¹ Ngete hona loten toda hona lotiniso nihotua hohang hongete, cebu nolohejehi hongete hona hijif ngete. ² Lofa nalotu noholong howiri, ngete hona hitejiana Synagogue. Nalohoi homiji hona hitiyiri ngete hona bayangahiso. Sing hona jiman, ''Tai fa ngete ohorihi hunya hitejienita?'' ''Nyuo hilefere anya na isiarahini niho ngete?'' ''Nyuo edwarita hunya huja ihon ngete tonehes hongete?'' ³ ''Obe lora ngete ale Lahangotoni hehejiek, iha Maria hilasi ho Yakobo ho Joses ho Judeya ho Simone? Obe so hinasira ohibwoni hojie inyi?'' Ho sing fa hona torohoj to Yesu ⁴ Tiye Yesu honatianya nihosing, Obe lobo Laheyaritani hohiramita ituingo obu nabayangi, mayak nihotua hohang hongete ho nihiji holati hongete ho nihotua hohaji hongete.'' ⁵ Abu fangete otum ihon ibwo nasinge na obolo, mayak nitirehinere hehes hongete niho lati kai hula odiahe noho nahitingarari sing. ⁶ Ininiga fa ngete niho biangan heruk hosing. Tiye ngete hona loten hilur nihangite noho niwaha hitejiana. ⁷ Tiye ngete hona ngialan ehule tomon hoharik hona chifon rohoriso sing niger harik harik, ho cebu isiarahi fa ngete sing nahinefito holohailong na iboti, ⁸ ho cebu ititimahi sing ojo ongida obu iyare ibwo nasinge nimisok hosing, mayak noho lahetegiamak ho sing__obe nebune, obe nabeg, obengi cebu robia tongagwo ho sing__ ⁹ hati ojo ongida ijiefi nakabetech, obu cebu ijiefi nabongoji. ¹⁰ Ngete hona jiman niho sing, ''Lomo neruhisi ite nihaji, ituonge da many hati nedahi iji ene maji. ¹¹ Nara ibwo nahang hogala lobe ohimoju ite kuya itiyira niho ite, idahisi ene maji, itutunyosi nafur tohidanyeji hehejiaha hote toho nahitetelehiso niho sing.'' ¹² Sing fa hona foten niger hona hiramahiso ojo ongida miji iyitini tohipalita hosing. ¹³ Orohori fa sing nalohoi ho arohojiak, hona juahan fa nalohoi ho lati lahadiahak tenelata hona hitingidari sing. ¹⁴ Hobu Herod fa hona hitityir anya, noho fure ho Yesu olotinere kwatan. Hilihe fa ojimi, ''Yuwane Lahejuhoni etubuhuni fa toyeyi nyuo to anya, hunya idwarita hohifirang orahi ahigiama niho ngete. '' ¹⁵ Hilihe ojimi, ''Elijah ngete.'' Hilihe fa hebuhaji jiman, ''Ngete Laprofeta, toho Laprofetaji hulo fa obwoni nihe hueholongi. ¹⁶ Hati lofa netiyir Herod anya ngete honatianya, ''Yuwane, lofa angut ne nohou, ebuhu.'' ¹⁷ Herod hona losulahi nahiram henefiniso Yuwane honi twarahinere ngete nilotwarari tona hiram ho Herodias (nguru hilasi hongete Pilipo) nyuo ayem fa ngete . ¹⁸ Noho Yuwane iramahinere fa Herod, ''Obu osiriu niho iji nibwonitere nguru hilasi hoji.'' ¹⁹ Hati obwon fa Herodias hona hijoria nihongete ho cebu fa owak hifadariso ngete, nyuo hati obu fa ngete otenu, ²⁰ toho niho Herod obayangari fa Yuwane; ojien fa ngete ojo obwon ngete la opit ho cebu latuani la onyila, ho cebu otun ngete ala onyila. Ho cebu nahitiyira niho ngete oyieno fa nahituongo na opit, hati ngete itiyir ngete lamonye angida. ²¹ Tiye nabahat ibwo fa hona lotiniso ohorihi fa Herod obwonitere hono holong hobwara hongete ho cebu oterehi fa ngete nanyasu nohotari niho lahabolorok hongete, holati hongete hula iramahite nahiramita niho ngete, hola henefitok ho Galileya. ²² Ngara Herodias hona lotiniso fa tona kwan da hona kia nihosing, cebu etokwam fa ngete Herod hona hatomonok hongete. Hobu fa hona jiman niho nahito, ''Ifia ne niho nasinge na iwak iji esiarahi ne ngete niho iji.'' ²³ Itin fangete niho nahito jiman, ''Nasinge naifiasu iji tone, ahisiarahi hadi ne iji, many nimunyuniso hohang hone.'' ²⁴ Ngete hona loten niloke hona jiman niho iyiang hongete, ''Nanyu ne efi niho ngete?'' Ngete fa honatianya, ''Nohou ho Yuwane lahajuhoni.'' ²⁵ Tiye kerem fa ngete hona hiruhiso ruharu niho hohobu hona hifi da ngete, jiman, Awak ne iji isiarahi ne harabito, nitatang na otada, nohou ho Yuwane lahejuhoni.'' ²⁶ Adobu itolongojita anya Lohobu bebe, habu ngete otum idaya nahilelia hongete nyuo tona ngatan na ihon fa ngete hotona nyiasu hohatomonok . ²⁷ Hati tiye Hobu hona sulahiso lasegere abito tiye holahetiak hongete hona hiramahiso ngete ojo ongida ijieno nohou ho Yuwane. Lahetiani hona loten fa hinyiamino ngete