1 2 3 1 ಅಯಿಗ್ಯ ಯೆರೆಸಲೆಮುಕು ಕಿಟ್ಟುಗಾಯಿ ಅನ್ನಿ ಮರತ ಗಟ್ಟುಜಾಯಿ ಇಕ್ಕಿರ ಬೆತ್ಪೆಗೆಕು ಬೆಥ್ಯಾನ್ಯಕು ವಂದಪ್ಪೋರು ಆತನ ಶಿಷ್ಯರುಕೊರು ರಂಡಾಳುನತ್ತೆಯಿ ಅಂಪಿ ಅಯಿಲಿಕಿ. 2 ನಿಂಗಲಾತ ಎದುರಾಯಿ ಇಕ್ಕಿರ ಪಳ್ಳಿಕಿ ಹೊಯ್ಯಿ;ನಿಂಗ ಅತ್ತ ವುಲ್ಲಿಕಿ ಹೋಗ್ತಿಕ್ಯಂದೆ ಎದು ಎಮಾನು ಉಕ್ಕರಂತ ಒಂಡು ಕೊದಕುಟ್ಟಿತ್ತೆಯಿ ಪಕರಂಗ; ಅತ್ತ ಇಚ್ಚಿ ಅತ್ಗೊಂಡು ವಂಗೋ, 3 ಎದಾನ ನಿಂಗುಲುಕು –ನಿಂಗ ಯಂತ್ಗು ಇತರ ಸೇಯ್ಯಿತಿರಂಗ ಇಂಡೆಕೆ ,ಇದು ಕರ್ತನುಕು ಬೇಕಾಯಿದು ಇನ್ನಂಗೋ; ಅಪ್ಪೋರು ಅದು ತಕ್ಷಣ ಅತ್ತ ಇಟ್ಗು ಅಂಪದು ಇಂಡಸ್. 4 5 6 4 ಅಪ್ಪೋರು ಅಯಿಗ್ಯ ಹೊರಟು ಹೊಯ್ಯಿ;ರಂಡು ಏಗಿ ಕೂಡುರುದಟ್ಲಿ ಬೇಲಿ ವಸುಲಾಂಚ್ಲಿ ಕಟ್ಟಿಂದ ಕೊದಕುಟ್ತ್ಯ ಪಾತು ಅತ್ತ ಇಚ್ಚ್ತಿಂದಪ್ಪೋರು 5 ಅಟಿ ನಿಂಡ್ರಿಕ್ಕಿರಾಯಲಿಕೊರು ಕೆಲವರು ಅಯಿಲಿಕಿ –ಆ ಕೊಡ ಕುಟ್ಟಿತ್ತೆಯಿ ಯಂತ ಸೇಯ್ಯರಂಗ ಇಂಡು ಕೊಟುಸುನು, 6 ಅತ್ಗು ಅಯಿಗ್ಯ ಯೇಸು ಅಪ್ಪಣೆ ಕುಡುತ ಪ್ರಕರನೇ ಸೋನ್ನುಸುನು;ಅಪ್ಪೋರು ಅಯಿಗ್ಯ ಅಯಿಲಿಕಿ ಹೋಗುರುಕು ಉಟ್ಟುಸುನು, 7 8 9 10 7 ಅಯಿಗ್ಯ ಕೊದ ಕುಟ್ಟಿತ್ತೆಯಿ ಯೇಸುನಂಚುಗು ಅತ್ತೆಂದು, ಅತ್ತಮೆನಿ ತಂಗುಲಾತ ಬಟ್ಟುಲಾ ಹೊಟ್ಪ್ಪೋರು ಆತನು ಉಕ್ಕೊಂಡುಸು, 8 ಅನೇಕರು ತಂಗಲಾತ ಬಟ್ಟುಲಾ ಎಗಿಮೆನಿ ಪಡುತುಸ್ಸುನು; ಇನ್ನು ಕೆಲವರು ಮರತ ಕೊಂಬಿಲಾ ಬಟಿ ಹೊಟುಸುನು, 9 ಅಪ್ಪೋರು ಮುನುಗುಲಿ –ಪರುಗುಲಿ ಹೋಗ್ತಿಂದಯ್ಯ ವದ್ರುತಾ –ಹೊಸನ್ನ; ಕರ್ತನ ಪೆರುಮೆನಿ ವರ್ರಾದು ದನ್ಯನು; 10 ಕರ್ತನ ಪೆರುಮೆನಿ ವಾರ್ರ ನಂಗುಲಾತ ತೋಪುನಾಯಿಕ್ಕಿರ ದಾವಿದನತ ರಾಜ್ಯ ಆಶೀರ್ವಾದಿಸಲ್ಪಡೋಟು; ಇನ್ನತಕೊರು ಹೊಸನ್ನ ಇಂಡು ಸೋನ್ನುಸುನು, 11 12 11 ಯೇಸು ಯೆರೆಸೆಲೆಮುಕು ಹೊಯ್ಯಿ ದೇವಾಲಾಯತ್ಗು ಹೊನ್ನಪ್ಪೋರು,ಅದ್ದಿನೂ ಸುತ್ತಾಲೂ ಪಾತುಸು,ಮತ್ತೆ ಅಂದಿಬೆರಿ ಅನಪ್ಪೋರು ಪನ್ನೆಂಡು ಮಂದಿ ಶಿಷ್ಯರಂಟಿ ಬೆಥ್ಯಾನತ್ಗು ಹೊಸುನು, 12 ಮರುದಿವಸ ಆತನು ಬೆಥ್ಯಾನತಿಂಡು ವಾರಂದು ಆತನು ಪೆಸ್ತುಗೊಂಡಿ೦ಚು. 13 14 13 ಆತನು ಎಲಿ ಉಟ್ಟಿಕ್ಕಿರ ಒಂಡು ಅಂಜುರತ ಮರ್ತ ತೂರಿತಿಂಡು ಪಾತು,ತನುಕು ತಿಂಗಿರುಕು ಅಟಿ ಯಂದಾನ (ಪಂಗು ) ಸಿಕ್ಕಬೋದು ಇಂಡು ವಂಚು;ಅನೇಕೆ ಆತನು ಕಿಟ್ಟುಗು ವಂದಪ್ಪೋರು ಎಲಿ ಮಾತ್ರ ಉಟ್ಟೆಕೆ ಬೇರೆ ಯಂದಾದು ಇಕ್ಕಿಲ್ಲ;ಯಂತ್ಗು ಇಂಡಕೆ ಅದು ಅಂಜುರತ ಪಲಾತ ಕಾಲವಾಯಿಕ್ಕಿಲ್ಲ 14 ಅತ್ಗು ಯೇಸು –ಎನ್ನೆಮಾನು ಎದುನು ನಿನಿಂಡು ಫಲತಾ (ಪಂಗ ) ತಿಂಗಿದೇ ಇಕ್ಕೆಟುನು ಇಂಡಸ್,ಅತ್ತ ಆತನ ಶಿಷ್ಯರು ಕೊಟುಸುಗೊಂಡುಸ್ಸುನು, 15 16 15ಅಪ್ಪೋರು ಅಯಿಗ್ಯ ಯರೋಸೆಲೆಮುಕು ವಂಚುನು; ಮತ್ತೆ ದೇವಾಲಾಯತ್ಕೊಕು ಹೊಯ್ಯಿ ಅಟಿ ಇಕ್ಕಿರಯ್ಲ ಮತ್ತೆ ಕೊಂಡುಗುರಯ್ಲ ಬೆಲಿಕಿ ಹೋಡುತಲುಸು,ಮತ್ತೆ ದುಡ್ಡು ಬದಲಾಯಿಸರಯಲತ ಮೆಜುಗಾ ಪಾರಿವಾಳ ಯಪರು ಸೇಯ್ಯಿರಾಯಲಾತ ಪೀಠಲಾತ್ತೆಯಿ ಬೂಡಿಪ್ಪಿಚ್ಚುಸು, 16 ಎತ್ಗುನು ದೇವಾಲಯಾತ ಮಾರ್ಗತಿಂಡು ಎದೇ ದಬುರಿಯಾಗೋಟೂ ಅತುಗೊಂಡು ಹೋಗುರುಕು ಉಡುಲ್ಲ. 17 18 19 17 ಆತನು ಅಯಿಲಿಕಿ ಬೋದಿಸುತ್ತ –ನಟ ಉಟ ಅದ್ದಿ ಜನಾಂಗತಿಂಡು ಪ್ರಾರ್ಥನೆಯ ಉಡು ಇಂಡು ಆಗಿಪ್ಪಿಚ್ಚಗಾದು ಇಂಡು ವರಿಲ್ಯ?