¹ Nilohichungi, hilasirak ho ne, tokwamati niho Lohobu. Niho ne nihigierehinere hunya reji nihote obu ora ahiram, isieri sing ite ibwanata angida.Totialati nangohe angida. ² Totialati lahegiamak hula orohoji angida.Totialati lahangutok hehejiaha ho lati angida. ³ Ohira ijie laheruhok lo ho tarihe, ijie hula ohimojo Nilohailong ho Najyok, nakwatan niho Yesu Kristo, cebu obu ohibwon ho nahituk nikwan. ⁴ Dobu tarihe, ne tanakwan ho ne hatum ne eruk nikwan. Negigilo lobo ojo abwon ngete ho nahiruk nikwan, hara dwo ne bebe. ⁵ Ohingote fa ne niholong ho metohutik, ohiyisini ne te kat ho Isarayil, temanit ho Benjamin, loho Hibru; nibayangi hechihita, loho Farise. ⁶ Etegem ne nakelesia cebu obu fa ohirihini ibwo nepal niho ne techihita huj ongidari. ⁷ Nyuo hati nabwoni hinihe nareji huja ikianahini niho ne,etarak ne sing ahuja orohoji to Kristo. ⁸ Tarihe, tahanya etafajaya ne nareji fad tanangidari ho lofero ho Yesu Kristo Lohobu ho ne.Tongete edahi ne nareji fad; etarak ne sing agara ojo ongida ne ahorihi Kristo. ⁹ Tahanya ahihorihini ne nihongete; abu ne abwon ho nangidari ho ne techihita. Nyuo hati ahorihi ne nangidari niho Najyok na obwon niho nahiruk niho Kristo. ¹⁰ Ngete nangidari ho jianan ngete, nagolon ho hibuhuniso hongete, ho nahitilahino ho hipadata hongete-cebu ahibiel ne Kristo nikialare ho yeyi hongete, ¹¹ ongida ne ahorihi nahibuhuniso to yeyi. ¹² Obu otirahi ojo ahorihi ne hunya reji, kuya ojo atuhohino ne. Nyuo hati etiringa ne iroso ojo ongida ne etohoru lo fa ohitohorinere ne Yesu Kristo. ¹³ Hilasirak, abu ne egigilo ojo ne to nakwan ho ne iyaru ne nahinefito ngete. Nyuo hati obwon nasinge: Alulworo ne nasinge na obwon nihalu, etiringa ihwana nasinge na obwon nihatemeni. ¹⁴ Etiringa ne irosito higiama nihorihinere nahinyang ho ngeleso ho Najyok niho Yesu Kristo. ¹⁵ Inaha, ongida ijie ohigigilo tehenejie. Nabwo negigil hote hama niho ibwo nasinge, itelehi ba cebu Najyok enejie nihote. ¹⁶ Ahisiahita ijie nihanya maji, ongida ijie ohidaha to nangidari to ngete. ¹⁷ Hilasirak, itilahinete niho ne cebu ijifitete ne, totialati angida hula odahahi to nahitetelehita hojie. ¹⁸ Ahitetelehita ite tihitik, cebu ahiramahi ne ite tahanya tanahiyok, ojo olwaji hula orahi amerok ho hite ho Yesu Kristo na ikwala. ¹⁹ Nahigiama hosing nahipala tananyuo najiok hosing obwon niriri hosing. Igigile sing nareji ho nifok. ²⁰ To ho nihojie, nahang hojie obwon nihide, na ohitilasere jie lahetalahani hojie, Lohobu Yesu Kristo. ²¹ Ibiel ba ngete nakwanite hojie akwan ho kwatan na ibiele tanagolon hongete nihinefitere nareji fad.