¹ Nanyuo hati bejie ohitenyu? Ongida ijie ohitiringa bwanan nepalita ongida namehino obe? ² Ikie obu ora to hoja.Ijie hula ohiye to nepalita, tatali ijie hahitum ohimanya to ngete? ³ Ibete ijianata ojo lati hula ifwotini nabatisimo to nafure ho Yesu Kristo ifuotini ho nayeyi ho ngete? ⁴ Ohinuhahini fa ijie, ho ngete to nabatisimo niyeyi hongete. Ora anya tianya ojo otubuhuni fa Yesu Kristo to yeyi to nakwatan ho Lamonye, ojo ongida cebu ijie ohidaha to nahilengejuk ho hisu. ⁵ Nahidalahino ijie hongete niho nayeyi ho ngete, ohidalahino ba cebu ijie hongete nihibuhuniso hongete. ⁶ Ohijien ijie ojo, laragangani hojie ogurohini fa ho ngete, ojo, ongida nakwan hipalita iduhari. olotu anya ojo ongida ijie obu ohibwon nihene ho hipalita. ⁷ Latwani la aye, ihwanahini ngete ahangidarani niho nepalita. ⁸ Nyuo hati nahiye ijie ho Kristo, ohiruk ijie ojo ohimanya hadi ijie ho ngete. ⁹ Ohijien ijie ojo etubuhuni Yesu Kristo to yeyi, abe ngete oye. Abe nayeyi obwon ho nagolon niho ngete. ¹⁰ Niho nayeyi na oyeyijiere ngete nepalita, oye ngete harabito ichung. Nyuo hati namanya na omanya ngete, omanya ngete niho Najyok. ¹¹ Ite cebu ihwanahisi nakwanite hote neyeyejire to nepalita, ati isujoto niho Najyok to Yesu Kristo. ¹² Inaha, hesiarahisi nepalita obwon ho nagolon nikwanite hote huja omudangi ojo ongida ite iruhoto nawahita hongete. ¹³ Hesiarahisi nakwanite hote nepalita ahihonita herohojita, nyuo hati isiarahisi nakwanite hote niho Najyok, ahisujoni to yeyi. Isiarahisi nakwanite hote ahihonita hongidari niho Najyok. ¹⁴ Hesiarahisi nepalita obwon ho nagolon nihote. Obu te ibwanata nichihita, ati ni mehino. ¹⁵ Nanyuo hati? Ikie ije ohipalaya to nabiangan hojie bwonan nichihita, nyuo hati nimehino? Ikie obu ora tohoja. ¹⁶ Ibete ijianata ojo latwani isiarahisite nakwanite hote ahegiamak, ngete laja la irahiteretete ahegiamak, ngete laja la ongida ite ibayangata? Ora anya tianya na otirahi kuya irahatate ahengiamak henepal na olo toho niyeyi, kuya ahigiamak ho bayangi na olo to ho nagidari. ¹⁷ Nyuo hati awa niho Najyok! Irahata fa te ahegiamak ho nepalita, iruhotote nitajio hote nahitejienita lofa isieri nihote. ¹⁸ Ahiduhari ite tepalita, ohihwanahini ahegiamak hongidari. ¹⁹ Atianya ne to latwani to naniama ho kwanite hote. Toho isiarahineretete nakwanite hote ahatuarak nireji huja iboti ho narohojita, to hanya isiarahisi nakwanite hote ahatwarak niho nangidari no ho hitinyilaja. ²⁰ Lofa herahatate ahatwarak nepalita, ibwanata fa te niger to ngidari. ²¹ Ani singe fa na ongida ite ihorihisi huja ohisiarahi ite iloririjoto? Nangidari hehwe reji ngete nayeyi. ²² To ho ahiduhari ite tepalita irahata ahatwarak niho Najyok, ibwa natate ho nangidari ho hitinyilaja.Nangidari ho ngete nahisu na osio jik. ²³ Nedumuta he nepalita ngete nayeyi, nyuo hati neyalita naharus no ho Najyok ngete nahisu na osio jik niho Yesu Kristo Hobu hojie.