¹ Hilasira, owak nataji ho ne cebu nahifiasu ho ne Najyok to sing, to nahitalahino hosing. ² Atenyito ne to sing ojo ongida sing obwoni ho nagolon ho Najyok, nyuo hati to nagianyan. ³ Obu sing ojieni nangidari ho Najyok, cebu owahi ihuhumahiso nangidari hosing. Toho obu sing iruhi nangidari ho Najyok. ⁴ Toho ora Yesu ahetufuti hechihita no ho nangidari noho lati fad hula iruhi. ⁵ Igierehi Muse to nangidari homanya na olotu te chihita: "Latwani la ihwana nareji huja ongidari niho nechihita omanya hadi to nangidari." ⁶ Nyuo hati nangidari homanya na olotu to hiruk ojo, "Hejo nitaji hoji, 'Ngai ba lodok nihide? (la olo iyieno Kristo nifok). ⁷ Cebu hejo, 'Ngai ba longiroyo nifotiri?"' (la olo, iyieno Kristo nihide to yeyi.) ⁸ Nanyuo hati ngete otianya? "Onyiha natianya niho ji, nihutuk hoji cebu nitaji hoji." Ngete natianya ho hiruk, na ohitokwata ijie. ⁹ Neruk na hotuk hoji Yesu ahabu hoji, cebu iruk to taji hoji ojo itubuhu Najyok ngete to yeyi, italahino beji. ¹⁰ To nataji latwani iruk niho nangidari cebu to nahutuk otenyu ngete nahitalahino. ¹¹ Toho ojo nabuk, "Latwani la iruk niho ngete obu hadi isieri nariri." ¹² Obu nabwonan hama Yahud ho Grik. Lohobu abito ngete Lohobu lati fad, cebu obara niho hula ongele ngete. ¹³ Latwani la ongele ngete to nafure ho Lohobu, italahino hadi. ¹⁴ Tatali hati sing hatum ohingele ngete la obu sing iruhi? Tatali sing heruhi nihongete la obu sing itiyiri? Tatali sing hatum itiyiri lahetotosoni obe? ¹⁵ Tatali sing hetotose, mayak nesulari sing?To ho igierehini, "Tatali nangidari hehejiaha ho lati hula itokwate nareji hoja ongidari! ¹⁶ Nyuo hati obu fasing fad itiyire niho na efanjelio. Ojo Ayisaya, "Lohobu, ngai eruk natianya hojie? ¹⁷ Olotu nahiruk to nahitiyira, cebu nahitiyira to natianya ho Kristo. ¹⁸ Nyuo hati ne ajo, "Obu fasing itiyiri? Ee, ijo bu. "Alo nakwatan hosing niger niho nafok fad, cebu natianya hosing many nilohichungi ho fok." ¹⁹ Ajo ne, "Obe Isarayile ojieni?" Nilochifot ojo Muse, "Ahitolongoch hadi ne ite nihayini to nasinge na obu ora ahang. To najiman nahang na obe najianan, ahisiarahi hadi ne ite ilongojitati." ²⁰ cebu ingere fa Ayisaya ho najiman, "Ahihorihini ne lati hula obe otahite ne. Aleyo ne niho lati hula obu ohifiase ne." ²¹ Nyuo hati niho Isarayile ngete ho najiman, "Noholong anya fad, arwehi ni nehes ho ne niho lati hula obe iruhi."