¹ Nihalu ho hunya reji etiyiri ne nahigogworita na okwat toho nakwatan ho muruto ho lohoi lati nihide otianya, Halleluya. Nahitalahino, nakwatan, ho nagolon na obwon niho Naajyok hojie. ² Nangoto ho hiramita hongete otirahi cebu opit, angot ngete nahiram ho nahasomoni na imoc lofa iyeno nahiramita hosomon hongete inyi nifok. Eyaru ngete nahilieno hohoto ho lahegiamak hongete, nofa itiyijahi ngete tanakwan hongete.'' ³ Nedahita ho harik sing otianye, ''Halleluya! Nafuro ho natuchuno tiye hongete noho jik many jik.'' ⁴ Ehule lolohitwaha nehejek harik -ho ngon cebu nareji ongon huja isuji ho na hitekialarahiso hokwanite hosing ho na mojere Najyok ngete lofa itwongo niseger Otianye fa sing, ''Amen. Halleluya! ⁵ Tiye natianya ho nalotiniso fa to maji ho Lohobu, jiman, ''Amojete Najyok hojie, ite lahegiamak hongete fad, ite hula ibayangata ngete ngete, ite fad hula obu ingidarata cebu hula ifirangi.'' ⁶ Tiye etiyir ne nakwatan na okwat toho namururt na okialare toho nalohoi ho lati, toho nawaa ho haria, cebu toho nakwatan hongoro ho hila, jiman, ''Halleluya! Noho Lohobu Najyok hojie, lahenefiteni fad, inefito nahangite. ⁷ Elimati cebu ohikwama bebe cebu ohisiarahi ngete nakwatan tananyuo alatu nahinyamito hoyiyama ho Labore, cebu ehuhumahino nangorite hongete.'' ⁸ Isiarahini fa ngete ijiefito nabongo na onyila cebu (niho anya bongo ora apitan ho higiama ho lati hongete lahanyilak). ⁹ Anjelo ho natianya niho ne, ''Igierehi anya: Ikie najwaha obwon niho hula ongeleni niho anya inyamito ho hiyemi ho labore.'' Ngete cebu ho najiman niho ne, ''Sing hunya netenyita huja otirahini noho Najyok.'' ¹⁰ Esiarahi ne nakwan ho ne nihatemeni hehejiaha hongete nimojore ngete, nyuo hati ojo ngete niho ne, "Hehwanata anya! Ara ne ahegiamani hote cebu ho hilasira hote hula inefite nahitelehiso ho hiramita ho Yesu. Tomojete Najyok, to nahitelehiso ho hiram noho Yesu ngete nahiramahiso nahiram.'' ¹¹ Tiye ne ho natialan nihide ongasu, ne ho natialan da obwon fa nasingira nabong! Ele oyiro ngete ongele Lohiruk cebu Lotirihe. Ongoto ngete nahiramita to napitan cebu ihuhuma nangalasu. ¹² Okialare nohonyehite hongete toho nangadief ho hima, cebu nohou hongete obwon nalohoi hegitaji. ¹³ Obwonitere ngete ho nafure na igierohino nihongete obe lobo ojien nyuo hati ngete to nakwan hongete. Ijiefitito ngete nohofito no fa ipulohino nihoto,cebu ongele Natinaya ho Najyok. ¹⁴ Ijifite fa lasegere ho nihide ngete la obwon nasingiraji huja opwori, ijiefito nabongo na orurut, na opwor cebu onyila. ¹⁵ Tohutuk hongete alo nakalas na iram na ochuhere ngete nahangite, cebu inef hadi ngete sing to nachol na ora abilet. Ngete ho nahidedeng namoti ho balu ho fofi noho hilongojita ho Najyok, ngete la inefito fad. ¹⁶ Egierehi ngete nafure hongete nihofito hongete cebu nibobong hongete, Lohobu ho hobwok ¹⁷ Atel fa ne anjelo obotia niholong. Ngete ho nangeleso to namurut na igwor niho nakeny huja fa ifirite nihide hohou hongete, "Ifwosu, efurohinite harabito niho nanyasu ho tari ho Najyok. ¹⁸ Ifwosu tonyata natiang ho hobwok, natiangi ho lohitwaha ho segere, natiangi ho lahagolok, natiayangi ho singiraji ho noho lahayirok ho sing, cebu natiangi ho lati fad, hula obu otware ho hula otware, hula obu ongidari ho hula ifirangi. ¹⁹ Atel fa ne natiangi ho niwaha cebu lohobwok ho nifok ho nasegere hosing. Ihuhumahine fa sing toda ojo ongida ohirem hehule fa oyire nasingiraji ho la segere hongete. ²⁰ Ine fini fa ene tiang bcebu hongete laheramahitani ho hiramita lahagesemeni lofa igem nahiteyehiso nihatemeni hongete. Niho hunya iteleyehita itonong ngete ehule ifwotini nengotita ho tiang cebu ehule omojite nikialare hongete.Ho nahipirehiso sing harik nihima na onok ²¹ Latonge hosing fa ho nahifadariso to nakalas nofo olotu tohutuk hongete lofa oyiro nasingira. Nakeny fa fad anye natiangi hosing huja ayayi.