¹ Kuya obu te ijienata, hilasira(atianya ne niho lati hula ojieni nechihita, ojo ongida nechihita obwon ho nagolon nitwani hesu ngete? ² Otwarahino nangorite to nechihita niho habi hosu ngete,nomo naye habi,olohahini ngete techihita ho hayama. ³ Nalo ngete niho lobo latwani habi hesu,angele ngete ahasomoni. Nyuo hati naye habi, abe ngete abu nget otwara nichihita, obu ngete ora ahasomoni nomo neruk ngete lobo latwani. ⁴ Inaha, hilasira ho ne, oyeyita fa te nichihita to nakwan ho Yesu Kristo. Ongida ite itilahinete harabito, ngete, niho ngete lofa itubuhuni to yeyi, ojo ongida ijie ohitelehi namanyita huja ongidari niho Najyok. ⁵ Lofa ho hibwon ijie nikwan, ohuhumahine fa newahita niho lati hojie to nechihita na isiarahi nahigiama ho yeyi. ⁶ Tahanya, ahilahari ijie techihita.Ohiyejie teni lofa ohiniafahinerete ijie. Ongida ije ohigiama niho nangejuk ho Lohailong cebu obu nilongore he waraga. ⁷ Nanyuo hati be ohijo? Itwongo nechihitn epal?Obu. Ati, habu fa ne ajien nepal, hara obu lora to nechihit.Habu fa ne ajien namanyita huja orohoji mayak najo nechihit ojo, "Hehwanahi nataji hoji nereji holobo latwani. " ⁸ Nyuo hati eyaru nepalita to nechihita ho nahiyeno newahita fad niho ne.Nabe nechihita, oye nepal. ⁹ Niho ibwo noholong, esu fa ne obe nechihit, nyuo hati laholong nafwoni nichihita, ayitu nahisu niho nepal, cebu ne ho nayeyi. ¹⁰ Nichihit nofa heyeno nahisu akudo ayeyi niho ne. ¹¹ Ahorihi nepal nehoi nichihit ho nahitonong ne. To nechihit ngete ahifadaya ne. ¹² Onyila nechihit, cebu nechihit onyila, nangidari cebu ongida. ¹³ Hatum nasinge na ongida olotu rahan ayeyi niho ne? Ikie obu ora to hoja. Nyuo hati, ongida itelihini ojo nepal to nasinge na ongida, eyeno nayeyi niho ne. Ora fa ojo to nechihit, olotu nepal orohoji ilany. ¹⁴ Ohijien ijie ojo ora nechihit alo hailong, nyuo hati ara ne akwan. Ahitenyangari ne ahatwarani niho nepal. ¹⁵ Nasinge na ehwana ne, obu ne ajien. Nasinge na awak ne ihwana, abu ne ihon, cebu nasinge na obu ne awak, ehon ne. ¹⁶ Nyuo hati nagiama nasinge na abu ne awak, eruk ne niho nechihit ojo ongida nechihit. ¹⁷ Nyuo hati tahanya abu lora ne lehwana ngete, ati nepal na itwongo niho ne. ¹⁸ Ajien ne ojo niho ne,na obwon nikwan ho ne, obe ibwo nasinge na ongida. Nawahan ho ngidari lobuon niho ne,nyo hati habu ne ihon ngete. ¹⁹ Nangidari na awak ne abu ne ihon, ati narohoji na abu ne awak, ehon ne. ²⁰ Tahanya nomo nehon ne nasinge na abu ne awak hihwana, abu lora ne lahwana nyuo hati ara nepal lomanya nitaji ho ne. ²¹ Ahorihi ne nehoi na awak ne hihwanari nasinge na ongida, nyuo hati narohoji obwon niho ne. ²² Akwama ne nichihita ho Najyok to nataji ho twani. ²³ Nyuo hati atel ne nehoi na obwon hama nikwan ho ne. Ongalasu nehene nihoi nangejuk nigigil ho ne. Oyaru ne ahatwarani to nehoi ho nepal na obwon nikwan ho ne. ²⁴ Ara na atwani la amehino! Ngai be lotum ohilwahu ne niho anya kwan ho yeyi? ²⁵ Nyuo hati ikie nawa obuon niho Najyok to Yesu Kristo Lohobu hojie! Igiama ne nichihita ho Najyok ho negigilita ho ne. Nyuo hati, to nakwan ho ne ikwama ne to nehoi hepalita.