¹ Ngete anya nolochifot ho nefanjelio noho Yesu Kristo, Lahito hojyok. ² Toho igierehinerete niho Isaiah lateteleseni hohiramita, ''Totiale, asulahiso ne nolohejek hone nihatemeni ho hote, ngete la ihuhumahiso nehoi hote. ³ Namurut ho lobo interest niwahatari na ora ehuoto , 'Ihuhumata otero nehoi hohobu, ihuhumata nehoiyiha opiti.''' ⁴ Yuwane fa ho na lotiniso, ibatiso niwahatari ho na hitotoso hohijuho hono nahiwaha noho hibalahiso hepalita. ⁵ Nelulung ho hang ho Yudeya cebu lati ho Yerusalem fa ho na fwoten da hongete. Ijuho fa ngete sing ni hotwa ho hari ho Jordan, iwaharite nepalita hosing. ⁶ Ijefito fa Yuwane nakabut na ora afofi ho konikoni cebu nakeni netodit na obwon ningagu hongete, ho cebu onyasu fa ngete nejufi ho nesio. ⁷ Iramahiso fa ngete ojo, ”olotiniso lobwo latwani nihalu hone la ifirang bebe ilany ne, ho cebu abune atum igem nasinge na opit ongida olahu nahikwolohino ho kapetech hongete. ⁸ Ahejuho ne ite to nahari, ati ohijuk ngete ite to nolohayilong na onyila.“ ⁹ Iburahino fa niho ehue holongi ojo olotu Yesu to Nazarreth dii Galileya, ho cebu ijuhe fa ngete niho Yuwane nihotua hohari ho Jordan. ¹⁰ Lofa nalotu Yesu to hotwa ho hari niger, ngete ho natialan nahide ho nahwara ingasu cebu nolohailong honagirehiso niho ngete toho newolo. ¹¹ Natianya ho na lotiniso tohide, ”Iji ale lahito ho nitaji hone. Akwama ne toji bebe.” ¹² Nolohahilong tiye ho nehiyaru ngete niger niwahatari. ¹³ Obwon fa ngete niwahatari noholongi nehejek ongon, na otimari Lahesuswani ngete. Obwon fa ngete ho natiangi ho niwaha, cebu anjeloji ho nalwahan ngete. ¹⁴ Tahanya lofa nenefini Yuwane, Yesu ho nalotiniso Galileya itokwata nefanjelio ho Najyok na odwa, ¹⁵ Ojo, ''Atuba noholong, cebu anyiha nahang ho Jyok. Iwahati cebu iruhoto niho nefanjelio na odwa". ¹⁶ Lofa nadaha ngete toneger hodial ho Galieya, ngete ho nateliniso simone ho Andreya hilasi ho simone ipirehiso nangerie nihari, toho orahi fa sing ahetolwahak ho hayem. ¹⁷ Yesu ho na jiman niho sing, ''I fwosu, ijifinete ne, ahitarak ba ne ite lahetolwahak ho lati." ¹⁸ sing ho na chwarahiso nangerieji ho na hijif fa ngete. ¹⁹ Lo fa Yesu ho dahahiso kai, ngete ho nateleniso Yakobo iha Zebedi ho Yuwane hilasi hongete; obwoni fa sing nitigol nirifari nangerieji. ²⁰ Ngete ho nangialan sing ho sing ho nahirwatahiso monye ho sing Zebedi nihotwa ho tigol ho la hegiamak hula fa ongida odume, cebu sing ho nahijif ngete. ²¹ Tiye sing hona foniso capernaum, ho cebu todomika, Yesu hona loten toho Synagogue hona hitejiana. ²² Obayangahini fa sing nihitejiana hongete, toho itejiana fa ngete sing toho latuani la obwonitere nahinefito ho cebu obu toho nechihita huja egierehine. ²³ Toho tiye obwon fa lobo latuani niho Synagogue ho sing la obwonitere nolohailong nebot