nihotua holotuarari. ²⁸ Ngete honahiyieno nohou cebu ihisiarahi ngete niho ene hito, cebu ene hito hona hitofwotohiso niho iyiang hongete. ²⁹ Lofa netiyiri nolohejehi hongete anya, sing hona foniso hiyaru nakwan hongete hona hihuanahiso nilume. ³⁰ Laheyaritak hohiramita honayitiniso niho Yesu hiramahiso ngete nareji fad huja ehoni sing hohuja itejieni. ³¹ Tiye ngete hona jiman niho sing, ''Ifosu idia niger tanakwanite hote nihotua homaji na obe nahari hona ³² wiri kai, ''Niho nalohoi ofonise fa odaharite cebu, cebu obu fa sing kileng sing fa obu obwoni hono holong ninyiesere. Hati tiye sing hona fwoten fa tonatigol nimaji na obe nahari fonakwanite ho sing. ³³ Hati oteli fa sing odahe ho cebu nalohoi owahi sing, hi cebu fa sing hona hinam da harabito tonehejiaha niho nahan ite fad, ho cebu isiahi fa sing da many bobengi sing. ³⁴ Lofa nafoni sing nidial , ngete fa honatialan nelulung netabayanga ho cebu obwonitere fa ngete honataji na ongida niho sing nyuo orahi fa sing toho nehoriangi huja obe lahejuahani. Ho cebu fa ngete hona chifon hitejiana sing nalohoi horeji. ³⁵ Lofa nejiahita noholong, nolohejiehi hongete hona foniso fa niho ngete jiman, Ora anya maji ehuoto ho cebu ara noholong atari. ³⁶ Toroheye sing tinyi kuya ongisa hatum sing ofwe nimasik huja onyihaji nihangite nihinyiangari ibwo nasinge honyiansu nohokwanite ho sing.'' ³⁷ Ati fa ngete hona hitarang cebu hona jiman niho sing, Isiarahi niho sing ibwo nasinge onyie.'' Sing fa hona jiman niho ngete, ''Atum ijie ohifwo honahinyianginiso nalohoi hebuneji to denarii namiya harik hona hisiarahiso niho sing onyie?'' ³⁸ Ngete fa honatianya niho sing, ''Bayia nebuneji iji ibwonitere? Ilo totiala. Lofa nihorihini sing, Sing hona jiman, ''Nebuneji miyiet hona hayiem.'' ³⁹ Ngete hona hiramahiso fa lati fad ituonge nifok tubuk tubuk nimiyang na onyori. Sing fa hona hituongo nifok tubuk tubuk; natubuk tubuk ho nejiek tomon tomon ho nejiek miyiet miyiet. ⁴⁰ Iyaru fangete buneji miyet hona hayiem harik, hona hiara toho nihide honajuahan ⁴¹ cebu hona bianyian nebuneji hona hisiarahiso sing niho nolohejehi ihuhumahini nihatemeni homiji. Ngete cebu fa hona huaran ehule hayiem harik nihosing fad. ⁴² Sing ho nanyian fad many ifongi. ⁴³ Sing ho nahiyaru nolorurot hebuneji, nangerieji miyiet huja ifuti, hona hirutrut hohayiem. ⁴⁴ Orahi lati nalif miyiet hula onyie ehwe buneji. ⁴⁵ Tiye kerem kerem fa ngete hona hisiarahiso nolohijehi honfete iruhini nitigol ongida ofwe nihatemeni hongete niho ene angati, Ho Bethsaida, ohori ngete fa nasulaya ngete ehue nelulung homiji tiye. ⁴⁶ Lofa naringari sing, ngete hona loten toho nidenge mojo. ⁴⁷ Natari hona lotiniso, ohorihi fa natigol obwon nihi hohari, cebu ohori fa ngete hama obwon nitodo. ⁴⁸ Ngete fa hona tialan ojo ongida sing ibihite ehue nengojita hotigol, toho ipuhere fa nolobwangi sing bebe. Lofa nanyiha nafangan ngete hona lotiniso fa niho sing, odahino tonadoto hohari, ohori owak ngete ngete ringariso hereyie hosing. ⁴⁹ Nyuo hati lofa nateli sing ngere odaha tonadial hohari, sing hona higigilo fa ojo kuya najyok honihari cebu sing honayio, ⁵⁰ nyuo oteli fasing ngete hosing fa hona bayangi bebe. Tiye kerem ngete hona tianya niho sing hona jiman niho sing, ''Togoloto! Ne ale! Hebiangata bayangi!'' ⁵¹ Ngete fa hona ngirehiso nitigol hosing, nolobwangi fa hona huta firo. Obayangahini fasing bebe. ⁵² Toho obu fa sing ojieni ojo nanyu nahiram nebune. Hati hatum, fa natajio hosing ogoli. ⁵³ Lofa nangutere sing harada, sing fa hona foniso ngirehiso Gennesaret hona richiehiso fa nitigol. ⁵⁴ Lofa nafoni sing tohotua hotigol, iruhi fa lati ngete kerem kerem, ⁵⁵ ho sing nahinam to nahang fad hona chifon fa hiyieno ele lahadiahani nitodo hobiris ho sing niho namaji lofa itiyirariti sing ojo aji ngete. ⁵⁶ Namaji na iruhinere fa ngete nihotua hohangite noho niwaha, kuya nihotua hohang na otubu, sing hona hihusnahiso fa ele lahadiahani nimasik holohitenyiangari. Sing fa hona hilelia ngete ojo ongida sing ohitir neger hotolbongo, ho cebu toho otirerete nalohoi holati ngete fa hona ngidari.