1 Tiye ne ho nateliniso nangejuk ho hide ho nangejuk ho fok, niho nolochifot ho hide ho nolochifot ho fok fa atuhohine, cebu abe fa ibwo hari oleyo. 2 Atel fa ne nahang na onyila, nangejuk ho Yerusalem, na ongiru to hide niho Najyok, ihuhumi toho nahurie na itupufa nakwan hongete to habila nangete. 3 Etiyir ne ibwo namurut na itabayanga tomaji hohobwok otianya, ''Totialati! Nolomanyari ho Najyok sing lati, cebu omanya hadi ngete ho sing. Orahi hadi sing alati hongete, cebu Najyok tanakwan hongete hadi obwon ho sing cebu ora Ajyok hosing. 4 Ifufuso hadi ngete nahiyok tohonyiehite hosing abito abito, cebu obe hadi ibwo nayeyi bebe, nahitariha, nayo, kuya namiajan. Huno fa reji berien aringari. 5 Ngete lo fa itwongo niseger ho Lohobu ho najiman, ''Totialati! ehuhum ne nareji fad angejuhu.'' Ngete ho najiman, ''Igierehisi anya nifok tananyuo orahi hunya tenyita huja ongidati cebu otarihini.'' 6 Ngete ho na jiman niho ne, ''Egemi hunya reji! ara ne Alpha ho Omega, Nolochifot honolohichungi. Niho gete la onyasu nahifiriyong esiarahi hadi ne nahari nebengi robia many nilohichuri ho hari ho hisu. 7 Ngete la italu hadi olunyohi hadi hunya reji, cebu ne ara Ajyok hongete, cebu ngete ara ahito hone. 8 Nyuo hati niho lahabayangak, hula obu iruhi , nahidayarisok, lahefadak, lahasomok, lebwanak, lati hula omoje nireji, ho lahagesemok fad, obwon hadi namaji hosing namaji na owulerere nahima nimorwo nabule. Ngete nayeyi noho harik 9 Anjelo lobo abito niho ehule metaharik ho nalotiniso fa niho ne, ngete ele obwonitere ho naranyi metaharik huja ifuti ho nediahita metaharik nolohichungi, cebu ngete ho na jiman, ''Kwo inyi. Ahitelehi ba ne iji nahurie na oyiema, nguru Labore.'' 10 Tiye ngete ho natingoro ne Nilohailong nimaji na itabayanga cebu nadenge nesaga ho na hitelehiso ne nahang na onyila, Yerusalem, ongiriniso nifok tohide niho Najyok. 11 Obwon fa Yerusalem ho nakwatan ho Najyok, cebu nangidari hongete na okialare toho namorwo nomimil, toho namorwo na obiehini na onyila. 12 Obwon fa ngete ho nahilany, nadafati nesaga ho nolokoliji tomon ho harik, ho anjeloji tomon ho harik nilokoliji. Niho ehwe lokoliji igierehini fa nafureto noho emaniti tomon ho harik noho lemusak ho Isarayil. 13 Tolotulunere ho holong obwoni fa nokoliji hutik, towor nolokoliji hutik, cebu tolotoyojiere hoholog nolokoliji hutik. 14 Nadafati ho hang obwon fa ho nafotirok tomon ho harik, cebu nitodoji hosing fa nafureto tomon ho harik noho lahejifitom ho Bore. 15 Ngete ele ohitianya ho ne obwonitere ho netemit na ihuhumuni to nasingati nemedek ongida otiamariti nahang, nolokoliji hongete, ho nadafati hongete. 16 Obwahahini fa ene hang na ora okialare; nahadori hongete okialare toho nasuhon hongete. Otem fa nete nahang to nachol, 12,000 natadati ho hilawo hongete (nahadori, nahilawo, nasuhon, ce bu nahadori fa huja okialare). 17 Otem fa ngete cebu nadafati hongete, 144 neguleji huja ifure to natiama ho twani (cebu toho natiam ho anjelo). 18 Ifahini fa nadafati to namori huja odori, ilubuleji cebu ilingiraji cebu nahang to tanamorwo ora ayieliti. 19 Nafitirok ho dafati iharuti ho to namori huja omimili. Noho abito fa namorwo na onyori, noho harik namorwo na onyila opwaraya, noho hutik nabwata, noho ongon emard, 20 noho miyet namorwo na obwon hama hama, noho ile namorwo na opwaraya, noho metaharik namorwo nangira , noho metohutik namorwo nabule , noho metongon namorwo nabule onyila, noho tomon namorwo na odoyiraya , noho tomon habito namorwo na iharuto na odo ho nabule, noho tomon habito nolokofo nangina. 21 Nolokoliji metaharik sing fa nasihira tomon ho harik, nolokoliji abito abito ihuhumuni fa to sihirati abito. Nehoiha hovhang orahi fa amorwo natarihe, huja oleyeji toho nagilas. 22 Obu fa ne atelu ibwo natempol nihang, noho Lohobu Najyok, ngete lahenefiteni fad, cebu Labore ora etempol hongete. 23 Obu fa bu nasiti owak noholong kuya nayiafa ojo ongida enwok nihongete tonanyuo nakwatan ho Jyok afarang niho ngete, cebu nalomo hongete ngete labore. 24 Odahariti hadi nahangite to nafangan ho ene hang. Iyiene hadi lohobwok ho nifok nangidari ho bolori hosing nihongete. 25 Obu hadi nolokoliji hongete ikianahine tonafarani, cebu obe hadi naharie toda. 26 Iyene hadi sing nangidari ho bolori cebu nabayangi hofohi fohi niho ngete, 27 cebu hadi obe ibwo nasinge na ibot iruhi nihongete. obu cebu lobo la ipalaya ibwo nasinge na iteliangara kuya noho hotonwanga , nyuo hati ehule igierehine nafureto hosing nibuk ho hisu noho Labore.