yio, ²⁴ ojo, ''nanyu ijie ohiwak ohihon niho iji, Yesu loho Nazerreth? Elotu iji itetiangariso ijie? Ajien ne ngai iji. Iji aLe lahanyilajani hojyok!" ²⁵ Yesu hona hisinga lochipere jiman, ''Ininge kwo toda hongete!'' ²⁶ Namingati hona hibirehiso ngete nifok hona loten tiye hongete ana oyio namurut nokuat. ²⁷ Obayangahini fa lati fad, tiye sing hona hifiasu nakwanite ho sing, "Nanyo anya? Nangejuk ohitejiana hona hinefito hohigiama? Adobu ngete hona hiramahiso nolohailong nebot ho cebu sing obayangi ngete!'' ²⁸ Nahiram hongete hona loten niger niho namasik fad hohang noho Galileya. ²⁹ Nihalu hofjniso to Synagogue, sing hona foniso nihotua hohaji ho Simone noho Andreya, hangati Yakobo ho Yuwane. Tinya fa, ³⁰ Homoni ho Simone nangorite ohori ogeto ana odiaha hona Nanwahan hokwan, sing hona hiramahiso Yesu nahiram hongete. ³¹ Tiye ngete hona lotiniso, iyaru ngete tonehene hongete, honahitedet ngete nihide; nawahan hokwan honahidahiso ngete, ngete hona hichiak itoluaha sing. ³² Ene tari, nihalu hodoyojiere hoholong, sing hona hiyeno niho ngete ehule fa fad odiahe kuya ehule abwoni tonemanyita ho Sitanat. ³³ Nahang fad fa hona tubahino harabito nikat. ³⁴ Oduany ngete nalohoi hulofa obwoniterete nediahidiahi hamahama hona rohoriso fad niger, hati obu fa ngete iruk laharohojiak otianye nyuo ojieni fa sing ngete. ³⁵ Odeto fa ngete many ho fanganiso, ohorihi hojo ngaingai; ngete ho nahidahiso ho naloten niger niho namaji na olo fa ngete bwonitere hama ho cebu toda ngete fa ho namojo. ³⁶ Simone hehule obwoni hongete ho natahito ngete. ³⁷ Sing ho nahorihiso ngete ho najiman niho ngete, ''Lati abito abito ohitahite iji.'' ³⁸ Ngete ho najiman, ''Ahifwo ibwo namaji, toho nihangite nohogala, ongida cebu ne atum etotoso da. Ngete nalotinere ne inyi.'' ³⁹ Ngete ho naloten ene ho Galileya fad, itotoso tenetenyit nilomojereji orohito naharohojak niger. ⁴⁰ Latwani ho chalulu honatiniso fa niho ngete. Ilelia fa ngete niho ngete,· ngete fa ho narugungi nifok ho na jiman niho ngete, ''Nara iji liwak, atum lofe iji itinyilanj ne.'' ⁴¹ Namehino ho nahinef ngete, Yesu ho nahiduhuniso nehes hongete ho natiron ngete, ho najiman niho ngete, ''Eruk ne. Tonyilaja.'' ⁴² Tiye tiye latwani ho chalulu ho nahirwatahiso ngete, ngete fa ho na nyila. ⁴³ Yesu ho nahireng ngete ho narohoriso ngete olama tiye , ⁴⁴ Ngete ho najiman, ''Tojianaha biangan tianya ibwo nasinge niho lobo, ati ilo, itetelehi nakwan hoji niho lapadiri, cebu iyalahi nanyilaji hoji lofa iramahi Muse, toho nahitelehiso niho sing.'' ⁴⁵ Nyuo hati ngete ho naloten niger ho nahichak iramahita lati ho nahitasarahiso na tianya ojo ongida Yesu obu iruta arus niho ibwo nahang. Tiye ngete ho nahitwongo niger niho namasik huja nopolo lati ho nafwoniso niho ngete tomasik fad.