Nengat 3

Otiale fa lati hilihe ngete onyihajahini niho nahiarari kuya hatum ngete odwany ngete niho noholong howiri ojo ongida sing omwangari ngete. 3 Yesu ho natianya niho latwani loye nehene, ''Todete nihide cebu ibotia inyini nihiji ho lati fad.'' 4 Tiye ngete ho najiman niho lati, '' Ora ngete echihit nihigiamari angida niholong howiri kuya nihihwanari nolohiriafit; nihitusunere ho manya, kuya nihifadariso?'' Nyup hati ininge fa sing. 5 Otel fa ngete ilur toho niho sing tonahilongo, nahilongojita to nanyuo tonagolon ho tajio hosing, ngete ho natianya niho eletwani, ''Ipipihehi nehes niger.'' Ngete ho na hipipihehiso, na nehene ho ngete ho napitahiso. Lati ho Farise ho nafwoten niger tiye tiye ho na chifon hifurohino ta natianya ho Herode nihidayajiere ngete ho na hifadajiere hongete. 7 Tiye Yesu, ho nolohejehi hongete, ho nafwoten nidial ho hari, nalohoi ho lati netabayanga ho na hijifaru many to Galileya ho many to Yudeya 8 ho many to Yerusalem ho many to Idumea ho olangaya Jordan ilur Tyre ho Sidon, nalohoi netabayanga, lofa netiyiri sing nasinge na ihwana ngete, ho na fwoniso niho ngete. 9 Ngete ho nahifi lolohenehi hongete ongida obwoniterete natigol nalokude otero tongete nyuo to nahiram ho lohoi, ojo ongida sing obu ifufudi ngete. 10 Etingidar ngete nalohoi, ojo ongida lati fad hula odiahe owahi itianya niho ngete ojo ongida ohitir ngete. 11 Nomo nateli nolohailongi huja iboti ngete, sing ho nahuyari nifok nihatemeni hongete ho nayio, sing ho natianya, ''Ireji ahito ho Najyok.'' 12 Ngete ho nahiramahiso sing tanagolon ojo ongida obu ojieni ngete. 13 Ngete ho naloten nidenge, ho nangialan ehule owak ngete, sing ho nafwoniso niho ngete. 4 Ngete ho nawutuniso ehule tomon ho harik (sing hulo fa itanyahi ngete ojo lahejifitok hongete), ojo ongida otum sing obwoni hongete cebu asulahi sing nihiramahinere nahiram, 15 ho nibwoniterete nagolon nirohoritari namininga huja orohoji. 16 Tiye ngete ho nawutuniso ehule tomon ho harik: Simone, ngete lofa isiarahi ngete nafure ojo Petur; 17 Yakobo iha Sebedi, ho Yuwane hilasi ho Yakobo, lofa isiarahi ngete nafure Boanerges, ngete, ihahito ho Tanda, 18 ho Andrea, Filipo, Bartolomeyo, Mateyo, Tom, Yakobo iha Alfayas, Tadias, Simone Sealot, 19 ho Yuda Iskariot, la hadi olotu itafadariso ngete. 20 Tiye ngete ho na loten nihang, nalohoi ho lati ho nafwoniso hari, ojo ongida sing obu ohinya nebune. 21 Lofa netiyiri lati ho nihang hongete ene hiram, sing ho nafwoten niger nihinefitere ngete, sing ho najiman, 22 ''Obe negigil to hou hongete.'' Lahegierok hetenyita hula ofwoni to Yerusalem ho na jiman, ''Obwon ngete ho Beelsebul , ''cebu to, ''To nagol ho minga huja iboti orohorite ngete namininga huja iboti.'' 23 Yesu ho na ngialan sing niho ngete ho natianya nihosing tonohorwong ho hiramita, ''Tatali otum Lahesuswani orohito Lahesuswani? 24 Nahwara nahang ngete hama, obu ene hang obotia. 25 Nahwara nahaji ngete hama, obu ene haji otum obotia. 26 Nangalasu Lahesuswani nikwan ho ngete ohwara, obu otum ngete obotia, nyuo hati alotu nilohichungi. 27 Nyuo hati obe lobo latwani otum iruhi nihotwa ho haji ho twani la ifirang ho naholiso nareji hongete obe soni otor ngete, tiye otum ngete ipupurad nahaji hongete. 28 Tarihe ajo ne nihote, nepalita fad noho lemusak ho lati hadi otum olahahine, dobu nepachata huja otenyini sing, 29 Nyuo hati ngete la opach Nolohailong na Onyila obu hadi olahahini ngete, nyuo hati ogenero ngete to nepal na osio jik.'' 30 Oteny fa Yesu anya tanajiman fa hosing, ''Obwonitere ngete ho na nolohailong nebot.'' 31 Tiye iyang hongete ho hilasirak hongete ho nafwoniso botia niloke. Osulahini fa sing niho ngete latwani ongida ongeleu, owahi ngete. 32 Nalohoi lati ho naburuhan sing ho na jiman niho ngete, ''Obwon iyang hoji ho hilasira hoji niloke, ohitahite iji.'' 33 Ngete fa ho nahitarang sing, ''Bongai beyang ho ne ho hilasirak ho ne?'' 34 Ngete ho nahilur hiaran niho ehule iluri ngete ho najiman, ''Totialati, hunya be yang ho ne ho hilasira ho ne! 35 Latwani/natwani la la/na igiama newahita ho Najyok, ora ele/ene twani ahilasi ho ne, cebu ahinasi ho ne, cebu eyang ho ne.''