¹ Ahiramahi ne ite natarihe niho Kristo. Abu ne agesm, cebu nahigigilita ho ne ora ahapiahani ho niho no Lohailong, ² ojo niho ne obwon nahihuyasu nobolo ho nabiajan na obe ichung nitaji ho ne. ³ Igigilo ne ojo hahipitari ne cebu ohiduhari niho Yesu Kristo to ho hilasira ho ne, hula ohibwon ho ne niho anya ingwala ho kwan. ⁴ Sing Isarayile. Obwoni sing ho namaji, nakwatan, nayomo, neyalita ho nechihita, namojo ho Najyok,cebu nitinita. ⁵ Orahi sing afafairok ho Yesu to fotiri ho lodetinere hongete to kwan-ngete la ora Najyok nireji fad. Amen. ⁶ Obu ojo ahuyari nitina ho Najyok. Obu lora lati fad hula obwon Isarayile fad larahi aloho Isarayile. ⁷ Obu lora lemusak fad ho Abramo lorahi emusak hongete. Nyuo hati, "To Isako ongelese hadi lemusak hote." ⁸ Ngete na, lemusak ho kwan obu orahi emusak ho Najyok. Nyuo hati lemusak ho hitina ihwanahini sing afafairok. ⁹ Ngete anya natianya hetinita: "Nahanya holong alotu hadi ne, cebu isieri hadi lahito niho Sara." ¹⁰ Obu lora anya hama, nyuo hati nihalu laholong nimwoho Rebeka to latuani abito, monye hojie Isako- ¹¹ Lohobu fa oyisini lemusak cebu Lohobu ihoni ibuo nasinge na ongida kuya na oroho, ongida nawahan ho Najyok to nanyumo obotie, obu lora to nahigiama, nyuo hati to ngete la ongeleso- ¹² ojimi fa niho ngete ojo, "Olotu hadi na abolo igiama niho nahomuta." ¹³ Olotu rahan to ho igierahinerete: "Yacobo akwama ne, nyuo hati Esau edaya ne." ¹⁴ Nanyuo hati hadi ijie ohitenyu? Obwon narohojie ho Najyok? Ikie obu ora to hoja. ¹⁵ Ojo ngete niho Muse, "Esiarahi be ne namehino, cebu ehwanihi nangidari niho latwani la awak ne isiarahiso nangidari." ¹⁶ Nyuo hati, obu lora to ngete la owak, kuya ngete la inamita, nyuo hati to Najyok, la isiarahi namehino. ¹⁷ Ojo nabuk niho Faroo, "Tanya higiama oting ne nehene ahitingu ne ite nihide, ongida ne etelehi nagolon niho ji, cebu ongida nafure ho ne itokwate nifok fad." ¹⁸ Nyuo hati, obwon Najyok ho namehino niho latwani la owak, cebu ngete la owak, ohon ngete na oroho. ¹⁹ Ijo hadi iji niho ne, "Nanyuo ngete obwon ho nepal? Ngai lotum obotia nawahan ho ngete?" ²⁰ Iji latwani, ngai iji nihitarangari Najyok? Habe nasinge na obieni ojo niho latwani la obieu ngete ojo, "Nanyuo ji ihuhum ne to hoja?" ²¹ Habe lahabiani ho motiongo obwon ho natarihe nimodie nihihuhumari niho namodie noho nahigiamari, cebu ibwo narany noho tihitik. ²² Nyuo hati nawak Najyok itetelehiso nahilongojita ho ngete cebu isiarahi nagolon hongete ojieni, odik to nariajan niho narohoji lohodo ho hilongojita na ihuhumahini niho nahipalariso? ²³ Nyuo hati nehon ngete ojo ongida ojieni neparita ho kwatan nilo hodoho ho mehino, lofa ihuhumahini to nakwatan? ²⁴ Nyuo hati nehon ngete anya nihojie, la ongeleu ngete, obu lora to hiji ho Yahud hama, nyuo cebu to hiji ho paganoji? ²⁵ Toho ojo cebu ngete niho Hosea, "Angeleu hadi ne lati ho ne hulo fa obu orahi lati ho ne, cebu habila nangete lofa obu owak. ²⁶ Ora hadi ojo namaji lofa ojimi nihosing,' Obu te irahata alati ho ne; ongele hadi sing lemusak ho Najyok." ²⁷ Oyo fa Isaya to Isarayile, "Dobu olwaji lemusak he Isarayile to ho nasingati ho nadial, latonge hadi italahini. ²⁸ Iyaru hadi Hobu nangoto ho ngete nifok, kerem. To ho ojo Isaya fa, "Hara obe Hobu idahi niho jie lemusak, hahikialare jie to ho Sodoma, cebu ahibwon dwo jie to ho Gomorra. ³⁰ Nanyuo be jie ohitianya? Ojo ongida paganoji, hulo fa obu otahite nangidari, ohorihini nangidari, nangidari to nahirk. ³¹ Nyuo hati Isarayile, hula otahite nechihita ho ongidari, obu isiahite. ³² Tatali obu ora? To nanyuo obu sing otahite ngete to nahiruk, ati to nahigemita. Otwamahine sing nimorwo na otwamitito, ³³ to ho igierehinerete, "Totiale, ehuhumahiso ne namorwo na otwama niho Sion ho nolokofe hohipalariso.