1 Nihalu ho hunya reji atel fa ne, ne ho nateliniso nekat ongasu nihide. Nolochifot ho murut, otianya niho ne toho nangobwo, ojo, ''Kwo idia nihide, ahitelehi ba ne iji ojo nanyuo hadi lidwong nihalu hohunya reji.'' 2 Tiye ne ho nabwanan Nilohailong, ne ho nateliniso nolohitwengere ihuhumahini nihide, ho lobo latwani itwongo nitodo hongete. 3 Ngete ele itwongo fa nihongete okialare toho namorwo nanyori cebu namorwo nangira. Abwon fa nolohilok ilur nolohitwengere. Okialare ene lohilok toho namrwo ho nihari na omimil. 4 Iyie nilohitwengere obwoni fa nahitwongita nehejiek harik- hongon, lati hula itwonge da orahi larangang nehejek harik-hongon, ijiefite bongoji huja opwori, ho namori huja orahi abilata huja imedehi imuhohohini nihosi hosing. 5 To lohitwengere alotu fa namwanymwany ohimedek, ana ililiho, na igworita toho na hila. Nahimaji metaharik owulori nihatemeni ho lohitwengere, orahi fa ehwe himasi metaharik alohailongi ho Najyok. 6 Cebu nihatemeni ho lohitwengere obwon fa nahari nahitiahali, toho nabilat. Ehwe fa fad iluri nolohitwengere orahi fa nareji huja isuji ongon, ifuti hononyiehite nihatemeni ho nihaluha . 7 Nolochifot hotiang fa okialare toho noloyime, cebu natiang noho harik okialare toho nahase, natiang noho hutik okialare nohomom toho noho twani, cebu natiang noho ongon okialare toho nologiga na ifirita. 8 Sing natiangi huja fa isuji obwonitere abito ho nefuho ele, huja ifuti nohonyehite nitodo cebu nifotir. Obu naharie ho nafangan itobwoj natianya, ''Onyila, onyila, onyila ngete Lohobu Najyok, lahenefiteni fad, ngete lo fa, cebu ngete ale, cebu ngete la olotiniso." 9 Nomo nesiarahini natiangi huja isuji nakwatan, nabayangi, cebu nawa niho ngete lofa itwongo neseger ho Lohobu, ngete la omanya jik manya jik, 10 sing laragang nehejek harik-ho ongon ho na rogomi nihatemeni hongete ele itwongo neseger ho Lohobu. Sing cebu ho nachumo niho ele omanya jik many jik, cebu sing ho narwasahiso nifok neyalita hosing huja fa ijejefite sing nihatemeni ho Lohobu, ho na jiman, 11 ''Iji lahangidarani, Lohobu hojie ce bu Najyok hojie, nihifwotinere nakwatan ho nabayangi cebu nahifirang. Ibieu ji nareji fad, ho to nawahan hoji, abwoni sing ho nabieniso fa."