^{1 2 3} 1 ನಿಂಗ ಹಗ್ಸಿಕ್ರ ಹೊಕುಕು ಯೋಗ್ಯರಾಯಿ ನದ್ಗುರ್ ದುಯಿಂದು ಕರ್ತನ ಸೇರೆಯದುಯಾಯಿಕ್ರ ನಾನು ನಿಂಗುಲ್ನ ಭೇಡಿಗ್ಯರೆ . 2 ನಿಂಗ ಪೂರ್ಣ ವಿನಿಯ ಸಾತ್ವಿಕತ್ವತಿಂಡು ದೀರ್ಘಶಾಂತಿಯಿಂಡು ಪ್ರೀತಿಯಿಂಡು ವಂಡಲ್ನ ವಂಡಲು ಸಹಿಹ್ಗೊಂಗೋ . 3 ಸಮಾದನವಾನ ಬಂದನತ್ಕುರು ಕಟ್ಟಲ್ಪಟವರಾಯಿಂದು ಪವಿತ್ರಾತ್ಮನಿಂಡು ಉಂಟಾನ್ನ ಐಕ್ಯನ ಕಪಾಡಿಗುರ್ಕು ಆಸಕ್ತರಾಯಿರನ್ಗೋ. ^{4 5 6} 4 ನಿಂಗ್ಟ ಕರೆಯುವಿಕೆ ವಂಡೇ ನಿರಿಕ್ಷೆತ್ಕುರು ನಿಂಗುಲ್ನ ಹಾಗ್ಸಿಕ್ರಕಾನಿ ವಡ್ಮು ವಂಡೇ .ಆತ್ಮನು ವಂಡೇ. 5 ವಂಡೆ ಕರ್ತನು ,ವಂಡೆ ನಂಬಿಕೆ ,ವಂಡೇ ದಿಕ್ಷಸ್ಥಾನ . 6 ಅದೇರ್ಕು ಅವ್ವಯಿಕ್ರ ದೌರ್ ವಂಡೇ ;ಅದು ಆದೆರ್ಮೆನು ಅದೇರ್ ಮುಖಂತರನು ಅದೆರ್ಕುರು ಇಕ್ರದಾಯಿದು. ^{7 8} 7 ಆನೇಕೆ ಕ್ರಿಸ್ತನು ಅನುಗ್ರಯಿಸಿಕ್ರ ದಾನದ ಆಳತೆಗ್ನುಸಾರವಾಯಿ ಪ್ರತಿಯೊಂಡಲ್ಕು ಕೊಡ್ತಿದು . 8 ಅದು ಉನ್ನತ ಸ್ಥಾನತ್ಗು ಏರ್ನಾಪೋದು ತಾನು ಜಯಿಸಿಕ್ರ ಶ್ಯನಲ್ನ ಪುಡ್ಸ್ಕೊಂಡು ಹೋಯಿ ಮಾನುಷ್ಯರ್ಕು ದಾನ ಸೆಂಚು. ^{9 10} 9(ಏರಿ ಹೊಸುಹಿಂಡು ಸೋನಿಕ್ರತ್ಕುರು ಭೋಮಿಯಾ ಅಧೋಭಾಗತ್ಗು ಇಗ್ಜಿದುಯಿಂಡು ಸೋನುಕಾನಿ ಆಸಲ್ಯ ? 10 ಇಗ್ಜು ವನ್ದಿಕ್ರದು ಆದಿ ಆಕಾಶಕಿನ್ನ ಉನ್ನತವಾಯಿ ಏರಿ ಹೊಯಿಕ್ರದು .ಆತಿಂಡು ಅದು ಸಮಸ್ತನು ತುಂಬಿಕ್ರದಾಯಿದು. ^{11 12 13} 11ಪರಿಶುದ್ದರನ್ನ ಯೋಗ್ಯಸ್ದಿತಿಕಿ ತರ್ರ ಪನಿಕೊಸ್ಕಾರ ಸೇವೆತ ಪನಿಕೊಸ್ಕಾರ ಕ್ರಿಸ್ತನ ವಡ್ಮು ಅಬಿವೃದಿಯಾಗುರ್ಕೊಸ್ಕಾರ 12 ಅದು ಸ್ವಲ್ಪ ಮಂದಿನ ಅಪೋಸ್ತಲರಾಯಿ ಸ್ವಲ್ಪ ಮಂದಿನ ಸುವಾರ್ತಿಕರಾಯಿ ಸ್ವಲ್ಪ ಮಂದಿನ ಸಭಾಪಾಲಕರಯಿ ಉಪದೇಶಿಯಾಯಿ ಅನುಗ್ರಹಿಸಿದು . 