ಅನೇಕೆ ನಿಂಗ ಅತ್ತ ಕಳ್ಳರ ಗವಿ ಸೆಂದಿರಂಗ ಇಂಡಸ್, 18 ಅಪ್ಪೋರು ಪ್ರದಾನ ಯಜಕರು ಮತ್ತೆ ಶಾಸ್ತ್ರೀಗ್ಯ ಅತ್ತ ಕೋಟು,ಆತನತ್ತೆಯಿ ಏನಾಗು ಕೊಲ್ಲುರುದು ಇಂಡು ಆಲೋಚನೆ ಸೆಂಚುನು; ಮತ್ತೆ ಜನುರದ್ದಿನು ಅತನತ ಬೋದನೆಕು ಆಶ್ಚರ್ಯ ಪಟ್ಟಿಕ್ಕಿರತ್ಗು ಅಯಿಗ್ಯ ಆತನಕು ಬಿತ್ಗೊಂಡುಸುನು, 19 ಅಂದಿಬೆರಿ ಅನ್ನಪ್ಪೋರು ಅಯಿಗ್ಯ ಬೆಲಿಕಿ ಹೊಸುನು, 20 21 20 ನಸುಗೋಟಲಿ ಅಯಿಗ್ಯ ಎಗಿಮೆನಿ ಹೊಗಾಂದು ಆ ಅಂಜೂರತ ಮರು ಬೇರು ಸಹಿತವಾಯಿ ನೋಡಿದಿಕ್ಕಿರತ ಪಾಚುನು, 21 ಅಪ್ಪೋರು ಪೇತ್ರನು ಜ್ಞಾಪಕ ಸೆಂದುಗೊಂಡು ಅತನಕು-- ಗುರುವೇ ಇದೋ,ನೀನು ಶಪಿಸಿಕ್ಕಿರ ಅಂಜೂರತ ಮರ ನೋಡಿದಿದು ಇಂಡಸ್, 22 23 22 ಯೇಸು ಅಯಿಲಿಕಿ ಸೋನ್ನಾದು ಯಂದಾದು ಇಂಡೆಕೆ ದವ್ರುಮೆನಿ ನಂಬಿಕೆ ಅಯ್ಯಿಯಂಗೋ, 23 ಯಂತ್ಗು ಇಂಡೆಕೆ ನಾನು ನಿಂಗುಲುಕು ಸತ್ಯವಾಯಿ ಸೋನ್ನರೆ , ಎದಾನ ಈ ಗಟ್ಟುಕು –ನೀನು ಪಿಂಜುಗೊಂಡು ಹೊಯ್ಯಿ ಸಮುದ್ರುತ್ಕೊರು ಬೂಗು ಇಂಡು ಸೋನ್ನಿ ತನ್ನ ಹೃದಯತ್ಕೊರು ಸಂಶಯ ಪಡದೆ ತಾನು ಸೋನ್ನಿಕ್ಕಿರದು ಅಕ್ಕುದು ಇಂಡು ನಂಬುನೇಕೆ ಅದು ಸೋನ್ನುಕನೆ ಅಕ್ಕುದು, 24 25 26 24 ಅನಾ ಕಾರಣ ನಾನು ನಿಂಗುಲುಕು ಸೋನ್ನಾರಾದು ಯಂದಾದು ಇಂಡೆಕೆ –ನಿಂಗ ಪ್ರಾರ್ಥನೆ ಸೇಯ್ಯಂದು ಯಂತ ಬಯಿಸರಂಗ್ಲೋ ಅದು ನಿಂಗುಲುಕು ಸಿಕ್ಕಾದು ಇಂಡು ನಂಬಂಗೋ; ಮತ್ತೆ ಅಯಿಲತ್ತೆಯಿ ನಿಂಗ ಹೊಂದರಂಗ , 25 ನಿಂಗ ನಿಂಡ್ರುಗೊಂಡು ಪ್ರಾರ್ಥನೆ ಸೇಯ್ಯಂದು ಎತ್ಗಾನ ವಿರೋದವಾಯಿಕ್ಕಿರಾದು ನಿಂಗುಲುಕೊರು ಇಂದೇಕೆ ಕ್ಷಮುಸಂಗೋಅಪ್ಪೋರು ಪರಲೋಕತ್ಕೊರು