¹ Tiye anjelo ho nahitelehiso ne nadial ho hari noho hisu, nahari na onyila toho nasinge na ihuhumunerete nagilas. Itihita fa ngete many tolohitwongere ho Najyok ce bu loho Labore ² otujoro tonehiji hehoi nahang. Ningatiji ho hari obwon fa nakiani ho hisu, na obwonitere nakireji ho hanger tomon ho harik, cebu ongijita tonayafaji. Nabene ho kiani itwonge sing etingidarta hofohi fohi. ³ Obe hadi ibwo nahipita hari. Nolohitwenere ho Najyok ho noho Labore obwon hadi nihotwa ho hang, cebu lahegiamak hongete hadi olwahi ngete. ⁴ Oteli hadi sing nohomom hongete, cebu nafure hadi hongete obwon nihomomite hosing. ⁵ Obe hadi ibwo naharie ; obu hadi sing owahi ibwo nawulori ho hima kuya nawulori ho holong tananyuo owulo hadi Najyok farangi hadi nihosing. Inefite hadi sing jik many jik. ⁶ Anjelo ho najiman niho sing, ''Hunya hiramita ongidari cebu otirahini. Lohobu, Najyok ho lohailongi ho laheramahitak ho hiramita ho Najyok, ibatu fa anjelo hongete ongida olotu hitelehiso lahegiamak nasinge nasinge hadi na idwong kerem.'' ⁷ Totialati! Alotiniso ne kerem! Ikie najwaha obwon niho ngete la itiyira nahiramita ho laheramahitak ho hiramita niho anya buk.'' ⁸ Ne, Yuwana, ne fa letiyir cebu atel hunya reji. Lofa netiyir ne cebu atel sing, arugung ne tonakwan ho ne nihatemeni hehejiaha ho anjelo nimojere ngete, anjelo lofa ohitelehi ne hunya reji. ⁹ Ngete ho najiman niho ne, ''Hegem enejie! Ara ne ahaleteni hoji, ho hilasira hoji laheramahitak ho hiramita ho Najyok, cebu ehule obayangi netenyita ho anya buk. Tomojete Najyok!'' ¹⁰ Ngete ho najiman niho ne, ''Hedahi netenyita huja iramahini noho anya buk, niho anyiha noholong. ¹¹ Ngete la obu omanya to napitan, ikie ngete itiringa igiama nepalita. Ngete la iboti nemanyita, ikie ngete itiringa manyari nemanyita huja iboti. Ngete la omanya to napitan, ikie ngete itiringa igiamari nasinge na opit. Ngete la hanyilajani, ikie ngete itiringa bwanan ahanyijiani.'' ¹² ''Totialati! Alotiniso ne kerem. Nalwaha ho ne obwon niho ne, ongida odumahini lati abito abito to nasinge na igem ngete. ¹³ Ara ne Alpha ce bu Omega, Nolohichahi ho Nolohichungi, Nolochifot ho Nolochungi. ¹⁴ Ikie najwaha obwon niho ehule omwatarite nabongoji hosing ojo ongida hadi obwoni ho natarihe ninyesere tokiani ho hisu cebu iruyori nihang tonokoliji. ¹⁵ Niloke obwoni nangohe, lahemomwalak, nahasomok, lahefadak, lahamojok ho jiohi, cebu lati hula okwame nahigiamari nagesemi. ¹⁷ Nolohailong ho nahurie na owahi yaman lojo, ''Ifwosu!'' Ikie ngete letiyira ojo, ''Ifwosu!'' ngete la onyasu nahifiriyong, ikie ngete olotu cebu ngete la owak ngete ngete, ikie ngete obwonitere naharus nahari ho hisu. ¹⁸ Eramahi ne niho lati fad hula itiyire netenyita huja iramahini laheramahitak ho hiramita noho anya buk: Nafunahi lobo nihosing, Najyok hadi cebu ofunahi niho ngete nediahita huja igierehini niho anya buk. ¹⁹ Nara lobo iyaru niger netenyita hanya buk ho hiramahita, iyaru hadi Najyok nalwaha hongete niger noho kiani ho hisu cebu to ha na onyila, huja igierehine niho anya buk. ²⁰ Ngete la otujohita hunya reji lojo, ''Ee'e! Alotiniso ne kerem.'' Amen! kwo, Lohobu Yesu! ²¹ Ikie nangidari ho Lohobu Yesu obwon nihote abito abito. Amen.