13 ಹಿಂಗು ನಾಗದೇರು ನಂಬಿಕೆತ ಅನ್ಯೋನ್ಯತೆಕುರು ದೌರ್ ಮೌನ್ನ ಜ್ಞಾನತ್ಕುರುಪರಿಪೂರ್ಣ ಮನುಷ್ಯನಾಗುರ್ಕು ಕ್ರಿಸ್ತನ ಪರಿಪೂರ್ಣ ನೀಳತೆಯ ಪ್ರಮಾಣತ್ತ ಮುಟ್ಟರೋ. ^{14 15 16} 14 ನಂಗ ಇನ್ನು ಮೇನಿ ಹೊಂಚುಹೊಡ್ರ ವಂಚನೆಕು ಮನುಷ್ಯರ ಕಪಟತಿಂಡು ಮೋಸತ ಉಪಾಯ ಸೈರ ತಂತ್ರತಿಂಡು ಬೋದನೆತ ಪ್ರತಿಯೊಂಡು ಗಾಳಿಯಿಂಡು ಅಸಕಿ ಇಸಕಿ ವಾಲಡ್ರ ಬಾಲಕರ್ತರ ಇಕ್ಬಾರ್ದು . 15 ಅನೇಕೆ ಪ್ರಿತಿಯಿಂಡು ಸತ್ಯನ ವಾಸೇತ ಆದಿ ವಿಷಯತ್ಕುರು ತಲ್ಕೈ ಅದೇ ಆಹಿಕ್ರ ಕ್ರಿಸ್ತನ್ಕುರು ವಲೆಂಗೋ . 16 ವಡ್ಮದಿ ಆತಿಂಡು ಆದಿ ಕೀಲುಯಿಂಡು ಬಿಗಿಯಾಯಿ ಜೋಡಿಸಲ್ಪಟ್ಟು ಆದಿ ಅಂಗತಿಂಡು ಅತತ್ರ ಶಕ್ತಿ ಪ್ರಕಾರ ಸಹಾಯ ಹೊಂದಿ ಪ್ರಿತಿಯಿಂಡು ತಂಕುರು ಐಕ್ಯವಾಯಿಂದು ಭಕ್ತಿವೃದ್ದಿನ್ನ ಹೊಂದಕು. ^{17 18 19} 17 ಅತಿಂಡು ಅನ್ಯ ಮಂದಿ ನಡುದುಗುರ್ತರ ನಿಂಗ ಇನ್ನುಮೇನಿ ನಡುದ್ಗಬಾರ್ದುಯಿಂಡು ಕರ್ತನ್ಕುರುಯಿಕ್ರವನಾಯಿ ನಾನು ನಿಂಗುಲ್ಕು ಖಂಡಿತವಾಯಿ ಸೊಂನಾರೆ . ಆಗ್ಯ ನಿಷ್ಟಪ್ರಯೋಜನವಾನ ಬುದ್ದಿತಿಂಡು ನಡ್ದಗಕ್ನು ; 18 ಅಲ್ಟ ಮನ್ಸು ಮೊಬ್ಬಯಿ ಹೋಯಿದು .ಆಗ್ಯ ತಗ್ಟ ಹೃದಯಾತ ಕುರುಡುತನತಿಂಡು ತಗ್ಗುಲ್ಕುರುಯಿಕ್ರ ಆಜ್ಞಾನತಿಂಡು ದೌರ್ಯಿಂಡು ಆಗ್ರಾ ಜೀವತ್ಗು ಅನ್ಯರಾಯಿನು . 19 ಆಗ್ಯ ತ್ಗಟ ದುರ್ಸ್ತಿತಿಕಾಯಿ ಚಿಂತಿಸ್ದೆ ತಗ್ಟ ಬಂಡುತನತ್ಗು ಒಪ್ಪಿಸಿಕುಡ್ತಾ ಆದಿ ಅಶುದ್ದ ಕೃತ್ಯನ್ನ ಆತ್ಯಾಶೆಯಿಂಡು ನಡುಸ್ರಗ್ಯನು. ^{20 21 22} 20 ನಿಂಗನೆಕೋ ಕ್ರಿಸ್ತನ್ಕಾನಿ ಕೆಚ್ಗೊಂಗೋ 21 ಆತತೆಯ ಕೊಟ್ಟಿರಂಗ್ಲೆ ,ಅತ್ರಂಲಿ ಉಪದೇಶನ ಹೊಂದಿರಂಗ್ಲೆ . 