¹ Hehwanati nahigiemita hote nongidari nihatemeni ho miji kira iji obu ihorihi neyalita niho monye hoji la obwon nihide. ² Nesiarahi ji nelwahita, hehut natotolu to ho lahabufani obe hati ojien ibwo nasinge hula ohute nilomojiereji ho nihoiha ojo ongida miji itokwate ngete. Ahiramahi ne ite ojo ahorihini sing neyalita hosing. ³ Nomo nesiarahi iji neluahita, hesiarahi nehajong hehene hoji ojien nanyuo neteten hehene hoji ihwana, ⁴ ongida neyalita hoji isieri nolohininge.Monye hoji la otiala nareji fad ohiyalahi hadi iji. ⁵ Nomo nemojetete, hekialare to ho lahapufak, okwame sing namojo no lobotie nikelesia ho nihoiha ojo ongida lati oteli sing. Ahiramahi ne nihote ojo ahorihini sing neyalita hosing. ⁶ Nyuo hati ite,nomo nemojietete,iruyosi nihaji. Ikianahisi nekat, ho namojo niho monye hote la idimaru. Tinya monye hote la otel, iyalahi hadi nihote. ⁷ Nomo nemojo ji henyenyahata nemojita hoji to ho ihoniterete paganoji,igigile sing ojo itiyire ba sing to natianya hosing bebe. ⁸ Inaha,hekialariti to hosing, ojien monye hote nanyuo iji iwak many hobu ji ifi ngete. ⁹ Inaha tomojete to hoja: 'Monye hojie la obwon nihide, ohitokwata ijie nafure hoji. ¹⁰ Ikie nabolori hoji olotu, Ikie nawahan hoji obuon iji nifok ho nihide. ¹¹ Isiarahi nihojie nanyasu hojie noho tihitik. ¹² Tolahahi nepalita hojie to ho na ohilahahinere jie nepalita ho lati hula ipalari nihojie. ¹³ Hesiarahi ijie niho nesusuta, ati itohoru ijie niho nerohojita. ¹⁴ Nebalahisite nepalita ho lati, ibalahi ba monye hote la obwon nihide nepalita hote. ¹⁵ Nabute ibalahisi nepalita ho lati hula ipalari nihote, obu ba cebu monye hote ibalahi nepalita hote. ¹⁶ Nomo nenyumu iji nahitwongo obe inya nangirang, hetwongo to ho ibuon ji nitwari to ho ihoniterete lahapufak,itorwohoji nohomomite hosing ongida oleyeji najiman itwenge sing nebe ngirang. Ahiramahi ne ite ojo ahorihini sing neyalita hosing. ¹⁷ Nyuo hati ite nomo netwengetete obe ngirang,itinyilajata nohosi hote ce bu ilalata nohomomite. ¹⁸ Ongida ibe ileyojoto ahula itwengete nebe ngirang, mayak monye hote latiala nareji huja idimere. Monye hote la otiala nareji ho huja idimare ohisiarahi hadi ite neyalita. ¹⁹ Itunahisi nekwanite hote nareji ho nifok, huja ofwoni nifireji tuhon, ho huja ofwoni lahahohwalak ihohwalaru. ²⁰ Ati, totunahisi nareji nakwanite hote nihide, nimaji na obu nefire ho lahahohwalani otum otir. ²¹ Namaji na itunahinere ji,obwon nataji hoji da ²² Ora nohonyek afangan ho kwan. Inaha, nangida nohonyek hoji, ifut nakwan hoji fad ho nafangan. ²³ Naroho nohonyek hoji,ifut nakwan hoji fad idimele.! Inaha,nara nafangan na obwon nihoji edimele,tatali nabolori hene idimele! ²⁴ Obe lobo latwani otum igiama niho lolohitwaha harik, kara okwama amit twani oliwa liho amito. Habu ji itum igiama niho Najyok ho na bara. ²⁵ Inaha, ajoni nihote, hegigilete nahisu hote, nanyo ba inyesete kuya nanyuo ba te imatati kuya to nakwanite hote, kuya nanyuo be te ijiefitete. Obe nahisu hote ongida ilany nangirang, onakwanongida ilany nabongoji. ²⁶ Totialata nakeny huja ifirite. Obu oreme kuya odenge monye hote la obwon nihide ltanyasu sing. Ibete ingidarata ilanyata sing? ²⁷ Ngai to hiji hote hawak ifunahiso nahisu niho ngete? ²⁸ Nanyuo te ihuyasete nabongoji? Ihuyasete naturohak honitimere, tatali sing obolori. Obu sing igiame,obu sing orife nabongiji. ²⁹ Ahiramahi ne ite ojo dobu Solomone niho nakwatan hongete fad, obu fa itejiefi ngete to ho anya. ³⁰ Netejief Najyok ho namiyang to timere,huja obwoni baya ho hubanyi ipirehini nihima, tatali hatiba ngete ohitejif ite, ite hula omuta nahiruk? ³¹ Inaha, hehuyasete ijimata'Nanyuo ba ijie ohinyasu?'kuya'Nanyuo ba ijie ohimata?' kuya,'Ahuni bongoji be jie ohijiefito?' ³² Paganoji otahite hunya reji,omonye hote la obuon nihide ojien ojo iwahatate sing. ³³ Nyuo ti totahite soni nahang ho Najyok ho nangidari ho ngete isieri hadi nihoji hunya reji fad. ³⁴ Inaha,hehuyasete to nahubanyi, ihuyasu be nahubanyi to nakwan ho ngete. Niholong abito obwon ho nahiramita nikwan ho ngete.