¹ Lofa nalotu ngete nihalu to Kapernaum nihalu henihe noholongi kai, itiri fa ojo obwon ngete nihang. ² Tiye nalohoi ho lati ho nahifurohino da ojo many obe namaji, odobu nikat ija, Yesu ho natianya nahiram niho sing. ³ Hilihe lati ho na finiso niho ngete hula iyiene latwani la ongura; lati ongon fa lotingete ngete. ⁴ Lofa nabu sing otum nyihajahiso ngete tona lwajan ho lati, sing fa ho nawuanyariso nohou ho haji lofa obwonitere ngete, ho lofa nawat sing ho nahitingirehiso , nakieni negetit na ogetere ele twani. ⁵ Nitialan nahiruk hosing, Yesu ho najiman niho lahangurani, ''Hito, Ebalahine nepalita hoji. ⁶ '' Tahanya lahegierok hobuhi hilihe hula itwonge fa da, ho nahigigilo tonatajio ho sing, ⁷ ''Tatali ale twani otianya niho anya ehoi? Ngete ho na tianya tonamoro! Ngai la otum ibalahi nahipalita nyuo hati ngete Najyok hama?'' ⁸ Tiye tiye Yesu ho najianan nilohailong hongete nanyuo fa sing igigile nihiji ho kwanite hosing. Ngete ho najiman niho sing, ''Nanyuo te igigilete anya nitajio hote? ⁹ Nyuo singe na lonyiha nitianyari niho latwani la ongura, 'Ebalahahine nepalita hoji' kuya to jiman 'Todete nihide, iyare negetit hoji, idaha cebu'? ¹⁰ Nyuo hati ongida te ijianata ojo lahito ho twani obwon ho na hinefito ho higiama inyi nifok nihibalahinere hepalita, ''Ngete fa ho najiman niho latwani la ifofwada nifok, ¹¹ ''Ajo ne niho ji, todete nihide, iyare nakieni hoji, ilo nihaji hoji.'' ¹² Ngete ho nadeto tiye tiye ho nahiyaru negetit, ho naloten tiye to haji nihatemeni ho lati , ojo ongida fa sing ipanyie cebu nahisiarahinere nakwatan niho Najyok, sing ho najiman, ''Obu fa jie ohitel ibwo nasinge toho anya.'' ¹³ Ngete ho naloten tiye to nahari nahitwahajik, lati nalohoi ho nafwonisio niho ngete, ngete ho na hitejiana sing. ¹⁴ Lo fa ngete oringita hereye, ngete ho natialan Lefi iha Alfas itwongo nimaji na itutufariti namochoro ngete ho najiman niho ngete, ''Ijifine ne.'' Ngete ho nadeto ho na hijifaru ngete. ¹⁵ Obwon fa Yesu ho nanyasu nihaji ho Lefi ho nalohoi ho lahetutufak ho mochoro ho lahepalak ho lati onyiese ho Yesu ojo lolohejiehi hongete, olwaji fa sing ho na hijifaru ngete. ¹⁶ Lofa nateli lahegierok hobuhi, sing lati ho Farise, Yesu onyasu ho lati lahepalak ho laheduduhak ho mochoro, sing ho na tianya niho lolohejehi hongete, ''Nanyuo ngete onyasu ho laheduduhak ho mochoro cebu lati la hepalak?'' ¹⁷ Lofa netiyir Yesu anya ngete hona jiman, ''Lati hula ifirangi nakwanite hosing obu owak lahaduanyani; lati ijia hula odiahe lohawahi. Obu fa ne alotu ngeleso lati hula opit namanya ho sing, nyuo hati lati lahepalak.'' ¹⁸ Lolohejehi ho Yuwane ho lati ho Farise itodware nanyasu. Hilihe lati ho nafwoniso jiman niho ngete, ''Nanyuo lolohejehi ho Yuwane ho nolohejehi ho lolohejehi ho ho lati Farise itodware?'' ¹⁹ Yesu ho najiman niho sing, ''Hatum lati hula obwoni niloyamari itodware nyuo hati lahayiamani ho bwon ho sing? Hobwoni sing ho lahayamani habu sing otum itodware. ²⁰ Nyuo hati ofwoni hadi noholongi lomo neyare lahayamani tiye ho sing, niho ehwe holongi, itodware hadi sing. ²¹ Obe lobo latwani orifahi nabongo nengajuk nilongore ho bongo, togolotohoha ochihirare ba nologoro olamaji niho ngete, nangejuk niho neragang, cebu imwoch hadi nachira. ²² Obe lobo latwani ijuhohi nangejuk ho balu nihisafe ho balu na amany, inaha ifud ba nabalu nahisasata kira nabalu ho nahisase fad hadi omuyuhini. Nyuo hati , ijuhohi nangejuk ho balu nahefuruta niho nengejuk hesase.'' ²³ Niholong howiri Yesu ho naloten tonehiji ho mana, nolohejehi hongete ho nahichak inguto nangamang. ²⁴ Lati ho Farise ho najiman niho ngete, ''Totiale, nanyuo hasing ehwene nasinge na obu obwon niho nechihit holong howiri?'' ²⁵ Ngete ho najiman niho sing, ''Hobe te ikianata nasinge lofa igem Davide ohorihi ngete obwon ho na nawahan cebu nahureonyasu ngete—ngete ho lati hula obwoni hongete__ ²⁶ tatali ngete olo nihaji ho Najyok ohorihi Abiatar ora alohitwahiji ho padiri, ho na nanyan nebune ho lati hula obwoni iyie, ohorihi obu osiru lobo onya mayak lapadiri, adobu ngete esiarahi fa hinihe niho ehule obwoni fa hongete?'' ²⁷ Ojo fa yesu, ''Ihwanahini noholong howiri niho latwani, obu latwani niholong howiri. ²⁸ Inaha, Lahito ho Najyok ngete Hobu, adobu niholong howiri.''