¹ Lofa Yesu nadaha tiye to tempulu, lobo niho lolohejijek ho na jiman niho ngete, ''Lahetejianani, to tiale dwo niho namori huja ongidari ho nahahayi huja onyilaji!'' ² Ngete ho natianya niho ngete, ''Etel ji hunya hayi itabayange? Obe ba ibwo namorwo abito otongohi nihebwo ojo ongida obunyohino nifok.'' ³ Lofa netwongo ngete nidenge ho Olife na obwon angati ho tempulu, Petur, Yakobo, Yuwane, ho Andreya ho nahifi ngete hama, ⁴ ''Iramahi ijie, hanu hunya reji idwongi? Nanyuo hadi itelehi lomo nedwongi hunya reji?'' ⁵ Yesu ho nachifon tianya niho sing, ''Ojo to bwanata angida ojo ikie lobo obu ohitubunya ite. ⁶ Ofwoni hadi nalohoi tanafure ho ne jiman, 'Ne ale ngete,' cebu etubunya nalohoi nitimere. ⁷ Lomo netiyiratate narem ho na ngunungunu ho rem, hebayangata; many idwongi hunya reji, nyuo hati hobe nolohichungi. ⁸ Toho odetehino hadi nahang ibwo, ho nahang ho Najyok opar nihang ho Njyok. Obwon hadi nelihilik nimasaik huja olwe, ho nahure. Sing hunya nolochifot ho miajan hotomoni. ⁹ Tobwanata nihitiesere angida. Ohiyare hadi sing ite many nilokiho, cebu ohilume hadi ite nelomojere. Ibotiati hadi te nihatemeni ho lohonyihite ho gala to nahiram ho ne, na ora eteteleso niho sing. ¹⁰ Nyuo hati ongida soni iramahini nefanjelio odwa nihangite fad. ¹¹ Lomo hadi nahinefi sing ite cebu ohisiarahini ite da, hehuyasete nanyuo otum ite itianyati; obu lora ite litianyati, nyuo hati Nolohailong na onyila. ¹² Lahilasi hadi isiarahi lahilasi niyeyi, monye lonyi. Idayari hadi lemusak monye ho beyang hosing many ifadari hadi sing. ¹³ Ohidayari hadi ite lati fad tananyuo to na fure ho ne. Nyuo hati ngete la hadi odik many nilohuchungi, italahino hadi ele twani. ¹⁴ Lomo hadi netialatate netorohojiari nasinge na iboti nehoiyiha hongete obotia hadi nimaji na obu otum ngete obotia (ikie lahekianani ojien), ¹⁵ Ikie ehule obwoni Yudeya iratite toho nidengetio, ikie ngete la obwon nihide ho haji obu ongiru nifok kuya iyaru ibwo nasinge hongete, ¹⁶ cebu ikie ngete la obwon nimana obu oyitu hiyaru nabongo na ora ahaboto. ¹⁷ Nyuo hati ikie narohoji obwoni ho lahito cebu ehule itenahe nedolak niho ehwe holongi fa! ¹⁸ Tomojiete ojo habu otum idwong nifurat. ¹⁹ Toho obwonitere hadi namehino bebe, toho obengitere ngete tolochifot, lofa obienere Najyok natodo, hobaya, obe, obu hadi ibwo toho anya hari. ²⁰ Kuya nara Hobu itusuk noholongi, nakwan ibwo abe itohorino. Nyuo hati to nahiram ho kuri, sing ehule onyumu fa ngete, angut fa ngete noholongi. ²² Oleyeji hadi kristoji lahagesemok ho lahagesemok ho laheramahitak ho hiramita iramahite hadi nahiteleyehita cebu itelehini nabwanan ho nanareji huja ihwane sing, ojo ongida ohitonwangari, nakwanite, adobu la onyumuni fa. ²³ Tobwanata nilorasere! ahiramahi fa ne ite hunya sang many berien. ²⁴ Nyuo hati nihalu ho mehino hehwe holongi, orwahajaya hadi noholong, nayafa obu inwohito, ²⁵ odoni hadi na hanger tohide, ho na hifirang ohinefito huja obwoni nihide many hadi itihihiri. ²⁶ Tiye oheri hadi sing lahito lahito Hotwani olotiniso nihotwa holopu to nahifirang ho nanakwatan. ²⁷ Tiye osulaya hadi ngete anjeloji hongete ho cebu ifurohi hadi harabito lati hongete hulo fa onyumuni niho lobwangiji ongon, many tolohichungi hofok many nilohichungi ohide. ²⁸ Tojianata nahiram niho nakiani na inujwahini. Lomo nalotiniso nakanati yohoji cebu itidifehiso nabene hongete, tojianata ha ojo anyiha nahameu. ²⁹ Nyuo hati cebu, lomo natialatate hunya idwongite, tojianata ojo anyiha ngete, tojofe nikat. ³⁰ Tarihe, ajo ne nihote, anya hilahaji obu hadi oringa many nedwongi hunya reji fad. ³¹ Nahide ho na fok otuhere hadi, nyuo hati nahiramita ho ne osie hadi jik. ³² Nyuo hat nihigigilere ene holong kuya ene sa, obe lobo ojien, obu cebu anjeloji hula obwoni nihide, kuya lahito ho Najyok, nyuo hati Lamonye. ³³ Tobwanata ahula ijianata! Iriria, tananyuo obu te ijianata ojo ani holong ngete. ³⁴ Okialare toho latwani la olo nimisok_idahi nahaji hongete ho na hihwanahiso lahegiamak hongete otiale nahaji, lobo ho na higiama hongete, cebu isiarahi latwani la iriria nekat itwongo alo okeny. ³⁵ Inaha itwongete ahula igianyata, obu te ijianata hanu lahetegiamani ho haji ba alotu; ahachie tari, ta naharie, lomo nekwohite nohohore, kuya nifangan. ³⁶ Nalotu ngete tarafanak, hesiarahisi ngete ohorihi iji igetoro. ³⁷ Nasinge na ajo ne niho iji ateny niho latwani abito abito: Iririati!