¹ He ngotete,obu hadi cebu ohingoti iji, nangotit na ingotere ji ongoterete hadi niho ji. ² Netemit na itiamari ji otiamariti hadi nihoji. ³ Nanyuo iji itiala niho noloperechek na obwon nihonyek ho hilasi hoji ibe hati ijien na obwon nehonyek hoji? ⁴ Tatali iji he jo niho hilasi hoji,'Ikie eduhai ne noloperechek na to honyek hoji,' nyuo hati nagarati obwon nihonyek hoji? ⁵ Iji ale lahapufani! Iduheyesoni nagarati to honyek hoji ongida iji itialari na onyila nihiduhajiere no loperechek to honyek ho hilasi hoji. ⁶ Hesiarahi nasinge na onyila niho na ngohe, hepirehi na nebune nihatemeni ho ngohe. Kira irerie to nehejiaha ho sing ho nahibialehino hichichir iji itasarariso iji. ⁷ Ifia,ohisieri ba iji. Totifite,ihorihi be ji. Ididingo nekat,onge ba nehoji. ⁸ Latwani la ifiasu,ohorihi.Ce bu latwani la otahito,ohorihi. Ngete la ididing nekat,ongahini niho ngete. ⁹ Ngai ngete to hiji hote lomo namojo loji na ngirang ngete esiarahi namorwo? ¹⁰ Kuya ifiasu loji nahaiyemi ngete esiarahi nahiriahu? ¹¹ Inaha,nejianatate ite hula laharohojak nahisiarahita nareji huja ongidari lemusak hote, baya ba huja isiarahi Najyok to hide niho lati hula ifiase ngete? ¹² Inaha, nasinge na iwak iji ojo ongida lati ihoni nihoji,ongida cebu ji ihon na ongida nihosing, ngete anya nichihit ce bu laheramahitak ho hiramita. ¹³ Iruye ta nehoi la otiya.Nehoi na olalat ce bu otada olo nimaji na orohojaya,olwaji lati hula odaha to ngete. ¹⁴ Nehoi na otiya ora nehoi na olo niho nahisu omutari lati hula ohorihini ngete. ¹⁵ Togoloto laheramahitak ho hiramita hula ogesemi, ofwoni sing to nabongoji hehoriangi nyohati orahi alowohoji. ¹⁶ To nahanger hosing itumatate itelusu sing. Hatum lati odieni na hanger huja oyiyili te kwa kuya nangaboli te tilong? ¹⁷ Nakiani na ongida ongiji nahanger huja ongidari,na oroho ongiji nahanger huja orohoji ¹⁸ Habu nakiani na ongida ongiju nahanger huja orohoji kuya hatum nakiani na oroho otum ongiju nahanger huja ongidari. ¹⁹ Nakiani na obu ongiju nahanger huja ongidari ikie ongutori nifok ipirehini nihima. ²⁰ Ongida ite itelusu sing to nahanger hosing. ²¹ Obu ora lati fad hula ojimi nihone, 'Lohobu,Lohobu;hadi iruhuni nihaji na obwon nihide,ati latwani la igiama nawahan ho Monye ho ne la obwon nihide. ²² Olwaji hadi lati hula ojimi niho ne,'Lohobu,Lobu,obu fe jie ohitianya to nafure hoji,ohirohorita fejie namininga to nafure hoji,ohigiama fejie nedwarita huja ogoli bebe to nafure hoji? ' ²³ Iramahi hadi ne nihosing ojo,' Abu ne ahijien ite!Ifwasi niger tinyi ho ne, ite hula laharohojak! ²⁴ Inaha,latwani la itiyira natianya ho ne iruk ce bu okialara ho laheleferejiani la ifahahi nahaji hongete nimorwo. ²⁵ Nomo nalotu nahuju,itihu nahari ce bu nolobwangi ohota obu otum otingoyo ene haji nyo ifahahini ngete nimorwo. ²⁶ Latwani la itiyira natianya ho ne obu otunahi, okialare ho latuani la odataru la ifahahi nahaji hongete nisingati. ²⁷ Nalotu nahuju,nahari ho na lotiniso ho nolobwangi ho nahutariso nahaji hongete nifok. ²⁸ Laholong natuhohi Yesu natianya hunya hiramita, obayangi fa lati to nahitejiana hongete, ²⁹ itejiana fa ngete to ho latuani la obolo obu to ho lahetomojoni hosing.