^{1 2} 1 ಅತಿಂಡು ನಿಗ್ಟ ಪ್ರಿಯ ಮಕುಳ್ಕು ಸರಿಯಾಗುರ್ಕಾನಿ ದೌರು ಅನುಗ್ರಯಿಸಕು . 2 ಕ್ರಿಸ್ತನು ನಾಂಗುಲ್ನ ಪ್ರೀತಿಸಿ ನಂಗುಲ್ಕೊಸ್ಕರ ತನಾನೆ ದೌರ್ಕು ಸುಗಂಧವಾಸನೆಯಾನ ಕಾಣೆಕೆಯಾಯಿ ಯಜ್ಞಾವಾಯಿ ಸಮರ್ಪಿಸಿಕೊಂಡಕಾನೀ ಪ್ರಿತಿಕುರು ನಡುದ್ಗೊಂಗೋ. ^{3 4} 3 ಆನೇಕೆ ನಿಂಗುಲ್ಕುರು ಜಾರತ್ವ ಅಶುದ್ದ ಲೋಭಾವಾಗೊಟ್ಟು ಪರಿಶುದ್ದರ್ಕು ಇತ್ಕುರು ವಂಡು ಪೆರ್ನ್ನ ಪೆಚ್ಬಾರ್ದು . 4 ಹೊಲ್ಸು ಹುಚ್ಚು ಹೋಕುಗ ಕುಚೋದ್ಯ ಇದು ಮಾನ , ಇತಾತ್ತೆಯ ಹುಟ್ಟು ಅತಂಕು ಉಪಕಾರ ಸುತ್ತಿ ಸೈರದು ನಾಲ್ಲದು. ^{5 6 7} 5 ಎ ಜಾರನಾಗೊಟ್ಟು ,ಅಶುದ್ದನಾಗೊಟ್ಟು, ವಿಗ್ರಹಾರಾದಕನಗೊಟ್ಟು ಲೋಭಿಯಾಗೊಟ್ಟು ಕ್ರಿಸ್ತನು ದೌರ್ ರಾಜ್ಯತ್ಕುರು ಬಾದ್ಯನಾಗುದಿಲ್ಲಯಿಂಡು ನಿಂಗುಲ್ಕುಗೊತಿದೆ. 6 ಹುರುಳುಯಿಲ್ಲದ ಒಕಿಂಡು ಯೇದು ನಿಂಗುಲ್ನ ಮೊಸಗೊಲ್ಸುದೆಯಿಕೊಟ್ಟು. ಯೆನ್ತಿಗಿಡೆಕೆ ಇತಿಂಡು ದೌರ್ ಕೋಪ ಆತ್ಗು ಅವಿದೇಯಾರನ ಮಕ್ಕಳ್ಮೆನಿ ವರಕು . 7 ಆತಿಂಡು ನಿಂಗ ಅಲೆಟ್ಟಿ ಪಾಲುಗಾರರಗ್ಮಾನಂಗ. ^{8 9 10 11 12} 8 ನಿಂಗ ಪರ್ಕಾಲತ್ಕುರು ಕತ್ತಲಯಿಂದಾದ್ಗ ,ಅನೇಕೆ ಇಪೋದು ನಿಂಗ ಕರ್ತನ್ಕುರು ವಲ್ಸ್ರಯಿಕ್ರತಿಂಡು ವಲ್ಸ್ರ ಮಕಿಲ್ಕು ಸರಿಯಾಯಿ ನಡ್ಗೊಂಗೋ. 9 ಆತ್ಮತಫಲ ಆದಿ ಉಪಕಾರತ್ಕುರು ನೀತಿಕುರು ಸತ್ಯತ್ಕುರು ಇಕಾಕು. 10 ಕರ್ತಂಕು ಮಚ್ಚೆಕೆಯಾನದಯಿಂಡು ಪರಿಶೋದ್ದಿಸಂಗೋ. 11 ಕತ್ತಲೆತ್ಗು ಸಂಬದವಾನತ ಕೃತ್ಯತಿಂಡು ಏ ಪಲನು ವರ್ದುಲ್ಲ; ಅತ್ಕುರು ಪಾಲುಕಾರರಯಿಂದೇಕೆ ಆತಾತೆಯ ಖಂಡಿಸಂಗೋ. 