ಇಕ್ಕಿರ ನಿಂಗಲತತೋಪುನು ಸಹ ನಿಂಗಲ್ತಾ ತಪ್ಪುಲಾತ್ತೆಯಿ ಕ್ಸಮುಸಾದು, 26 ನಿಂಗ ಬೇರೆಯಲ್ತ ತಪ್ಪುಲಾ ಕ್ಷಮುಸಾದಿಂದೇಕೆ ಪರಲೋಕತ ನಿಂಗ ಅವುನೂ ಸಹ ನಿಂಗಲ್ತ್ ಅಪರಾದಲ ಕ್ಷಮುಸುದುಲ್ಲ 27 28 27 ಅಯಿಗ್ಯ ತಿರುಗಿ ಯೆರೆಸೆಲೆಮುಕು ವಂಚುನು;ಆತನು ದೇವಲಾಯತ್ಕೊರು ಓಡಾಡುತಿಂದಪ್ಪೋರು ಪ್ರದಾನ ಯಜಕರು ಶಾಸ್ತ್ರಿಗ್ಯ ಅತನಂಚುಗು ವಂದು, 28—29 ಅತನುಕು –ನೀನು ಎ ಅದಿಕಾರತಿಂಡು ಇತ್ತಾದ್ದಿ ಸೇಯ್ಯರ ?ಮತ್ತೆ ಇತಾದ್ದಿ ಸೇಯ್ಯಿರುಕು ನಿನುಕು ಅಡಿಕಾರತ ತಂದಾದು ಎದು?ಇಂಡು ಕೊಟುಸುನು ಅತ್ಗು. 29 30 29 ಯೇಸು ಅಯಿಲಿಕಿ –ನಾನು ಸಹ ನಿಂಗಲ್ನ ಒಂಡು ಪ್ರಶ್ನೆ ಕೊಕಾರೆ ,ನನಕು ಉತ್ತರತ ತಾಂಗೋ;ಅಪ್ಪೋರು ನಾನು ಇತಾದ್ದಿ ಎ ಅದಿಕಾರತಿಂಡು ಸೇಯ್ಯರೆ ಇಂಡು ಸೋನ್ನರೆ, 30 ಯೋಹಾನನು ಸೇಯ್ಯಿತಿಂದ ದಿಕ್ಷಸ್ನಾನ ಪರಲೋಕತಿಂಡ ಇಲ್ಲ ಮಣುಸುರಿಂಡಾ ನನಕು ಉತರತ ತಾಂಗೋ, 31 32 33 31 ಅಪ್ಪೋರು ಅಯಿಗ್ಯ –ಪರಲೋಕತಿಂಡು ಇಂಡೆಕೆ ---ನಿಂಗ ಯಂತ್ಗು ಅತ್ತ ನಂಬುಲ್ಲ ಇಂಡು ಕೊಕುಬೋದು ; 32 ಅನೇಕ ನಂಬುರು –ಮಣುಸುರಿಂಡು ಇಂಡು ಸೋನ್ನೇಕೆ ನಂಬುರುಕು ಜನುರುತಾ ಬಿತಿದು ; ಯಂತ್ಗು ಇಂಡೆಕೆ ಯೋಹನನು ಕರಾಣೆಕೆ ಪ್ರಾವಾದಿಯಿಂಡು ಅದ್ದಿನೂ ತಿಲ್ಜುಗೊಂಡಿ೦ಚುನು ಇಂಡು ಅಯಿಗ್ಯ ತಂಗುಲುಕೋರೆ ಅಯಿಗ್ಯ ವಾದ ಸೆಂದುಗೊಂಡುಸ್ಸುನು, 33 ಅಯಿಗ್ಯ ಯೇಸುಕು –ನಂಗ ಯಂತು ಸೋನ್ನುಮಾಟೊ ಇಂಡಸ್ನು,ಅತ್ಗು ಯೇಸು ಅಯಿಲಿಕಿ –ನಾನು ಎ ಅದಿಕಾರತಿಂಡು ಇತಾದ್ದಿ ಸೇಯ್ಯರೆ ಇಂಡು ನಿಂಗುಲುಕು ನಾನೂ ಸೋನ್ನುಮಾಟೆ ಇಂಡಸ್,