22 ಯೇಸುಕ್ರಿಸ್ತನ್ಕುರುಯಿಕ್ರ ಸತ್ಯೋಪದೇಶ ಯೆದಿಂಡೆಕೆ ನಿಂಗ ನಿಗ್ಟ ನಡ್ತೆನ ಅನುಸರ್ದೆ ಪೂರ್ವಸ್ವಾಭಾವನವಗ್ಗಡ್ರುದು; ಅದು ಮೊಸಕರವಾನ ದುರಾಶೆಯಿಂಡು ಕೆಟ್ಟು ಹೋಗ್ರದು. ^{23 24} 23 ನಿಂಗ ನಿಗ್ಟ ಮನೋಭಾವತ್ಕುರು ಹೊಸಬರಯಿ ಪುದ್ದಿ ಸ್ವಭಾನ ಧರ್ಸಿಕೊಂಗೋ. 24 ಆ ಸ್ವಭಾವ ದೌರ್ ಹೋಲಿಕೆಕಾನಿ ನೀತಿಯಿಂಡು ಪರಿಶುದ್ದವಾಯಿ ನಿರ್ಮಿಸಲ್ಪಟ್ಟಿದು. ^{25 26 27} 25 ಈ ಕಾರಣತಿಂಡು ಸುಳ್ಳಾಡ್ರತ್ತ ಹುಡೋಟ್ಟು ಪ್ರತಿಯೊಂಡಲು ತಾಟ ಸಹೋದರೆಂಟಿ ಸತ್ಯನ ವಸೇತಟ್ಟು; ಯೆಂತಿಗಿಂಡೆಕೆ ನಂಗ ವಂಡಲ್ಕುವಂಡಲು ಅಂಗಗಾಯಿರೋ. 26 ಕೋಪ ಸೇನ್ದೆಕು ಪಾಪ ಸೈಮಾನಂಗ; ಸೂರ್ಯನು ಮುಳುಗುರ್ಕಿನ್ನ ಮುನ್ನೆ ನಿಗ್ಟ ಸಿಟ್ಟು ತಿರೋಗೊಟ್ಟು; 27 ಸೈತಂಕು ಅವಕಾಶ ಕೊಡ್ಕಮಾನಂಗ. ^{28 29 30} 28 ಕಳ್ತನ ಸೈರದು ಇನ್ನುಮೇನಿ ಕಳ್ತನ ಸೈದೆ ಕೈಯಿಂಡು ಯೆದಾನ್ನ ನಾಲ್ಲ ಉದ್ಯೋಗನ ಸೆಂದು ದುಡಿಯೋಟ್ಟು ;ಅಪೋದು ಕೊರತೆಕುರುಯಿಕ್ರಲ್ಕಿ ಕೊಡ್ಕುರ್ಕು ಅತ್ಗಕ್ದು . 29 ನಿಗ್ಟ ವಾಯಿಂಡು ಯೆದ್ದು ವಲ್ಸು ಓಕು ವರ್ಬರ್ದು ; ಅನೇಕೆ ಭಕ್ತಿನ ವೃದಿಸೈರ ನಾಲ್ಲ ಓಕು ಇಂದೇಕೆ ಕೊಟ್ಟಿಚ್ಗ್ರ ನಾಲ್ಲತ್ಕಾಯಿ ವಾಸೆತಂಗೋ 30 ದೌರ್ ತ ಪವಿತ್ರತ್ಮಾನ ನೋಪ್ಪಿಸೈಮಾನಂಗ ; ಆತಂಚಿಲಿ ವಿಮೋಚನೆಯ ದಿನತ್ಕಾಯಿ ಮುದ್ರೆ ಹೊಂದಿರಂಗ್ಲೆ. ^{31 32} 31 ಆದಿ ದ್ವೇಷ ,ಕೋಪ ಕ್ರೋದ, ಕಲಹ , ದೋಷಣೆ ಇತಾತ್ತೆಯ ಆದಿ ದುಷ್ಟತನನ್ನ ನಿಂಗಿಲಿಂಡು ತುರ್ಸೈಯಂಗೋ . 32 ದೌರು ನಿಂಗುಲ್ಕು ಕ್ರಿಸ್ತನ್ಕುರು ಕ್ಷಮಿಸಿಕ್ರಕಾನಿ ನಿಂಗ ವಂಡಲ್ಕುವಂಡಲು ಉಪಕಾರಿಯಾಯಿ ಕರುಣೆಯೂಳವಾರಯಿ ಕ್ಷಮಿಸ್ರವಾರಯಿರೊಂಗೋ.