¹ Nasinge na itelehini oleyo fa nihide: nabongo hongorite ho noholong, ho nayiafa na obwon nifotiri hehejiaha hongete; honegita ho hanger tomon ho harik obwon fa nihou hongete. ² Imwoho fa ngete cebu iboriasu-nihiborisu hotomoni ho hito. ³ Ibwo nahitelehiso fa oteli nihide: Totialati! Obwon fa ibwo natoworokoko nariet hitwahajik na obwon ho nohosi metaharik ho namwaraha tomon, cebu obwoni fa negitaji metaharik nihou hongete. ⁴ Ofiaya fa nalisa hongete nahituhutihi ho hangeri ho nahitoboriniso ngete nifok. Netoworokoko ho nabotia fa nihatemeni ho hene ngorite lofa owak tomoni, ojo ongida fa natomon ngete, ongida ngete ahony nedole hene ngorite. ⁵ Ngete ho natomoniniso lahito, ho leye, ngete la olotiniso enefito nafohifohi fad to namorok na ora abilat. Orujiere fa iha nangete niho Najyok cebu niseger hongete, ⁶ cebu ene ngorite ho na hiratariso nihotwa ho waha, namaji nehuhumahinere Najyok namaji niho ngete, ojo ngida otiala ngete niho noholongi nalif abito ho namiya harik ho nehejek ile(1,260). ⁷ Tahanya abwon fa narem nihide. Mikele ho anjeloji hongete ho nangalasu ho noloworokoko; cebu neloworokoko ho anjiloji hongete ho nahibielehino. ⁸ Nyuo hati obu fa noloworokoko ifirang angida nihilanyinere. Tiye abe fa ibwo namaji tohide niho ngete ho anjeloji hongete. ⁹ Lahaboloroni ho loworokoko-ngete laragangani hohirahu la ongele laharohojiani kuya cebu Lahesuswani la itononongito nafok fad-ibirini fa nifok, ho anjeloji hongete ibirini hongete. ¹⁰ Ne ho nahitiyiriniso namurut na okwat to hide: "Tahanya alotu nahitalahino, nahifirang- ho nahang ho Najyok hojie, ho nahinefito noho Kristo hongete. Toho niho lahetwoboni ho hilasira hojie ibirini nifok- ngete lo fa itwob sing berien many hobe noholong ho Najyok hojie ho naharie. ¹¹ Inefi sing ngete tonohoto ho Labore ce bu to nahiram ohitelehiso hosing, toho nihosing obu fa sing okwame nemanyita hosing bebe, dobu many niyeyi. ¹² Inaha, to kwamati bebe, ite nahide, cebu hula fad imanye nihosing. Nyuo hati ikie narohoji obwon nifok ho nihari tananyuo aringaya larohojiani da nihote. Ifut ngete hona longojifa nemwoc, tananyuo ojien ngete ojo amuta noholongbhongete. ¹³ Lofa najien naloworokoko ojo ebireri ngete to fok, ngete ho nahijifaru nangorite na otomonu lahito holeye. ¹⁴ Nyuo hati isiarahini fa ene ngorite nefuho harik noho logiga, ojo ongida ngete otum ifiri nimaji na ihuhumahini niho ngete nihotwa ho waha, namaji na otum itieserete ngete, noho noholong, noholongi, noholong kai-namaji na obu lahesuswani otujohino. ¹⁵ Nahiriahu ho nahijuhoriso nahari tohutuk hongete toho nahari netihita, ojo hatum ngete itihita otum oworoyo ngete. ¹⁶ Nyuo hati nafok ho nalwahan nangorite. Ngete ho nangan nahutuk hongete cebu ho na dileriso nahari na ijuhune tohutuk ho loworokoko. ¹⁷ Tiye ngete ho nangutoro niho ene ngorite ho naloten itangalasu lemusak hojiali hongete-sing hula orieji nichihita ho Najyok ho nayihino nihitelehiso ho hiramita ho Yesu. ¹⁸ Tiye noloworokoko ho nabotia nisingati nohonigir ho hari.