಯ ಎಪ್ಪೋರು ವಾರಾದು ಇಂಡು ನಿಂಗಿಲುಕು ಗೊತ್ತಿಲ್ಲ 34 ಮಣುಸುಕುಮಾರನು ತೂರ ಪ್ರಯಾಣ ಸೆಂದು ತಟ ಉಟು ಉಟ್ಟು ತನ್ನ ಸೇವಕರುಕು ಅದಿಕಾರತ ಮತ್ತೆ ಪ್ರತಿಯೊಂಡುಕು ಒಂಡು ಒಂಡು ಪಾನಿ ಕುಡುತು ವಸೂಲು ಕಾಕರತ್ಗು ಜಾಗುರಕನಾಯಿ ಇರು ಇಂಡು ಅಜ್ನಾಪಿಸಿಂದಕನಿ ಇದು. ^{35 36 37} 35 ಅತ್ರಿಂಡು ಜಾಗುರುಕನಾಯಿ ಇರಂಗೋ,ಯಂತ್ಗು ಇಂಡೆಕೆ ಉಟು ಯಜಮಾನ ಅಂದಿಬೇರೊ ಇಲ್ಲ ಸರಿಹೊತ್ತುಕೋರು ಇಲ್ಲ ಕೋಯಿ ವದುರಾಪ್ಪೋರು ಇಲ್ಲ ನೋಸುಗೋಟಲೇನು ಎಪ್ಪೋರು ವರಾದೋ ನಿಂಗುಲುಕು ಗೊತ್ತಿಲ್ಲ, 36 ಆತನು ಪಕ್ಕನೆ ವಂದು ನಿಂಗ ವರ್ಕ ಸೇಯ್ಯರತ್ತ ಪಾತೋಡುಬೋದು , 37 ನಿಂಗುಲುಕು ಸೋನ್ನುರಾತ್ತ ನಾನು ಅದ್ದಿಕಿನೂ ಸೋನ್ನರೆ –ಎಚ್ಚರಾಯಿ ಇರಂಗೋ ಇಂಡಸ್.