12 ಆಗ್ಯ ರಹಸ್ಯವಾಯಿ ನಡ್ಸುರ ಪಾನಿಯಿಂಡು ವಾಸೆತ್ರದು ನಾಚಿಕೆಯಾಯಿದು. ^{13 14} 13 ಆನೇಕೆ ಖಂಡನೆಯಾಗ್ರದಾದಿ ವಲ್ಸುರಿಂಡು ಪ್ರಕಟವಾಕ್ದು: ಯೆನ್ತಿಗಿಂಡೆಕೆ ಪ್ರಕಟವಾಗ್ರದು ವಲ್ಸುರೆ. 14 ವಾರ್ಕ್ ಸೈರದೇ, ಎಚ್ಚರವಾಗು, ಸತ್ತಲಿಂಡು ಅದ್ದಿ; ಕ್ರಿಸ್ತನು ನಿಂಗು ಪ್ರಕಾಶತಾರಕು ಇಂಡು ಅದು ಸೋನಾಕು. ^{15 16 17} 15 ನಿಂಗ ನಡ್ದುಗುರ ರೀತಿನ ಜಾಗ್ರತೆಯಿಂಡು ಪಾತ್ಗೊಂಗೋ . ಜ್ಞಾನಯಿಲ್ಲಯಿಂಡೆಕೆ ಜ್ಞಾನವಂತರಗಂಗೋ . 16 ದಿನ ಕೊಟ್ಟದಾಯಿಕ್ರತಿಂಡು ಕಾಲ್ತ ಸುಮ್ಮದೇ ಕಳುಜ್ಗುದೆ ಉಪಯೋಗ ಸೇದ್ಗೊಗೋ . ^{18 19 20 21} 18 ಮದ್ಯಪಾನ ಸೇದು ಅಮಲೆರ್ಮನಾಂಗ ,ಯೆಂತಿಗಿಂಡೆಕೆ ಅತಿಂಡು ಪಾಟಿಂಗ ಪರ್ಕಾಕು. ಪವಿತ್ರಾತ್ಮನಿಂಡು ತುಂಬಿರಂಗೋ . 19 ಕೀರ್ತನೆಯಿಂಡು ಸಂಗಿತತಿಂಡು ಆತ್ಮ ಸಂಬಂದವಾನ ಪಾಡಿಂಡು ನಿಂಗುಲ್ಕು ನಿಂಗೆ ವಾಸೆತ್ಗುತ ನಿಗ್ಟ ಹೃದಯತ್ಕುರು ಕರ್ತಂಕು ಗಾನ ಸೈತ ಇಂಪಾಯಿ ಪಾಡ್ತಾ ಇರನ್ಗೋ. 20 ಯೆಪೋದು ಆದಿ ವಿಷಯತ್ಕುರು ನಗ್ಟ ಯೇಸು ಕ್ರಿಸ್ತನ ಪೆರ್ಕುರು ದೌರ್ಕು ಸ್ತೋತ್ರ ಸೈಯಂಗೋ. 21 ದೌರ್ಕು ಭಯಪಡ್ರಗಾಯಿಂದು ವಂಡಲ್ಕು ವಂಡಲು ವಿದೇಯಾರಯಿಂದು ನಡ್ದುಗೊಂಗೋ. ^{22 23 24} 22 ಪಂಲಗ್ಲೆ. ನಿಂಗ ಕರ್ತಂಕು ಹೆಂಗೋ ಹಾಂಗೆ ನಿಗ್ಟ ನಿಗ್ಟ ಮನಗ್ಗೊಂಕು ಅದೀನರಗಂಗೋ, 23ಕ್ರಿಸ್ತನು ಸಬೇಕಿ ತಲ್ಕೈ ಅಯಿಕ್ರ ಪ್ರಕಾರ ಮನಗೂ ಪಂಡುಕು ತಲ್ಕೈ ಅಯಿದು. ಅದು (ಕ್ರಿಸ್ತನು ) ವಡ್ಮುಕು ರಕ್ಷಕನಾಯಿದು 24 ಸಬೇಕಿ ಕ್ರಿಸ್ತನು ಹೆಂಗು ಅದೀನವಾಯಿದೋ ಹಂಗು ಪಂಲಗ್ಯ ತಗ್ಟ ಮನಗುಂಕು ಆದಿ ವಿಷಯತ್ಕುರು ಅದೀನರಗುರ್ದುಯಿಂಡು. ^{25 26 27} 25 ಅಮ್ಲಗ್ಲೆ ನಿಂಗ ನಿಗ್ಟ ಪಂಡುಮರ್ನ ಪ್ರೀತಿ ಸೈಯಂಗೋ .ಕ್ರಿಸ್ತನು ಸಹ ಸಭೆನ ಪ್ರೀತಿಸಿ ಅತ್ಕಾಯಿ ತನ್ನ ತಾನೆ ಒಪ್ಪಿಸಿಕುಡ್ಚು . 26 ಅದು ಅತ ವಕ್ಯಾಯಿಂಗ್ರ ತಾನಿಯಿಂಡು ಕೌವಿ ಪ್ರತಿಷ್ಟೆಸೆಂದು ಶುದ್ದ ಸೇನ್ಚಲ್ಯ . 27 ಕಳಂಕ ಎನ್ದುಯಿಲ್ದೆ ಪರಿಶುದ್ದ ದೋಷಯಿಲ್ದೆಯಿಕ್ರದು ಮಹಿಮೆಯುಳ್ಳ ಸಭೆನ ತಂಕು ತಾನೇ ಸಮರ್ಪಿಸಿ ಕೊಳ್ಳುರ್ದುಯಿಂಡಿದು. ^{28 29 30} 28 ಅಮ್ಲದು ಸ್ವಂತ ಶರೀರನ್ನ ಪ್ರೀತಿ ಸೈರತರ ತಟ್ಟ ಪಡ್ನ ಪ್ರೀತಿ ಸೈಯೋಟ್ಟು. ತಟ್ಟ ಪಡ್ನ ಪ್ರೀತಿ ಸೈರದು ತನ್ನನೇ ಪ್ರೀತಿ ಸೇದ್ಗಕು. 29 ಎದು ತಗ್ಟ ವಡ್ಮುನ ಹಗೆ ಸೈದುಲ್ನು. ಆನೇಕೆ ಅತ ಪೋಷಿಸಿ ಸಂರಕ್ಷಿಸ್ರತಾರ ಕರ್ತನು ಸಭೆನ ಪೋಷಿಸಿ ರಕ್ಷಿಸಕು. 30 ನಾಂಗ ಅತ್ರ ವಡ್ಮುತ ಅಂಗ ಮಾಂಸ ಎಲುಬು ಅಯಿರೋ. ^{31 32 33} 31 ಇತಿಂಡೆ ಅಮ್ಲದು ಅವ್ವ ಅಮ್ನ ಉಟೊಟ್ಟು ತಟ್ಟ ಪಡ್ನ ಸೇರಿಗ್ಯಕು. ಆ ರಂಡಳು ವಂದಡೆ ವಡ್ಮುಕ್ನು. 32 ಇದೊಂಡು ಬೇರ್ದು ಮರ್ಮ; ಆನೇಕೆ ನಾನು ಕ್ರಿಸ್ತನ ವಿಷಯತ್ಕುರು ಸಭೆತ ವಿಷಯಾತ್ಕುರು ವಾಸೇತಾರೆ. 33 ನಿಂಗುಲ್ಕು ಪ್ರತಿಯೊಂಡಲು ಅಮ್ಲದು ತನ್ನ ಪ್ರೀತಿ ಸೈರ್ಕಾನಿ ತಟ್ಟ ಪಡ್ನ ಪ್ರೀತಿ ಸೈಯಿರ್ದು; ಪ್ರತಿ ಪಮ್ಲದು ತಟ್ಟು ಮಾನಗ್ನ ಗೌರವಿಸಿ ನಡ್ದುಗೊಟ್ಟು.