¹ Etiyiru ne nakwatan homurut ongeleso niger tomaji na onyila bebe ho najiman niho ehule anjeloji metaharik, "Ifwasi ijuhosi nifok naranyi metaharik huja obwoniterete na hilongojita ho Najyok. ⁴ Anjelo no ho hutik ho nahijuhohiso narany hongete nihotwa hodial cebu nihichureji ho haria; sing ho nafwoniso ahoto. ⁵ Ne ho nahitiyir anjelo ho haria otianya ojo, "Iji la ingida- ngete ale cebu ngete lofa, Lahanyilajani- tananyuo eyeno ji hunya ngotita ho hiramita. ⁶ Tanayuo ejuhori sing nohoto lahanyilajak cebu laheramahitak ho hiramita hoji, esiarahi ji sing nohoto omati; ngete na osiriu niho sing." ⁷ Etiyir ne na altari itaranga, "Ee,'e,Lohobu Najyok, ngete lahenefitini fad, Nengotita hoji otirahini cebu opiti." ⁹ Anjelo noho ongon ho nahijuhohiso narany hongete niholong, isiarahini fa ngete naloten hifufu lati to nahima. ⁸ Ifufie fa sing to nanwahe na ogol, cebu sing ho natianyari nafure ho Najyok, la obwonitere ho nahifirang niho hunya idiahita. Obu fa sing iwahe kuya isiarahini ngete nakwatan. ¹⁰ Lahitimiyeti ho anjeloji ho nahijuhoriso narany niseger ho lohobu ho tiang, cebu nidimele hona hipudariso na hang hongete. Sing ho nahwanyan nangadiefo hosing to namiajan. ¹¹ Omori fa sing Najyok ho nihide tananyuo to namiaja hosing cebu nangarangan, cebu hedayari sing nahiwahariso nareji huja egemi sing. ¹² Lahitaleji ho anjelo ho nahijuhoriso narany hongete nihotwa ho hari(hodial), Eufrate, nahari hongete ho najurariso ojo ongida ihuhumanerete nehoi noho Lohobwok hula ofwoni tolotulunere ho holong. ¹³ Ne ho natialan nohailongi hutik huja iboti huja okialare toho nekorodohiji huja ofwoni tohutuhe ho loworokokoji, totiangi ho niwaha, cebu niho laheramahitak ho hiramita hula ogesemi. ¹⁴ Orahi sing alohailongi hojyohi nihibasere nareji huja olwe. Ofwe fa sing niger niho lohobwok ho nifohi fohi fad ojo ongida otutubahi sing fad ningalasre niholong ho Najyok na obolo, ngete lahenefiteni fad. ¹⁵ (''Iririati! Alotiniso ne toho lahohwalani! Ikie najwaha obwon niho hula itiringe iriria, nitunari nabongo hongete ojo ongida ngete obu olo toho niger longudure cebu sing oteli nariri hongete.'') ¹⁶ Iyeni sing harabito niho enemaji ongele to natianya ho Hiburu "Armageddon". ¹⁷ Anjilo lo ho metaharik ho nahijuhoriso narany hongete nihotwa ho lobwangi.Tiye namururt na okwat ho nalotiniso tomaji na onyila bebe ce bu toseger ho lohobu, ho na jiman, ''Ehoni!'' ¹⁸ Obwoni nimedehita ho hila, ililiho, nahila, ho nelihilik-nelihilik na ilany hinihe huja fa edwongi many ho fwonise lati nifok, obolo fa anya ilihilik. ¹⁹ Nahang na hitwahiji ho nabwanya many hutik, cebu nahangite huja obolori many oritihe. Tiye Najyok ho nangialan etuhuyau Babilonia na itabayanga, cebu ngete ho na hisiarahiso ene hang obolo nechwoli na ifut ho nabalu na ihuhumuni nihitegiamari sing. ²⁰ Ladengeto to hotwa ho diali fad ho na muyuhiso ho nadengetio abu oleyeji. ²¹ Nolofalange na itabayanga, na obwonitere ho nahirosiji noho natiama nehejek miyet (50km), olotu tohide nifok niho lati, cebu sing ho nahipita Najyok niho nadiahita noho lofalange tananyuo orohojaya fa ene diaha bebe.