¹ Tiye atelu ne ibwo nahitelehiso nihide, obolo itabayang cebu: Obwoni fa anjeloji metaharik ho nediahita metaharik, huja orahi alohichungi hediahita (tosing atuhohino nahilongojita ho Najyok). ² Atele ne nasinge na okialare toho nagilas ho hari na iharuto ho nahima, cebu obotia angati ho hari niho namaji lofa ilanyinerete ehule natiang ho nimiyang ho nakialare hongete, ho nalohoi huja obotiariti nafure hongete. Oyihite fa sing nadunguji huja fa isiarahi Najyok nihosing. ³ Iruhe fa sing nafure ho Muse, lahegiamani ho Najyok, cebu nafure ho Labore : ''Obolo cebu itabayanga nahigemita hoji, Lohobu Najyok, ngete laheinefiteni fad. Opiti cebu otirahini nehoiha hoji, Lohobu honi fohi fohi. ⁴ Ngai hadi la obu ohibayang iji, Lohobu, cebu itokwata nafure hoji? Iji hama lahanyilajani. Ofwoni hadi nafohi fohi fad imojo nihatemeni hoji tanapitan ho higemita hoji.'' ⁵ Nihalu ho hunya reji atel ne, ho namaji na onyila bebe, lo fa obwonitere nahaji ho lahatafani/lahapiahani, angasu fa nihide. ⁶ Niger hene maji onyila afwoni fa anjeloji metaharik ho nediahita metaharik, ijifite nabongoji huja onyilaji, imedehi cebu nareji huja omimili nilochwoloji hosing. ⁷ Ibwo nasinge abito niho ehue reji isuji ho nahisiarahiso anjeloji metaharik naranyi ho fanga huja ifuti ho nahilongojita ho Najyok ngete lahamanyani jik many jik. ⁸ Namaji na onyila bebe fa ho nahitufut tanafuro noho nikwatan ho Najyok cebu to nahifirang hongete. Obe fa lobo otum iruhi niho ngete many natuhohini nediahita metaharik ho anjeloji metaharik.