¹ Lofa nangiru Yesu to denge,nalohoi ho lati ho nahijifaru ngete. ² Latwani onya nachalulu ho nalotiniso niho ngete ho narugungi nihatemeni hongete,ojo,"Hobu,niruk iji'hatim iji itijilany ne." ³ Yesu ho naruehiso nehene hongete ho natiron ngete ojo,"Eruk ne.To nyilaja."Tiye tiye ngete ho nanyilaji. ⁴ Yesu ho najiman niho ngete,"Heramahi niho lobo latwani. Ilo tenehoi hoji,itetelehi nakwan hoji niho lapadiri ce bu isiarahi neyalita hunofa iramahi Muse,nihitetelihinere nihosing." ⁵ Lofa neruhi Yesu Kapernome,lolohitwahaji ho kuma ho na lotiniso niho ngete ho nahifiasu ⁶ ojo, "Hobu,odiaha lahegiamani ho ne ele logeto nifok ongura." ⁷ Yesu ho najiman niho ngete ojo,"Olotu ba ne itingidariniso ngete." ⁸ Lolohitwahaji ho gala ho nahitarang ngete ojo,"Hobu,abu ne atum isiarahiso iji iruhi nihaji ho ne,iramahi natianya ijia ongida ba lahegiamani ho ne. ⁹ Ne cebu ara ne atuani la abolo ho lahegiamak hula olwaji. Eramahi ne ale ojo,'Ilo, ngete ho na loten, niho lobo ajo,'Kwo, ngete ho na lotiniso, ajo niho lahegiamani ho ne, "Igiama anya ngete ho nahigem." ¹⁰ Lofa netiyir Yesu natianya hele lohitwahaji, ho namehino niho lati hula ijifite ngete, "Tarihe ajo ne nihote,hobu ne ahorihi la obwon ho nahiruk to ho anya niho Isarayile. ¹¹ Ahiramahi ne ite, ofwoni ba lati hula oluaji to lotulunere hoholong ho nilodoyojiere, ho nafuoniso inyasu harabito sing hobo Abramo, Isako, ho Yakobo nihang na obuon nihide. ¹² Ati lemusak ho hang ipirehini hadi sing nimaji na irwok, na obwon nayo ho nahwanya ho hala. " ¹³ Yesu ho najiman niho ile lohitwahaji ho gala ojo,"Ilo!To ho eruk iji, ikie ihoni nihoji. "Lahegiamani ho langidari tiyetiye. ¹⁴ Lofa na lotu Yesu nihaji ho Peturu, ngete ho nateliniso homoni ho Petur ongeto odiaha nehirebiji. ¹⁵ Yesu ho natiron nehene ho ngete,nahatere ho nahinahiso ngete. Ngete ho na deto ho nahichak ilwaha ngete. ¹⁶ Lofa na lotu natari,lati ho nahiyeno niho Yesu lati hula odiahe ho namininga.Ngete ho narohoriso namininga to natianya ijia ho nahitingidar lati hula fa odiahe fad. ¹⁷ Niho anya higiama,itelehi anya nofa tianya iramahini niho laheramahitani hetenyata ojo,"Ngete to nakwan hongete liyaru nidiahita hojie ho nadihahiso." ¹⁹ Niho nahang neruhisi te,to horihisi ngai longida itwengete da many nedahatite. ¹² Neruhisite nihotwa ho haji,ihatata ngete. ¹³ Na nyila nahaji, ikie nayomo hote obwon nihene haji. Ati nabu onyila,ikie nayomo hote oyitu nihote. ²¹ Lobo ho lolohejehi hongete ho na lotiniso niho ngete ojo, "Hobu, idahisoni ne alo inuhahiso monye ho ne. " ²² Ati ojo Yesu niho ngete, "Ijifine ne,idahi lahayeyak onuhe lahayeyak hosing." ^{24 7} Nofa nafwe ehule ati, Yesu ho najiman niho na lohoi ho natianya niho lati to Yoana ojo,"Nanyuo te ifwasi itiala niloleng-namujung huja ohuta no lobwangi? ⁸ Nyuo hati nanyuo te ifwasi itiala latwani la ijiefito nabongiji huja irebiji?Tarihe lati hula ijiefite nabongoji huja rebiji omanye sing nihai ho hobuk. ²⁶ Yesu ho najiman nihosing, "Nanyuo te ibayangata,ite hula omuta nahiruk?" Ngete ho nadetino ho nahitobuj nolobwangi ho nahari. Nolobwangi ho nahari ho nariajan. ²⁷ Lolohejehi ho namomongito ojo, "Ali twani ale liruhi dobu nolobwangi ho nahari nitenyita hongete?" ²⁸ Nofa na lotu Yesu toho nihang ho Gadarena,lati harik hula odiahi ho namininga ho nahiriamahino ho ngete. Ofwoni fa sing telumeho hula igereji bebe many obe lati ongutute hereye. ²⁹ Oyiye fa sing ojo, "Nanyuo jie hahitum ohihon iha Najyok? Ilotu ji itegiama ijie many ho be nasa otuba?" ³⁰ Onyese fa nebworohi niger ho hari obu olamaji tiye hosing. ³¹ Itiringe namininga ho itianya niho Yesu ojo, "Nerohoriso ji ijie niger,torohohi ijie nihehue ibworohi. " ³² Yesu ho najiman nihosing, "Ifwasi!"Namininga ho nafwoniso ho nahinam nibworohi. Nibworohi ho nahinamahiso nihari ho nahuyari ho nayeyehiso da. ³³ Lati hulo fa ijiohite nebworohi ho nahinam tiye. Nofa nafwe sing nihang, sing ho nahiramahiso nareji fad, bebe nasinge na iduong niho sing hula odiahe ho namininga. ³⁴ Lati to hotwa ho hang ho nafuoniso fad itialari Yesu. Nofa nateli sing ngete, iramahini fa sing ngete ojo ongida idahi nahang hosing.