1 Atelu fa ne lobo anjelo la ifirang olotiniso tohide nifok. Obuburahino fa ngete nihotwa hedis, cebu obwon fa nolohilok nitodo hohou hongete. Okialare fa nohomom hongete toho noholong cebu nehejiaha hongete okialare toho nawuteteji ho hima. 2 Ngete inefito ibwo nahigieri nehene hongete ana ongasu, cebu ngete ho nahihwanahiso neteten heheju hongete nitodo ho hari ho nehajong hongete nitodo hofok. 4 Tiye fa ngete ho nahigworita to namurut na okwat toho nangwa ho loyime, cebu lo fa negworita ngete ehwe nahilaji metaharik enangworite. 3 Lo fa negworite ehwe hilaji metahrik, anyiha fa ne nahigierehiso, nyuo hati ne ho nahitiyiriniso ibwo namurut tohide ojo, ''Totunahisiha nahiram naja ojimi fa nahilaji metaharik lotianyie. Hegierehisi hangete nifok.'' 5 Tiye anjelo la abotia fa nitohohari hoce bu nitodo hofok, hona tingon netetn hehene hongete toho nihide 6 ho nahitina tongete la osio jik many jik-ngete la obieu Nahide ho nareji fad huja obwoni nihotwa hongete, Nafok hona reji fad huja obwoni niho ngete, ho naharia ho nareji fad huja obwoni niho ngete: ''Obe hadi ibwo nahiguria bebe. 7 Nyuo hati nihene holong hadi nawak anjelo noho metaharik ihuta nangobwo hongete, tiye nadwaran ho Najyok ba atuhohini, toho iramahinere ngete niho lahegiamak hongete laheramahitak ho hiramita." 8 Namurut na etiyir ne tohide otianya niho ne hari: ''Ilo, iyare nahigieri na owuat na obwon nihene ho anjelo la obotia nitodo ho hari ho nitodo ho fok.'' 9 Tiye ne ho naloten niho anjelo ho nahiramahiso ngete ojo ongida isiarahi ne ibwo nahigieri na odudunga. Ngete ho najiman niho ne, ''Iyare nahigieri na odudunga to nya ngete. Isiarahi ba nohotwa hoji odwar, nyuo hati nihutuk hoji oyiyil ba bebe toho nayiyili hesio.'' 10 Ne ho nahiyaru ene igieri omuta tehen ho anjelo ho nanyan ngete. Oyiyil fa ngete toho nesio nihutuk ho ne, hnyuo hati lo fa natuhohini ne nanyasu, nohotwa ho ne ho nalotiniso dwaran. 11 Tiye namuruto hinihe ho najiman niho ne, ''Ongida iji ira ahiramahitani ho hiramita hari niho nalohoi ho lati, nahangite ,netenyita, ho Lohobwok.